ဘ၀ဆိုတဲ့
ခရောင်းလမ်းထဲက
မဖတ်ရဲခဲ့လို့
မဖတ်ဘဲထားခဲ့ရတဲ့
စာမျက်နှာတွေက
အိပ်မက်အသေတွေနဲ့အတူ
ဖရိုဖရဲ လွင့်ကြဲလို့
ဘ၀ရဲ့ပူလောင်လှတဲ့
်ညနက်နက်တွေထဲ
ခတ်ယို့ယို့လေး
ရှင်သန်ဖြစ်တည်နေတဲ့
နှလုံးသားကို
ရိုးသားစွာသိမ်းဆည်းထားရင်း
မစို့မပို့
မိုးရေတစက်တလေကိုပဲ
ငါတမ်းတမိပါရဲ့
ချစ်သူ.....
ငါကိုက
အချစ်နဲ့ပတ်သက်လာရင်
တတ်သိနားလည်မှုတွေ
နည်းပါးတတ်လွန်းတယ့်
သုညနဲ့စခဲ့ရတဲ့ ဘ၀က
မင်းအတွက်
မလုံလောက်ဘူးဆိုတာလည်းသိရဲ့
ဒါပေမယ့်
အဲဒီမထုံတတ်တေး နှလုံးသားဟာလေ
စုံလုံးကန်းမျက်လုံးတွေလို
အချစ်နဲ့ပတ်သက်လာရင်
ဘာကိုမှ မမြင်ပါဘူးတဲ့
တကယ်ပါ
မင်းနှုတ်ဖျားက
ထွက်ကျလာမယ့်
တခွန်းထဲသော
စကားတလုံးကိုပဲ
ငါရင်ခုန်တယ်
ချစ်သူရယ်
ကြာခဲ့ပြီဆိုပေမယ့်
ငါကလေ
မင်းနဲ့ပတ်ရင်
သစ်ရွက်ကလေးလှုပ်ခတ်လိုက်တာကအစ
ခုထိရင်ခုန်တတ်နေတုန်းပါ.....
သားထက် (မုံရွာနည်းပညာတက္ကသိုလ်)
No comments:
Post a Comment