ဟင်းလင်းပြင်တစ်ခုပါ
ဒါပေမယ့်..
အဲဒီဟင်းလင်းပြင်ထဲမှာ
အရာအားလုံးပြည့်နက်နေတယ်လို့
ထင်ရရဲ့..
မင်းဘာကိုမှ
ဆုတ်ကိုင်မထားလိုက်မိခင်မှာပဲ
အဲဒီအရာတွေ
ပျောက်ကွယ်သွားမှာပါကွာ
အဲဒါ...
ကမ္ဘာကြီးရဲ့အမှန်တရားတဲ့..
စိတ်ကူးတွေကလဲ
ဗလာသက်သက်ပါပဲလား
အက္ခရာမဲ့နေတဲ့
ရင်ဖွဲ့ကဗျာခတ်ရင့်ရင့်တွေ
ငါ့နှလုံးသားထဲကနေ
တစချင်းကြွေကျနေရဲ့
ပြက္ခဒိန်တချို့ကိုတော့
လမိုက်ညတွေလို
မမြင်မစမ်း
ဖြတ်သန်းခဲ့ပြီးပြီ
သူငယ်ချင်းရေ
သံစဉ်မတူတဲ့
တေးသွားတပိုဒ်ကို
အတူမဆိုချင်တော့ဘူးဆိုလဲ
ငါရိုးသားစွာ
နှုတ်ဆက်ပါတယ်
ကိုယ့်ဘ၀ကိုရှာရင်း
နေ့ရက်တွေဖြတ်သန်းကြတာပေါ့
ဖြစ်နိုင်မယ်ဆိုရင်
မြေပုံမရှိတဲ့ဒေသမှာပဲ
ငါ့ကိုငါရှာဖွေချင်တယ်
ရင်ခုန်သံအသစ်တွေနဲ့
ငါတည်မဲ့မြို့ပြမှာ
မှတ်ပုံတင်မလိုဘူး
ဗီဇာမလိုဘူး
လက်မှတ်မလိုဘူး
တံဆိပ်ခေါင်းမလိုဘူး
ပကာသနမလိုဘူး
နေကာမျက်မှန်မလိုဘူး
အာဏာလည်းမလိုဘူး
ဘာအရောင်မှ
မစွန်းထင်းရသေးတဲ့
နှလုံးသားတစ်ခုနဲ့ပဲ
မင်းကိုဝင်ခွင့်ပြုမယ်
သားထက် (မုံရွာနည်းပညာတက္ကသိုလ်)
No comments:
Post a Comment