ကျောင်းက..
ခေါင်းလောင်းသံတွေနဲ့
ငါတို့ကိုမွေးဖွားခဲ့တယ်......
သစ်လွင်မှု
လန်းဆန်းမှု
နွေးထွေးမှု
အေးချမ်းမှု
လွတ်လပ်မှု
မြင့်မြတ်မှု......တွေ
နှလုံးသားနဲ့အပြည့်
ဘယ်တော့မှမဟောင်းမဲ့
ရင်ခွင်ကျယ်ကြီးက
ငါတို့နုပျိုမှုတွေ
အညွန့်တလူလူတတ်စေခဲ့
အိပ်မက်မဟုတ်ခဲ့ဘူး
တကြောင်းထဲဆွဲထားတဲ့
မျဉ်းပေါ်....
မင်းနဲ့ငါ..
အတူလျှောက်ခဲ့ဖူးတယ်..
အတူရပ်ခဲ့ဖူးတယ်...
အတူဖြတ်သန်းခဲ့ဖူးတယ်...
အဓိပ္ပာယ်တွေအပြည့်.....
အနာဂတ်တွေအပြည့်....
ဇာတ်လမ်းတွေအပြည့်......
အဲဒီတုန်းက...
ကောက်ကျစ်မှုတွေမရှိ
အဆင့်အတန်းတွေမရှိ
အနိုင်ကျင့်မှုတွေမရှိ
အဖြူထည်သက်သက်ပဲ
ဘယ်သူက ဘယ့်သူ့ကိုမှ
မလျှို့ဝှက်ခဲ့ဘူး
တဦးကိုတဦးအသိအမှတ်ပြုလို့
တယောက်ခွက်တယောက်လောင်းထည့်ရင်း
တယောက်ခွက်တယောက်ငှဲ့သောက်ခဲ့
ပန်းတွေခင်းထားတဲ့လမ်းကို
ပန်းတွေထမ်းထားရင်း
ငါတို့တေးတွေဆိုခဲ့ကြ
....
..........
ကျောင်းက
ခေါင်းလောင်းသံတွေနဲ့
ငါတို့ကိုမွေးဖွားခဲ့တယ်.....
16.12.2006
သားထက် (မုံရွာ နည်းပညာတက္ကသိုလ်)
No comments:
Post a Comment