ကျွန်တော်ဆိုတဲ့ကောင်က
ဝမ်းတစ်ထွာအတွက်
်ဖားရိုက်မထွက်ချင်လို့
နိုင်ငံရပ်ခြား ထွက်ခဲ့တာပါ အမေ (အဖေ)။
မိသားစုနဲ့ဝေးရာ
အကြင်နာတွေနဲ့ဝေးရာမှာ
ရှာဖွေခြင်းဆိုတဲ့ဒုက္ခတွေနဲ့ ချွေးသုတ်ဖို့
အချိန်လုရင်း
ဟောဒီလောကကြီးထဲမှာ
အမေ (အဖေ) ချစ်တဲ့
ကျွန်တော်ဟာ
အမေ (အဖေ) နဲ့
အဝေးဆုံးနေရာကို
ရောက်နေတယ် အမေ (အဖေ)။
အမေ (အဖေ) ပြောသလို
အမေ့အနားမှာ
ဘိုးဘွားပိုင်လယ်ယာနဲ့
ပဲစိုက်၊ ပြောင်းစိုက်၊
ပျိုးထောင် ပျိုးနှုတ်
အလုပ်မှန်သမျှ
ကျွန်တော် လုပ်နိုင်ပေမယ့်
ရာသီဥတုကိုတော့
မယုံတော့ဘူး အမေ (အဖေ)။
နှမ်းခင်းဆိုလည်း
နှစ်တိုင်းလိုလို ပိုးက နှိပ်စက်၊
ပဲခင်းဆိုလည်း ပိုးက ဖျက်နဲ့
လုပ်စားမရတဲ့နှစ်တွေ
များခဲ့ရပြီ မဟုတ်လား အမေ (အဖေ)။
ဒါပေမယ့် အမေ (အဖေ)
နယ်မြေချစ်တဲ့ စိတ်ကတော့
တစ်စက်လေးမှ လျှော့မသွားပါဘူး။
အခုချိန်မှာတော့ အမေ့(အဖေ့)သား
ကျွန်တော်ဟာ
မျှော်လင့်ချက် တိမ်တိုက်ကို
အသိုက်လုပ်ပြီး
ဝေးဝေး မြင်ဖို့ မြင့်မြင့်ပျံ
လေဆန်ကို အန်ခဲလို့
ဘ၀ထဲကို ပျံသန်းနေတာပါ အမေ (အဖေ)။
တစ်နေ့နေ့ တစ်ချိန်ချိန်မှာ
ကျွန်တော်ဟာ
ဘာဖြစ်မလဲ မသိပေမယ့်
တရားချစ်တဲ့ အမေ (အဖေ)၊
သားကို ချစ်တဲ့ အမေ (အဖေ) ကို
သား လုပ်အားနဲ့
လက်တွေ့ ကျေးဇူးဆပ်ဖူးချင်တယ် အမေ (အဖေ)။
(မြေလတ်) လူဇော်။
ဖတ်ဖူးတာလေးကြိုက်လို့
သားထက် (မုံရွာ နည်းပညာတက္ကသိုလ်)
No comments:
Post a Comment