ငါဟာ....မင်းရဲ့....

ငါဟာ
မင်းရဲ့
ရယ်မောပျော်ရွှင်ခြင်းတွေ အတွက်
ဂန္တ၀င်မမြောက်တဲ့
အပေါစား ဟသတစ်ပုဒ်ပါ....။
ငါဟာ
မင်းရဲ့
အလိုမကျမှုတွေ အတွက်
အသုံးမ၀င်တဲ့
ခတ်စုတ်စုတ် အမှိုက်ပုံးတစ်ခုပါ...။
ငါဟာ
မင်းရဲ့
စိတ်ဖြေဖြောက်မှုတွေ အတွက်
ကာရံလွဲနေမယ့်
ခတ်ညံ့ညံ့ ကဗျာတစ်ပုဒ်ပါ....။
ငါဟာ
မင်းရဲ့
ငြိုငြင်မှုတွေ အတွက်
ရိုးအီနေတဲ့
အညတရ ပုံပြင်တစ်ပုဒ်ပါ....။
ငါဟာ
မင်းရဲ့
အမုန်းတွေအတွက်
အသွားမရှိတဲ့
ခတ်တုံးတုံး ဓားအသစ် တစ်လက်ပါ..။
ငါဟာ
မင်းရဲ့
ဝမ်းနည်းခြင်းတွေ အတွက်
အစွန်းအထင်းများလွန်းတဲ့
အပေါစား ပုဝါတစ်စပါ....။
ငါဟာ
မင်းရဲ့
ချစ်ခြင်းတွေအတွက်
မခူးဆွတ်ရသေးတဲ့
ရနံ့မဲ့ ပန်းသီးတစ်လုံးပါ...။
အချစ်ရယ်..
မင်းသိလား...
ခုချိန်များ
မင်း....ငါ့ကို..
မုန်းတယ်ဆိုပြီး
စွန့်ပစ်လိုက်ရင်
ငါ...
ဒီနေရာမှာပဲ...
လက်ပစ်ဗုံး တစ်လုံးလို
တစ်စစီ...
ပေါက်ကွဲ လွင့်စင်သွားနိင်တယ်......။

သားထက် (မုံရွာ)

ကျေးဇူးပြုပြီး အမေ့ကို ပြန်မပြောပါနဲ့

ကျေးဇူးပြုပြီး အမေ့ကို ပြန်မပြောပါနဲ့

အမိမြေကနေ ခွဲခွါမှဖြစ်မယ်ဆိုတဲ့ အသိနဲ့ မတတ်သာလို့ ခွဲခွါခဲ့ရတဲ့
လူတစ်ယောက်ရဲ့ ပုဂ္ဂလိက ခံစားချက်တွေပါ။ နိုင်ငံခြားကိုမှ
လူပြည်လို့ထင်တဲ့ လူတချို့အတွက် ဟားစရာဖြစ်ကောင်းဖြစ်ပါလိမ့်မယ်

။
လူတစ်ကိုယ် စိတ်တစ်မျိုးစီပဲ မဟုတ်လား…။



ကျွန်တော်ရဲ့ ပင်ကိုစိတ်က အေးအေးချမ်းချမ်းနဲ့
စားနိုင်သောက်နိုင်ဖြစ်ရင်ရပြီ။ ဘာတိုက်ကြီးနဲ့မှ၊ ဘာကားကြီးနဲ့မှ ဆိုတဲ့
လောဘစိတ်တွေမရှိဘူး။ ဘ၀ကို အေးအေးလူလူနဲ့ ကိုယ်လိုချင်တဲ့ ပစ္စည်းတစ်ခုကို
ကိုယ်လိုချင်တဲ့ အချိန်မှာ ကြောင့်ကြမဲ့စွာ ၀ယ်နိုင်ရင် တော်ပြီ
ဆိုတဲ့လူမျိုးပါ။



ကိုယ့်တိုင်းပြည်မှာက တစုံတယောက်ယောက်နဲ့ တည့်အောင်ပေါင်းနိုင်မှ
စီးပွားဖြစ်တာဆိုတော့ ပညာနဲ့က လွဲရင် အဲဒီလို ကပ်ဖား စီးပွားရေးမျိုးလဲ
မလုပ်တတ်တဲ့ ကျွန်တော့်အတွက် နိုင်ငံခြားထွက် အလုပ်လုပ်ပြီး
မိသားစုပြန်ကြည့်ဘို့ကလွဲလို့၊ တခြားနည်းလမ်းကလည်း မရှိ။



ဒီလိုနဲ့ တိုးတက်တဲ့ ကျွန်းလေးတစ်ကျွန်းပေါ် ရောက်လာတယ် ဆိုပါတော့။
ပြီးတော့အလုပ်ရဘို့၊ အလုပ်ရတော့ နေထိုင်ခွင့်ရဘို့၊ ဒါတွေပြီးသွားတော့
လုပ်ငန်းခွင်မှာ အဆင်ပြေဘို့။ အဆင့်ဆင့်ဖြတ်သန်းပြီး နည်းနည်းလေး
နေသားကျလာတော့ ပထမဆုံး တွေးမိတာက ငါဟာ လူနဲ့ မတူတော့ပါလားဆိုတဲ့
အတွေးပါဘဲ။

နိုင်ငံခြားမှာ အလုပ်လုပ်ရတာ တန်အောင်ခိုင်းတဲ့အပြင်
ကိုယ့်စိတ်နဲ့ကိုယ်တောင် နားခွင့်မပေးရဲတဲ့ ဘ၀မျိုးတွေပါ။ စိတ်ကို
လေးလံတဲ့အရာတစ်ခု အမြဲဖိစီးနေတဲ့အပြင် ညှစ်ပါညှစ်ခံထားရတာမျိုးပါ။ မနက် ၆
နာရီထ၊ မျက်စိမဖွင့်ဘဲ ရေချိုး၊ အ၀တ်အစားလဲပြီး Bus ကားတတန်၊
ရထားတတန်စီးပြီး ရုံးကိုရောက်၊ ရောက်တာနဲ့ ရုံးက ကွန်ပျူတာ Server
တွေနေကောင်းရဲ့လား၊ ကျန်းကျန်းမာမာရှိရဲ့လား လို့ အရင်စစ်ရတယ်။
သူတို့နေမကောင်း၊ နှာစီး ချောင်းဆိုး ဖြစ်ပြီဆိုရင်တော့
ှတွတ်ပီကံမကောင်းတဲ့နေ့ပါဘဲ။ အဲဒါစစ်ပြီးသွားရင် ရေးစရာရှိတဲ့ Program
တွေခေါင်းမဖော်တမ်း ရေးလိုက်ရတာ ၁၂း၃၀ အထိပါဘဲ။ ကျွန်တော့် Team မှာ
ကျွန်တော်အပါအ၀င် လူ (၃) ယောက်ပဲရှိရတဲ့ အထဲ ကျန်နှစ်ယောက်က ကုလားနဲ့
ကုလားမပါ။ သူတို့ပြောနေတဲ့ဘာသာ စကားကလဲ ကျွန်တော် နားမလည်တော့ အလုပ်ထဲမှာ
တစ်ယောက်တည်း ရေးစရာရှိရေးနေယုံပဲပေါ့။ ဒီလိုနဲ့ ထမင်းစားချိန် ၄၅ မိနစ်၊
ပြီးတာနဲ့ ထပ်ပြီးရေးရပြန်ရော။ Project တွေကလဲ တစ်ခုမပြီးသေးဘူး၊
နောက်အသစ်တစ်ခုက စောင့်နေပြီ။ အရေးထဲ Team Leader က ဘာမှမသိတဲ့
ကုလားဆိုတော့ Project Delivery Date တွေက Programmer တွေအတွက်
မဖြစ်နိုင်တဲ့ ရက်အကန့်အသတ်နဲ့။ ဒီလိုနဲ့ တစ်နေကုန်ရေးပြီး ဦးနှောက်က
၇း၀၀ နာရီလောက်ဆို ဒေါင်းသွားပြီ။ အိမ်ကို Bus ကားနဲ့၊ ရထား စီးပြီး
ပြန်ရောက်တဲ့ အချိန်က ၉း၀၀ နာရီ။ ညစာစားပြီး
ကိုယ့်အခန်းထဲရောက်တဲ့အချိန်က ၁၀း၀၀ နာရီ။ Blog လေး၊
သတင်းလေးဖတ်လိုက်တော့ ၁၁း၀၀ နာရီ၊ နောက်နေ့ ၆ နာရီထဖို့
အိပ်မှဖြစ်တော့မယ်လို့ ဦးနှောက်က အသိပေးနေပြီ။ ဒါပေမယ့် စိတ်က
မအိပ်ချင်သေးလို့ ဂီတာလေးကောက်ကိုင်လိုက်တော့ ၁၂း၀၀ နာရီ။ ကဲ... ဒါနဲ့ပဲ
တနေ၀င် တနေထွက်... စက်ရုပ်လူသားဘ၀။ စနေ၊ တနင်္ဂနွေ ကျတော့ အ၀တ်လျှော်၊
အခန်းရှင်း၊ မီးပူထိုး၊ တစ်ပတ်စာဈေးဝယ် မြန်မာဟင်း လွမ်းတာလေးတွေ
ချက်စား၊ စာအုပ်လေးဖတ်ရင်ဖတ်၊ အဲဒီနေ့တွေဆို အိမ်မှာပဲ အေးအေးဆေးဆေး
နေချင်တော့တယ်။ တခါတလေ အလုပ်က Program ပြဿနာတွေဖြေရှင်းဘို့ စာအုပ်တွေ
ရှာဖတ်၊ Internet မှာ download လုပ်။ ဘယ်မှာလဲ... အပေါင်းအသင်းအတွက်၊
မိတ်ဆွေသူငယ်ချင်းအတွက်အချိန်... သူငယ်ချင်းနေမကောင်းလဲ Ph နဲ့သတင်းမေး၊
လေဆိပ်ဆင်းရမယ့်ရက်ဆိုလဲ ခွင့်မရလို့ လိုက်မပို့နိုင်၊ လူမှူရေးတွေ
ပျက်ကွက်လို့ သူငယ်ချင်းအားလုံးလဲ SMS လောက်နဲ့ နှုတ်ဆက်နေကြရ။ ကြာလာတော့
လူချင်းတွေ့ရင်တောင် SMS စကားတွေဖြစ်လို့။ ဟူး... တကယ်တော့
နိုင်ငံခြားဆိုတာ လူမှူရေးတွေကို တိုတိုတုတ်တုတ် ဖြစ်စေသတဲ့လား။



တစ်လကုန်လို့ရလာတဲ့ လစာကို အိမ်ပို့ဖို့အတွက်၊ အိမ်လခပေးဘို့အတွက်
တစ်လလုံးစားဖို့သောက်ဖို့အတွက်၊ Ph ဖိုးနဲ့ အထွေထွေကုန်ကျစရိတ်အတွက်၊
လိုအပ်တဲ့ပစ္စည်းလေးတွေဝယ်ဘို့အတွက် ခွဲခြမ်းစိတ်ဖြာလိုက်တော့ ၁၀ ပုံ ၁
ပုံတောင်စုဖို့က အနိုင်နိုင်။ တခါတလေ အပေါင်းအသင်းကို ကူညီလိုက်လို့
လခမထုတ်ခင် ပိုက်ဆံပြတ်သွားရင် ဥပုသ်စောင့်ရတာကရှိသေး။
ကိုယ့်မြေမှာတုန်းကလို သူငယ်ချင်းရေ... ငါ့ကိုဘယ်လောက်လှည့်ကွာ
လို့ပြောဘို့ အားလုံးကလဲ သူမသာ၊ ကိုယ်အသုဘ အဲ... အဲလိုလဲ ဟုတ်သေးပါဘူး
ကိုယ်လိုသူလို အတူတူ ဘ၀...။ ဒါ...ဘ၀တဲ့လား။



ကိုယ့်တိုင်းပြည်မှာဆို မနက်မိုးလင်းရင် ပဲပြုတ်ပူပူနွေးနွေး
မွှေးမွှေးလေးနဲ့ ထမင်းနဲ့ အမေက ကြော်ကျွေးတယ်။ ဒီမှာဆို ပဲပြုတ်တောင်
အေးခဲမာတောင့်၊ အနံ့ကလဲမရှိတော့။ အေးခဲနေတာကို ပူအောင်ပြန်လုပ်စား၊
စားသောက်စရာ တော်တော်များများကို အေးခဲလိုက်၊
ပြန်ပူအောင်လုပ်ပြီးစားလိုက်၊ မြန်မာပြည်မှာလို လတ်လတ်ဆတ်ဆတ်
ချက်ပြုတ်မစားနိုင်တဲ့ဘ၀၊ ဒီက Food Court က ဟင်းတွေကလဲ
ကြာကြာစားတော့နံလာပြီ။ အရသာတွေကလဲ အားလုံးတူနေသလိုပဲ။ ဒါနဲ့ပဲ
မြန်မာအစားအစာလေးတွေ တတ်သလောက်၊ မှတ်သလောက် လျှောက်လုပ်စား၊ တခါတလေလဲ
စားလို့ကောင်း၊ တခါတလေလဲ ဘာဟင်းကြီးမှန်း မသိတဲ့ ဟင်းမျိုးတွေဖြစ်လို့။
အိမ်ပြန်ချင်လိုက်တာအမေရယ်။



လူ့စိတ်ကလဲ မကောင်းတာများပြောပါတယ်။ မရနိုင်ဘူးဆိုမှ ဘိန်းမုန့်လေး၊
မုန့်လင်မယားလေး စားချင်တာက ရှိသေး... ရန်ကုန်မှာဆို ညဘက်လှည်းတန်းမှာ
မုန့်အစုံပေါမှပေါ.. ဒီမှာတော့ ငှက်ပျောသီး သရက်သီးတောင် မချိုပါဘူး
အမေရာ။အလုပ်ကအိမ်ပြန်၊ အိမ်မှာအိပ်ပြီး အလုပ်ပြန်သွား၊ အိပ်၊ စား၊
အလုပ်လုပ်၊ ဒီ (၃) ခုပဲရှိတဲ့ တနေ့တာက ပျော်စရာကောင်းတဲ့ ဘ၀တဲ့ လား။
ကျွန်တော်အပျင်းမကြီးပါဘူး။ တနေကုန်လ္ဘက်ရည်ဆိုင်ထိုင်ပြီး
ကောင်မလေးတွေအကြောင်း လျှောက်ပြောနေချင်တာမဟုတ်ပါဘူး။
အလုပ်လုပ်ချိန်လုပ်၊ စားချိန်စား၊ အိပ်ချိန်အိပ်၊ ဒါ့အပြင်
ကိုယ်ဝါသနာပါတဲ့ ပန်းချီဆွဲချိန်၊ ဒါမှမဟုတ် ဂီတာတီးချိန်၊ ဒါမှမဟုတ်
ရုပ်ရှင်ကြည့် အပန်းဖြေချိန်လေးတွေ စတဲ့ ကိုယ်စိတ်ပျော်ရာ ကို
စိတ်လက်ပေါ့ပါးစွာ လုပ်ခွင့်ရှိခဲ့တဲ့ ကိုယ်နိုင်ငံမှာတုန်းက
အချိန်လေးတွေကို လွမ်းတာပါ။ စိတ်ပန်းဖြေစရာမရှိ၊ အလုပ်ပြီးအလုပ်၊
စားပြီးရင်အိပ်၊ ဒီလိုနဲ့ အလုပ်ကဖိစီးတဲ့ဒဏ်၊ ပတ်ဝန်းကျင်က လူပါးဝတဲ့
လူတချို့ရဲ့ ဒဏ်၊ အထီးကျန်ပြီး အိမ်ကိုလွမ်းတဲ့ဒဏ် တွေနဲ့
ကဗျာရွတ်သံတွေတောင် တိုးတိတ်နေပါပြီ အမေရာ...။



့မြန်မာပြည်က လူတွေက တစ်ယောက်ယောက်များ နိုင်ငံခြားသွားတော့မယ်ဆိုရင်
ပုဇွန်ခြောက်ဆိုလဲ ရွှေပုဇွန်ခြောက်လေး၊ လ္ဘက်ဆိုရင်လဲ အညွှန့်လေးတွေချည်းပဲ
နှပ်ပေးရတာနဲ့၊ အရာရာကို အကောင်းလေးတွေချည်းပဲ ထည့်ပေးတတ်ကြတယ်။
ငါးပိဆိုရင်လည်း ရခိုင်ငပိလေး၊ ငါးခြောက်ဆိုရင်လည်း ငါးရံ့ခြောက်၊
ငါးပုတ်ခြောက် စသည်ဖြင့်ပေါ့။ ဒီကလူတွေကတော့ ရှိတာလေးကို ဝေပုံချပြီး
တိုင်းထွာသုံးနေရတဲ့ ဘ၀မျိုးမှာ မြန်မာပြည်ပြန်လို့
လက်ဆောင်တွေပေးရတော့မယ်ဆိုရင် ဈေးသက်သာတဲ့ ဆိုင်ကိုရွေး၊
လျှော့ဈေးရှာဝယ်ရနဲ့ ဖတ်ဖတ်ကို မောလို့။ ဒါပေမယ့်လည်း ကိုယ်ဝမ်းနာ
ကိုယ်သာသိ၊ ကိုယ့်ဒုက္ခနဲ့ ကိုယ်မဟုတ်လား။



စိတ်လက်ရွှင်လန်းပါစေတော့ရယ်လို့ အိမ်ရှေ့မှာ ပန်းအိုးလေးနဲ့ သစ်ပင်လေးတွေ
စိုက်ထားပြန်တော့လည်း ဈေးကြီးတဲ့သစ်ပင်လေးဆို ခိုးသွားပါလေရော။ ဟိုနား
ဒီနား အလွယ်တကူ သွားလို့ရအောင် စက်ဘီးလေးဝယ်ပြီး အိမ်ရှေ့ ၀ရန်တာ
လက်တန်းမှာ သံကြိုးနဲ့ ချည်ထားပြန်တော့ ဖြုတ်လို့ရတဲ့ ဒေါက်နဲ့
ခြေနင်းလေးတွေ ဖြုတ်သွားပြန်ရော။ တွန်းလှည်းလေးနဲ့ အပြည့် ဈေးဝယ်ပြီး
အပြန်လမ်းမှာ ဆိုင်လေးတစ်ခုထဲ ခဏ၀င်ပြီး ဖုန်းကတ်ဝယ်လိုက်တော့
ခြင်းတောင်းထဲက လိမ္မော်ရည် ပုလင်းက မရှိတော့ပြန်ဘူး။ ဖိနပ်အသစ်ကလေး
ဝယ်ပြီး အိမ်ရှေ့ ဖိနပ်စင်မှာ တင်ထားမိတော့ တစ်ညအတွင်း ဖိနပ်က
မရှိတော့ဘူး။ ကဲ... ဘာများထူးလို့လဲ အမေရာ...။



ကိုယ့်နိုင်ငံမှာ လာနေတဲ့ နိုင်ငံခြားသားကတော့ လုပ်ငန်းရှင်
စီးပွားရေးသမားတဲ့။ မျက်နှာငယ်ရတယ် လို့လည်း မကြားဖူးပါဘူး။
သူများနိုင်ငံမှာ ကိုယ်သွားနေရတော့ ပညာဖြင့် အသက်မွေးဝမ်းကျောင်းသော
အလုပ်သမားတဲ့။ မျက်နှာငယ်တယ် ဆိုတာထက် သေချာတဲ့ နေထိုင်ခွင့် မရခင်
Immigration သွားရတဲ့ ရက်တွေဆို ဒီကျွန်းပေါ်မှာ မျက်နှာထား အဆိုးဆုံး
မလေးရှားမတွေနဲ့ ရင်ဆိုင်ရပြန်ရော။ ကိုယ့် ကံကြမ္မာက သူတို့ လက်ထဲမှာ။
ရယ်ပြ၊ ပြုံးပြလို့လည်း အပိုပဲ။ ကဲ... မခက်ဘူးလား အမေရာ...။



အမေကတော့ အဲယားကွန်းထဲမှာ တစ်နေကုန် ထိုင်ပြီး အလုပ်လုပ်ရတဲ့
သားတော်မောင် ကွန်ပျူတာထဲမှာ ABCD တွေ ရေးနေယုံပဲ လို့ထင်နေရှာမှာပဲ။
ဟုတ်တယ် အမေရေ... အဲဒီ ABCD က error တစ်ခုခုများ တက်နေရင် စားလည်းဒါပဲ
စဉ်းစား၊ ထမင်းက ဘာအရသာမှန်း မသိလိုက်။ အိပ်လည်း အိပ်မက်ထဲမှာ ABCD ရွတ်၊
နောက်ဆုံး စိတ်ပြေလက်ပြောက် ဂီတာတီးရင်တောင် လက်တွေကသာ ကြိုးပေါ်မှာ၊
သံစဉ်တွေကတော့ ABCD ပဲလေ။ ကဲ... ဖိစီးမှုတွေ ပေ့ါပါးသတဲ့လား အမေရာ...။



စာအုပ်ထဲမှာတော့ လူဆိုတာ ရောင့်ရဲနိုင်တဲ့ နေ့မှာမှ
တကယ်ချမ်းသာသွားတာတဲ့။ ဒါပေမယ့် သားတွေအတွက် ဂုဏ်ယူနေတဲ့
အမေ့အပြုံးလေးတွေ၊ ဆွေမျိုးတွေအလယ်မှာ ပျော်ရွှင်ခြင်း အပြည့်နဲ့
တောက်ပနေတဲ့ အမေ မျက်လုံးလေးတွေ၊ အိုဇာတာကောင်းလိုက်တာလို့
ချီးမွမ်းခံနေရတဲ့ အမေ့ရဲ့ ကံဇာတာလေးတွေ၊ အရောင်မှိန်သွားမှာစိုးလို့
အခုချိန်ထိတော့ ရောင့်ရဲခြင်းဆိုတာနဲ့ ဝေးနေပါသေးတယ်။
တချို့အမှန်တရားတွေကို အမေသိသွားရင် စိတ်ဆင်းရဲနေရှာမှာမို့
ကျေးဇူးပြုပြီး ကျွန်တော်ပြောတာတွေ အမေ့ကို ပြန်မပြောကြပါနဲ့ဗျာ။ ။ 

မေးထဲရောက်လာတာလေးကြိုက်လို့ဗျို့

ချစ်သူ...သူမ...

သူမဟာ...
တစ်စက်ချင်း
စီးဆင်းနေတဲ့
ကျနော့် နှလုံးသွေးကြောလေးတွေရဲ့
ဆုံမှတ်....။
သူမဟာ...
တစ်ရက်ချင်း
မက်နေတဲ့
ကျနော့် အိပ်မက်လှလှလေးတွေရဲ့
ကွန်ယက်....။
သူမဟာ..
တစ်ချက်ချင်း
လှိုက်ခုန်နေတဲ့
ကျနော့် ရင်ခုန်သံတွေရဲ့
စည်းချက်...။
သူမဟာ...
တစ်ရှိုက်ချင်း
ရှူရှိုက်နေတဲ့
ကျနော့် အသက်ရှင်းခြင်းရဲ့
အောက်စီဂျင်လေး...။
ထို သူမသည်
ကျနော်
စွဲလန်းစွာ
မြတ်မြတ်နိုးနိုး
ချစ်ရသော
ချစ်သူ
ဖြစ်၏။

သားထက် (မုံရွာ)

ချစ်ခြင်းဖြင့်

သံစဉ် မရှိဘူးဆိုပြီး
မင်း ရယ်ချင် ရယ်မယ်
ငါကတော့
လွမ်းလွမ်းဆွတ်ဆွတ်
သီဆိုနေဆဲ....။
ကာရံ မရှိဘူးဆိုပြီး
မင်း ငြင်းချင် ငြင်းမယ်
ငါကတော့
ထိထိခိုက်ခိုက်
ရေးဖွဲ့နေဆဲ...။
သံယောဇဉ် မရှိဘူးဆိုပြီး
မင်း ထားရင် ထားခဲ့မယ်
ငါကတော့
မြတ်မြတ်နိုးနိုး
တမ်းတဆဲ...။
မုန်းလိုက်တာ ဆိုပြီး
မင်း ပြောရင် ပြောမယ်
ငါကတော့
ရယ်ကာပြုံးကာ
ခွင့်လွှတ်ပေးဆဲ....။
ချစ်ခြင်းဖြင့်
ပြီးပြည့်စုံနေသော
ငါ့နှလုံးသားမှာ
မင်းအတွက်
အပြစ်ဆိုတာ
မြူတစ်မှုန်တောင်
မရှိခဲ့ဘူး
အချစ်ရယ်..။

သားထက် (မုံရွာ)

အမတို့ရွာ

အမတို့ရွာ
ခုနေခါ
ဘယ်လိုနေပါလိမ့်….။
မိုးမှာလည်း မရောက်
နွေမှာလည်း မပြန်နိုင်
ဆောင်းတိုင်လည်း မရောက်အား
စိမ်းကားတယ် ဆိုကြမလား…..။
ရွာဦးက စေတီ
နှင်းစီတဲ့
နတ်တော်လ
ပွဲတော်မှ
ခင်းသေးရဲ့လား….။
ချောင်းထိပ်က
ကန္တာရတော
ထင်းခွေသူမှ
ပေါသေးရဲ့လား….။
စခန်းထိပ်
ထန်းရိပ်က
ညိုညို
ထန်းရေချိုမှ ထွက်သေးရဲ့လား….။
ရွာတောင်က
မဂျီး (မန်းကျည်း) တန်း
ကျီးကန်းတွေမ
ှ အသိုက်လုပ်သေးရဲ့လား….။
ချောင်းထဲက
လက်ယက်တွင်း
ကျေးလက်သူဖော် တစ်သင်း
ရေခပ်မှ ဆင်းသေးရဲ့လား….။
တမာရိပ်
ရွာထိပ်က
ရေချမ်းစင်
အရင်လို တည်ဆဲလား….။

ကဗျာလေးကြိုက်လို့

No More Without You

No word is enough to express how i love you,
No speech is enough to express how i miss you,
No poem can express my affection,
No song can express my attachment,
Nowhere can make me satisfy without you,
Nobody can make me happy without you,
No girl is pretty as much as you in my senses,
No girl is beautiful as much as you in my eyes,
No girl is innocence as much as you in my mind,
No girl is lovely as much as you in my heart,
How i can say,how i can show,how i can write to understand to you......
I never create it , but it born in my heart..so i never kill my love...
I don't want to say that 'believe me','trust me','love me'.....
But i ever expect these from u.....
I have to tell you a lot,but my mouth is silent in front of you.
If you look my eyes, you'll find my affection,
If you look at my heart, you'll find my love,
As i love you,i compose the poem,
As i miss you, i sing the song,
So, i compose the poem, i sing the song, again and again and again....
But nothing is perfect without your love....
Rain is falling on the road, i am tearing in my heart,
Hopeless evening is coming to me near by near,
i hear your sound at every time in my ears,
your lovely images are appeared in my mind,
Birds are flying back to their nest,
Sunset is shining slightly at the edge of the horizon,
The breeze is blowing pass through the garden,
The weather is fine and surround is peaceful,
But i can't enjoy without you....
No more feeling without you in this world,
I hope that one day you'll find me....
I hope that one day you'll kind to me....
I hope that one day you'll trust me....
I hope that one day you'll love me....
....but....now......
I am no more without you.....................

Thar Htet (Monywa)

အလင်း

မင်း ဖန်ဆင်းပေးမယ့်
အလင်းတစ်စက်ကို
တမ်းတ...
အချစ်ရယ်....
ငါ့နှလုံးသားဟာ
မှောင်တိကျ
တိတ်ဆိတ်နေရဲ့...
ဘ၀အတွက်
ရယ်မောခြင်းတွေဆ်ိုတာလည်း
မင်းနှုတ်ဆက် ထွက်ခွာသွားတဲ့
နောက်ဆုံးနေ့ရက်မှာပဲ
အားလုံး
ကုန်ဆုံးပျောက်ကွယ် သွားခဲ့ပါပြီ..။
ကောင်းကင်မှာ
ကြယ်တွေ
တောက်လောင်နေပြီး
နှလုံးသားမှာ
အလွမ်းတွေ
ပြာကျနေတဲ့
ငါ့ရဲ့
အသည်းကွဲရာစုသစ်ဟာ
မွဲပြာနေတဲ့
အလင်းတွေနဲ့
ဘယ်လောက်ချစ်စရာကောင်းလိုက်သလဲ
တဖွဲဖွဲရွာနေတဲ့
မိုးစက်တွေထဲ
ငါ့တကိုယ်လုံးရွှဲနစ်
မင်းအတွက်
မွေးဖွားလာတဲ့
ငါ့မေတ္တာတရားတွေ
ဟောဒီ
ရင်ဘတ် အဟောင်းကြီးထဲမှာ
ပိုးစိုးပက်စက်
ရွာလို့ကောင်းနေဆဲပဲ....။
ငါ့ဘ၀ကို
ပြန်လည်တောက်ပစေမယ့်
ငါ့ရဲ့
အသစ်စက်စက်
လမင်းရယ်..
ငါ့ရင်ဘတ်ထဲ
ခုန်ဆင်းလာမယ့်
မင်းရဲ့
ခြေသံဖွဖွလေးကို
ငါ...
နားစွင့်နေပါတယ်...။

သားထက် (မုံရွာ)

ဆည်းဆာ တမ်းချင်း

အလင်းတွေနဲ့
လဲ့ပြာစိုစွတ်နေတဲ့
မြတ်နိုးဖွယ်ရာ
ညနေခင်းဟာ
မိုးကုတ်စက်ဝိုင်းတလျှောက်
ကွေးညွတ်လို့
ကဗျာဆရာရဲ့
နူးညံ့ရှတတဲ့
ရင်ခုန်သံနဲ့အတူ
ချစ်ခင်ဖွယ်
ဆည်းဆာဟာ
သာသာယာယာ
တေးသီနေပါတယ်....

လောကကြီးထဲက
အမှတ်တမဲ့
အလှတရားတွေကို
ကဗျာဆရာရဲ့
နှလုံးသားက
ငတ်မွတ်စွာ
စားသုံးနေရဲ့..

အိမ်ပြန်နောက်ကျတဲ့
ငှက်တေလေတွေရဲ့
အတောင်ပံခတ်သံ
ဦးတည်ရာမဲ့နေတဲ့
လမ်းပျော် တိမ်တိုက်တွေရဲ့
ဟားတိုက် ရယ်မောသံတွေကို
နားစွင့်....

`လရထား´ဟာ
ကောင်းကင်ကို
ထွန်းညှိဖို့
လာခဲ့ပြီ..

ငါ..ဟာ...
လောကရဲ့
အိပ်မွေ့ချခံထားရတဲ့
လူသားတစ်ယောက်များလား...


သော့ခတ်ထားတဲ့
တံခါးချပ်တွေလို
ငါ့မျက်လုံးတွေကို
စေ့စေ့စပ်စပ်
မှိတ်ထားလိုက်တယ်....

အဲဒီ ခဏမှာ
ငါ့ရဲ့ ဝေ့ရီနေတဲ့
အာရုံထဲ
အတိတ်တွေ..
အဖြစ်အပျက်တွေ..
တစ်ရွက်ပြီးတစ်ရွက်..
ပွင့်ဝေလာကြရဲ့...

ဥသြသံသဲ့သဲ့နဲ့
ရွက်ဟောင်းတွေ
ကြွေနေတဲ့ `နွေ´
ကြာညိုနံ့ တသင်းသင်းနဲ့
လယ်ကွင်းတွေ
ရေဖွေးနေတဲ့ `မိုး´
နှင်းတွေ တဖွဲဖွဲနဲ့
သဇင်တွေ
ပွင့်ဝေနေတဲ့ `ဆောင်း´
မိုးကုတ်စက်ဝိုင်းကြီးအောက်က
ငြိမ်သက်အေးချမ်းတဲ့
ရွာကလေး..

ကျောင်းတော်က
ခေါင်းလောင်းသံလွင်လွင်
နှလုံးသားမှာ
အရိပ်ထင်နေတဲ့
ငယ်ဘ၀ရဲ့
ပုံပြင်တွေ
အိပ်ယာဝင်တိုင်း
လွမ်းနေမိဆဲပါ
အမေ......

လင်းဝေ

အလွမ်းဖြစ် ရုပ်ကြွင်း

ရီစရာတော့
မဟုတ်ဘူး..
ဒါပေမယ့်
ငါ...
ခွက်ထိုးခွက်လှန်
ရီပစ်လိုက်တယ်..။
ပီပြင်သေချာဖို့တဲ့
ငါ့တို့တွေ
စာချုပ်အတုတွေပေါ်
အပြိုင်အဆိုင်
ရေးခြစ်ခဲ့ကြစဉ်ကပေါ့...။
ဘယ်သူက
ဘယ်အရာကို
သိမ်းပိုက်ပြီး..
ဘယ်အရာတွေကများ
ဘယ်သူ့ရဲ့
အသိမ်းပိုက်ခံလည်း......။
သစ်ပင်တွေ
သေဆုံးတော့
စားပွဲကုလားထိုင်တွေ...
နံရံတွေ...
ကျောက်မီးသွေးတွေ...
ရေနံတွေ....
....တွေ...ဖြစ်တယ်....
တောင်တန်းတွေ
သေဆုံးတော့
လမ်းတွေ....
ကြေးနီတွေ....
သံတွေ....
စိန်ရွှေပတ္တမြားတွေ...
..တွေ....ဖြစ်တယ်....
ပင်လယ်တွေ
သေဆုံးတော့
ရေငွေ့တွေ..
မိုးတိမ်တွေ....
နှင်းစက်တွေ...
မုန်တိုင်းတွေ..
.....တွေ....ဖြစ်တယ်
ချစ်သူရေ..
မင်းသိလား..
နှလုံးသားတစ်ခု
သေဆုံးသွားတဲ့အခါ
အလွမ်းတွေ
ဖြစ်သွားတယ်
ဆိုတာကိုလေ....။

သားထက် (မုံရွာ)

နောက်ကြောင်း

လူတကာ
တက်နင်းခံထားရလို့
အရေထူနေတဲ့
လမ်းမကြီး....
ခရီးဆုံးအရောက်
ဦးတည် ပြေးလွှားနေတဲ့
မော်တော်ယာဉ်များ...
သတိအနေအထားနဲ့
စန့်စန့်ကြီး
ရပ်နေကြတဲ့
သစ်ပင်အိုတွေ...
သေဆုံးကြွေလွင့်ဖို့
အသင့်စောင့်ဆိုင်းနေကြတဲ့
ခတ်ဆွေးဆွေး
သစ်ရွက်တချို့....
တစ်စုံတစ်ဦးအတွက်
ခတ်ဖွဖွ ခုန်လှိုက်နေတဲ့
တိုးတိုးသသ ရင်ခုန်သံ..
အရာရာဟာ
ညနဲ့အတူ
အေးရှတိတ်ဆိတ်နေရဲ့...
ကြိတ်မှိတ် မျိုချထားတဲ့
အိပ်မက် အသေတွေ
ရင်ဘတ်နဲ့
မဆန့်အောင်ပါပဲ..
ငါ့ပခုံးပေါ်က
မနက်ဖြန်ပေါင်းများစွာက
လေးလံလွန်းတယ်
သွားပါများခရီး
ရောက်ခဲ့တဲ့
ငါ့ခြေထောက်တွေကလဲ
တဆစ်ဆစ် ကိုက်ခဲနေပြီ...
တကယ်ဆို
ငါလဲ
မမိုက်ချင်ပါဘူးကွယ်..
ဒါပေမယ့်
လောကကြီးကိုက
အတိုက်အခိုက်တွေ
များလွန်းတာပါ
ငါ့လို လူမိုက်ကလေး
တစ်ယောက်အတွက်
ဒီလမ်းဟာ
ထောင်ချောက်တွေ
အပြည့်ပါပဲ...
ငါက
အမှောင်ထဲ
အလင်းကို
ထွန်းညှိဖို့
မေ့ချင်ယောင်ဆောင်ရင်းပေါ့...
ငါက
ဘ၀ဆိုတဲ့
စာမေးပွဲကြီးမှာ
ကွက်လပ်တွေ
ခတ်များများနဲ့
ဘဲဥမကွဲခဲ့တဲ့
အပျင်းဆုံး
အဖျင်းဆုံး
ကျောင်းသားတစ်ယောက်ပါ...
လမ်းတလျှောက်လုံး
အကျအပေါက်
အများကြီးနဲ့
ဖရိုဖရဲ
ဖြတ်သန်းခဲ့တဲ့ကောင်ပေါ့
ခဏခဏ
ချချနင်းခဲ့ရတဲ့
ဘ၀နဲ့
အခါခါ
စွန်းထင်းခဲ့တဲ့
အရေခွံကို
ငါက
ရိုးရိုးသား
ခြုံထားမိခဲ့တာပါ..
မမိုက်ချင်တော့ဘူးကွယ်..
အဲဒီ
အစွန်းအထင်းများလွန်းခဲ့တဲ့
အရေခွံကို
တစ်စစီ..
တစ်စစီ..
ဆွဲချွတ်..
ကမ္ဘာကြီးပေါ်
အသစ်တစ်ဖန်
ရောက်ရှိလာခြင်းမျိုးနဲ့
ငါရင်ခုန်ပါရစေကွယ်...
ဒါပေမယ့်
ဒါပေမယ့်
ငါ့ရဲ့
ချစ်စရာကောင်းလွန်းတဲ့
အသစ်စက်စက်
မနက်ဖြန်တွေက
အိပ်ရေးမ၀ကြသေးဘူး.....။

သားထက် (မုံရွာ)

စံပယ်ပုံပြင်

ချစ်သူ...
ငါဟာ..
နွေဦးမှာ
သူလိုငါလို
ဖူးခဲ့ဖူးတဲ့
သစ်ရွက်ကလေး
တစ်ရွက်ပါ..
အရောင်မဲ့...
အဆင်းမဲ့...
ရနံ့မဲ့...
ဘာဂုဏ်ဒြပ်မှ
မတောက်ပခဲ့တဲ့
ကောင်ပါ..
မီးပွိုင့်တွေ
စိမ်းတာမြင်တိုင်း
ကမူးရူးတိုး
ဖြတ်ဖြတ်ကူးတတ်တဲ့
ခတ်ရူးရူးကောင်းလေးပါကွယ့်..
တို့နှစ်ယောက်ထဲ
ပိုင်ဆိုင်တဲ့
ဖန်ခွက်အလွတ်
လှလှလေးထဲ
အချစ်တွေ
အချိုးကျ ဖြည့်ရင်း
မင်းနဲ့ငါ
မူးမေ့လောက်အောင်
ငှဲ့သောက်လိုက်မိကြတာဟာလဲ
တကယ်တမ်းကြတော့
ကဗျာကလေးတပုဒ်အဖြစ်ပဲ
ရှိနေသင့်ခဲ့တာပါ...
အခူးခံရမှာစိုးလို့
ငါ့ရင်ဘတ်ဆီ
သစ်ပင်ပေါ်က
ခုန်ဆင်းသက်သေပြခဲ့တဲ့
ငါရဲ့ ဖူးဖူးလှလှ
ပန်းပွင့်မလေးရေ
ငါ့လို
ခတ်နွမ်းနွမ်း
သစ်ရွက်ကလေး
တစ်ရွက်အတွက်
မြေပြင်ပေါ်ဆင်းသက်
မင်း.....
ပင်ပန်းစွာ
အိပ်စက်လိုက်ဖို့ဆိုတာ
မထိုက်တန်ပါဘူး..
အရာရာ ရှားပါးနေတဲ့
ခေတ်ပျက်ကြီးထဲ
မင်းရဲ့..
အိပ်မက်
အသစ်စက်စက်တွေ
ဈေးပေါပေါနဲ့
မရောင်းချင်စမ်းပါနဲ့ကွယ်...
တံဆိပ်အသစ်
ပြန်ကပ်ခွင့်
မရခဲ့ရင်တောင်
တို့အချစ်တွေ
ဘယ်တော့မှ
ဟောင်းနွမ်းမသွားနိုင်ပါဘူး..
ပြုံးပြကြရင်း
နှုတ်ဆက်ကြရင်း...
တို့တွေ
ဖြေးဖြေးချင်း ဝေးကြရအောင်
အချစ်ရယ်....
အဲဒီအရာတွေ
အားလုံးအတွက်
တစ်ဘ၀မှာ
တစ်ခါ မက်ခဲ့ဖူးတဲ့
အဲဒီ အိပ်မက်
အကောင်းစားလေးကို
ခေါင်းအုံးကြားမှာ
ထားထားပြီး
ငါ အိပ်ပါ့မယ်....
ဒါပေမယ့်
ငါသိနေတယ်
ကြားနေရတယ်..
အချစ်ရယ်
ငါ့ရင်ဘတ် ဥယျာဉ်လေးထဲ
ငါ့အလွမ်းတွေနဲ့အတူ
စံပယ်တွေဟာ
စွတ်စွတ်စိုစိုနဲ့
ငိုနေနှင့်ကြပြီ.....

သားထက် (မုံရွာ)

အမှတ်တရတို့ အိပ်တန်းပြန်ချိန်

ပန်းတပွင့်ရဲ့
နုသစ်လှပခြင်းမျိုးနဲ့
မင်းဟာ
ငါ့ နှလုံးသားကို
ခိုးဝှက်သွားခဲ့ဖူးတယ်...
ပျိုရွယ်မှုရဲ့
လန်းသစ်ခွင့်တွေနဲ့
အစွမ်းကုန်
ဖူးရစ်သွယ်လျနေတဲ့
ကောင်မလေးရေ..
အိပ်မက်တွေဆီက
ပျောက်ဆုံးသွားခဲ့ခြင်းမျိုးနဲ့
ငါဟာ..
အဲဒီ နေ့ရက်...
အဲဒီ အချိန်...
အဲဒီ နေရာမှာပဲ...
ပျောက်ဆုံးအငွေ့ပြန်သွားခဲ့ပါပြီ...
ခရေပန်းတွေ
ယုယုယယ
ကောက်ပေးခဲ့ဖူးတဲ့
အဲဒီ
စိတ်ကူးယဉ်ဆန်ဆန်
နေ့ရက်တွေဟာလည်း
ငယ်ဘ၀ရဲ့
ရူးသွပ်မှု
အမှတ်တရများ အဖြစ်
ငါ့ ညတွေမှာ
ဆွတ်ဆွတ် လှိုက်လှိုက်
ပွင့်ဝေလို့ ကောင်းတုန်းပဲ...
ကောင်မလေးရေ....
အဲဒီတုန်းကပေါ့
ငါ့ရဲ့
အရိုင်းဆန်ဆန်
နှလုံးသားလေးဟာ
အတိအကျကို
ချစ်တတ်ခဲ့ဖူးပါတယ်.....

သားထက် (မုံရွာ)

ကျောင်းတော်က ရင်ခုန်သံ အပိုင်း (၈)

 အပိုင်း (၇) မှ အဆက်

`ငါ ကျောင်းဆက်မတက်ချင်တော့ဘူး ဂူဂဲရာ´

`ဘာဆိုင်လဲကွာ မင်းကလည်း အဲလောက်ကြီး မပျော့ညံ့စမ်းပါနဲ့´

`သူငါ့ကို မြင်ရင် စိတ်ဆင်းရဲနေမှာပါ၊ငါ သူ့ကို ငါ့အတွက်နဲ့ စိတ်မညစ်စေချင်ဘူး၊ပြီးတော့ စာတွေကလည်း ပြတ်သလောက်ဖြစ်နေပြီ၊ငါ အဆောင်မှာပဲ စာကြည့်တော့မယ်´

`ညောင်ဦးကမ်းပါး ပြိုတာနဲ့ ကိုသာအေးနွားမကြီး ပေါင်ကျိုးတယ်ဆိုတာလိုပဲ မင်းဟာက ဘာမှမဆိုင်ပါဘူး၊အချစ်နဲ့ ကျောင်းစာကိုခွဲခြားသိစမ်းပါကွာ´

`ငါသိပါတယ် သူငယ်ချင်းရာ ငါ့ရည်မှန်းချက်တွေကို အချစ်အတွက်နဲ့ မပျက်စေရဘူးလို့ မင်းကို ကတိပေးတယ်´

`ဒါဆိုလည်း ပြီးတာပဲ ဒါပေမယ့် ဒီနေ့ကျူတိုရီယယ်ကို တော့ ဖြေရမယ်နော်´

`အေးပါ´

`ဒါဆိုလည်း အတန်းထဲ သွားကြစို့´

တမာပင် အရိပ်မှာ သဲမွန်တို့ ကြီးပေါတို့အဖွဲ့တွေ စကားပြောနေကြသည်။

`ကြီးပေါတို့ ဘာတွေ အူပွနေကြတယ်မသိဘူး လာသွားရအောင်´

`မသွားပါနဲ့ကွာ ဟိုမှာ ဆန်နီရှိတယ်´

`ရှိတော့ ဘာဖြစ်လဲ မနက်ဖြန်က စပြီးသူမင်းကို မမြင်စေရဘူးဆိုတာ သိအောင်ပြောရမှာပေါ့´
`အဲဒီလိုကြီးတော့..`

`လာကွာ လေကိုတော်တော်ရှည်တဲ့ကောင်ပဲ´

ဂူဂဲက စိတ်တိုပြီး ထွက်သွားသည်။

`ဟေး မျောက်နှစ်ကောင် နောက်ကျလှချည်လား´

`ဆရာမ မလာသေးဘူးလား ၀ူးဝါး´

`လာတော့မယ်´

“ကျူတိုရီရယ်က ဘယ်တော့စမှာလဲ”

“နာရီဝက်လိုသေးတယ်”

`မင်းနောက်ကကောင်က လင်းတ ဘာမီတွန် တိုက်ထားတာလား သေတော့မယ့် မျက်နှာနဲ့´

`ဟုတ်ပ ဟဲ့ဒေါင်းကြီး နေမကောင်းဘူးလား´ အိသွယ်က လှမ်းမေးသည်။

“ဟုတ်ပ ဂူဂဲရယ် နင် အဆောင်က ကျောက်ရုပ်များ မလာတာလား”

ဘာလဲ နင့်ကိုစကားပြောရင် လျာဖြတ်ပစ်မယ်လို့ ပြောထားတဲ့သူ ရှိလို့လား”
 သဲမွန်ကလဲ ၀င်ပြောသည်။

သူ ဆန်နီဆီ တချက်ကြည့်လိုက်သည်။

“ မဟုတ်ပါဘူးဟာ အထွေထူး ပြောစရာ မရှိလို့ပါ။ နင်တို့ပြောတာ နားထောင်မှာပေါ့”

`အေးဟာ ခေါင်းလည်း နည်းနည်းကိုက်နေလို့၊နင်တို့က စာမကြည့်ဘဲ ဘာလုပ်နေကြတာလဲ´

`စာကအေးဆေးပါ တို့အာလူးဖုတ်နေကြတာ ဟဲဟဲ`

ဆန်နီကတော့ ခေါင်းငုံ့ပြီး စာပဲလုပ်နေသည်။

“ဆန်နီ ညည်းကလဲ စာပဲ ကြည့်နေတာပဲ ကျူတိုရီရယ်ကို ဘာများမှတ်နေလဲ”

“မဟုတ်ပါဘူး မမ အိသွယ်ရယ် သမီးက စာမေးပွဲကြီးကရင် မမေ့သွားအောင် ခုကတည်းက သေချာအောင် ကြည့်နေတာပါ”

“အင်း နောက်နှစ် ဘီအီး ရိုးလ် ၀မ်းက ဆန်နီပဲ ဖြစ်မယ်ထင်တယ်ဟေ့”

ကြီးပေါက ထနောက်လိုက်သည်။

“ဟုတ်တယ် ကြီးပေါပြောတာမှန်တယ်”

“ဟာ ကိုကြာကြီးတို့ ကလဲ မဟုတ်တာ သမီးက အဲလောက် မတော်ပါဘူး”
မျက်နှာလေးရဲကာ ငြင်းဆန်နေသူလေးကို သူ ခိုးကြည့်နေမိသည်။

မနက်ဖြန်က စပြီး ဒီမျက်နှာလေးနဲ့ မဆုံဖြစ်အောင် ကြိုးစားရတော့မှာပါလားဆိုတဲ့ အသိက သူ့ရင်ကို နာကြင်စေသည်။

“ဟုတ်ပါပြီ ရိုးလ်ဝမ်းရရင်တော့ ငါတို့အဖွဲ့ကို ၀မ်းတေဘယ်လ်နော်“

“ဟုတ်ကဲ့ပါ ကိုနီကိုရဲရယ်..”

`ဒေါင်းကြီး မင်းဥစ္စာက ခေါင်းကိုက်တာလား နှလုံးရောဂါလား´

`ဟုတ်တယ် ကြီးပေါရေ ဒီကောင် အသည်းကွဲနေတာ မနက်ဖြန်က စပြီးကျောင်းမတက် တော့ဘူးတဲ့´
“အဆောင်မှာပဲ အခန်းပိတ်စာကြည့်တော့မယ်တဲ့”

အားလုံးရဲ့ အကြည့်တွေက ဆန်နီနဲ့ ဒေါင်းကြီးဆီ ရောက်သွားကြသည်။

“တကယ်လားဒေါင်းကြီး မင်း ဘာထပြီးတော့ ကြောင်နေတာလဲ ခုမှ အစောကြီးပဲ ရှိသေးတယ်”

“နှစ်တိုင်း ကိုယ်ပိုင်စာကြည့်ချိန် မပိတ်မချင်း အတူတက်နေကြပဲကို မင်းက”

“ဟုတ်သားပဲ လေးဖြူပြောတာ မှန်တာပဲ နင်က ဘာထကြောင်တာလဲ ”

သူငယ်ချင်းတွေ ဆူညံပွက်လောရိုက်ကုန်ကြသည်။
သူမကလဲ သူ့ဆီကို တချက် မော့ကြည့်လိုက်သည်။

“ငါ့ အကြောင်းနဲ့ ငါပါကွာ...စာတွေလဲ ပြတ်နေပြီပဲ...ငါ စာမေးပွဲ အောင်အောင် လုပ်မှာပါဟ ...စိတ်မပူကြပါနဲ့”

“ဒေါင်းကြီးရေ မင်းကတော့ မလွယ်ဘူး...နောက်ပိုင်း သင်တာတွေက အရေးကြီးတာတွေ ပြန်သင်နေတာ .. မင်းတက်သင့်တယ်”
ဝူးဝါးကလဲ သူငယ်ချင်းဆိုတော့ ၀င်ပြောသည်။

“မင်းတို့ ပြန်ရှင်းပြကြပေါ့ကွာ ... ငါကတော့ ဆုံးဖြတ်ပြီးသား ဖြစ်နေပြီ..”

“မင်းတို့လည်း နားလည်မှာပါ .. ငါကျောင်းဆက်တက်မှ ငါတကယ် စာမေးပွဲကျသွား နိုင်တယ်”

“ဒေါင်းကြီးရယ် နင်ကလဲ အဲဒီလောက် မပျော့ညံ့ စမ်းပါနဲ့ ဟယ်”
ဇာခြည်လဲ စိတ်မကောင်းစွာ ၀င်ပြောရှာသည်။

“နင်ပြောလဲ ခံရမှာပဲ ဇာခြည်ရာ...ထားလိုက်ပါတော့.. မင်းတို့အားလုံး ငါ့အတွက် စိတ်မကောင်းဖြစ်နေကြပြီ.. ငါတောင်းပန်ပါတယ် ...လာကျူတိုရီရယ် သွားဖြေကြရအောင်..”

သူငယ်ချင်းတွေ အားလုံး မျက်နှာ မကောင်းကြ။

ကျူတိုရီရယ် ဖြေတော့ အစောဆုံး သူငယ်ချင်းတွေ မပြီးခင် အစောဆုံးထထွက်ပြီး အဆောင်ကို တန်းပြန်ခဲ့သည်။ လောလောဆယ် ဘယ်သူနဲ့မှာလဲ စကားမပြောချင်ပါ။

စာမေးပွဲ နီးပြီဆိုတော့ ကျောင်းကလဲ ခြောက်တောက်တောက်ကြီး ဖြစ်နေလေသည်။ ရေတမာပင် လမ်းကလေးအတိုင်းပဲ လျှောက်ပြန်လာခဲ့သည်။ ရင်ထဲမှာ ဟာပြီး ဆို့နင့်ကြေကွဲနေသည်။

တကယ်ကို ဆုံးရှုံးသွားပြီ ဆိုတဲ့ အသိက နှလုံးသားတစ်ခုလုံးကို တိုက်စားနာကြင်စေသည်။ လျှောက်လာရင်း ဦးကျော် လက်ဖက်ရည်ဆိုင် ရှေ့နားရောက်လာသည်။ သူမနဲ့ စပြီး ဆုံခဲ့တဲ့ နေရာလေးပေါ့။ မတွေးတာပဲ ကောင်းတယ် ချစ်သူရယ်..။

ပျော့ညံ့တယ်ပဲ ပြောပြော ငါ့နှလုံးသားကိုက အချစ်နဲ့ပတ်သက်လာရင် ထိခိုက်ခံစားလွယ်လွန်းပါတယ် ချစ်သူရယ်..။

အဆောင်ပြန်ရောက်တော့ အခန်းထဲဝင်ပြီး အိပ်ယာပေါ် ခဏလှဲနေမိသည်။ နဖူးပေါ်လက်တင် စဉ်းစားကြည့်တော့ သူမနဲ့ ပတ်သက်တဲ့  အဖြစ်အပျက်တွေက ရုပ်ရှင်ဇာတ်လမ်းတပုဒ်လို တကွက်ချင်းပေါ်လာသည်။ တွေးလေလေ သူမကို ပိုပြီး မြတ်နိုးမိလေ ပိုချစ်လာလေလေပါပဲ..။

ချစ်သူရယ် ငါဘယ်လို မေ့ရမလဲ..။ အချစ်ဆိုတာ ကိုယ်ရုတ်သိမ်းချင်တိုင်း ရုတ်သိမ်းလို့ ရရဲ့လား..။
စိတ်တွေက ဂနာမငြိမ်ဖြစ်နေတော့ ဆေးပေါ့လိပ် တစ်လိပ်ကို မီးညှိလိုက်မိသည်။

နောက်ဆုံးတော့ ကိုယ်နဲ့ မတည့်တဲ့ ဆေးပေါ့လိပ်တွေကိုပဲ ရှိုက်ဖွာမိရင်း ကဗျာတပုဒ်ကို နာနာကြင်ကြင် ချရေးလိုက်မိသည်။

အခန်းကျဉ်းကျဉ်းထဲ
သက်ပြင်းတွေ အခါခါချ
ရင်ဘတ်ထဲမှာ
အချစ်တွေပဲ
စီးဆင်းနေရဲ့
မင်းငါ့အတွက်
နှင်းဆက်လိုက်တာက
အမုန်းဆုတဲ့လား...
ငါက
မမှီတဲ့ ပန်းကိုမှ တုံးခုလှမ်းခဲ့
ချစ်သူပေးတဲ့ အရှုံးနဲ့ပဲ
ငါကျေနပ်လိုက်ပါတယ်
ချစ်သူ..

၁၂

“ကို...ရယ်... ကို အရမ်းခံစားနေရလားဟင်..။ကျမလဲ ကိုနဲ့ ထပ်တူပါပဲ..။ကျူတိုရီရယ်ကို ဘယ်လို ဖြေလိုက်မိမှန်း မသိဘူး။ သူ့ကို အဖြေ ပေးလိုက်ရင် ကောင်းမလား။

ဟင်း...မဖြစ်သေးပါဘူး။စိတ်အလိုလိုက်လို့ မဖြစ်သေးပါဘူး။ ကျမ ဘာဆက်လုပ်ရမလဲ။
နွမ်းလျ ဆွေးမြေ့နေတဲ့ ကို့ရဲ့ တောင်းပန်တဲ့ မျက်ဝန်းတွေကို ကျမ တကယ် ရင်မဆိုင်နိုင်ပါဘူး။”
ကျူတိုရီရယ်ကို လက်စသတ်ရင်း သူမတယောက်တည်း တွေးနေမိသည်။

ဟင်.. အတန်းထဲမှာ သူမရှိတော့ပါလား။ဆရာမဆီ အဖြေလွှာစာအုပ်ထပ်ပြီး သူမ အပြင်ကို အမြန်ထွက်လိုက်မိသည်။ ဒါပေမယ့် အပြင်မှာလဲ သူမရှိတော့..။

“သြော် အကိုရယ် ကျမ ကို့ကို မြင်ခွင့်တောင် မရှိတော့ဘူးပေါ့နော်..”
ရင်ထဲမှာ အလိုလို ငိုချင်လာမိရင်း မျက်ဝန်းမှာ မျက်ရည်တွေ ၀ိုင်းလာသည်။

“ဟိတ် ကောင်မလေး ဘာတွေ ရှာနေတာလဲ ..။ ဒေါင်းကြီးကို ရှာနေတာလား..။”
အတန်းထဲက ထွက်လာတဲ့ အိသွယ်က မေးလိုက်သည်။

“ဟုတ်တယ်အမ သူဘယ်ရောက်သွားတာလဲ ဟင်..”

“ဒီကောင် အပြင်ထွက်သွားတာ ကြာပေါ့”

သူမ တကယ်ဝမ်းနည်းမိသည်။

“ဟိုလေ သမီးကြောင့် ကိုကျော်သူ ကျောင်းမတက်တာဆိုရင် သမီး တကယ် စိတ်မကောင်းပါဘူး မမအိသွယ်ရယ်”

“ဘာမှ စိတ်မကောင်း မဖြစ်ပါနဲ့ ဆန်နီရယ်.. အချစ်ဆိုတာ ဖန်တီးလို့မှ မရတဲ့ အရာပဲလေ”
မမအိသွယ် နားလည်တဲ့အပြုံးနဲ့ နှစ်သိမ့်သည်။

“ဟုတ်တယ် အိသွယ် ပြောတာ မှန်တယ်။ ဒီကောင်က စာတော်ပြီးသားပါ။ ဘာမှ စိတ်မပူနဲ့။ သူခံစားနေရတာတွေကို အချိန်က ကုစားပေးသွားမှာပါ”
ကိုဂူဂဲကလည်း သူမစိတ်သက်သာအောင် ၀င်ပြောပေးရှာပါသည်။

“ဟုတ်တော့ ဟုတ်ပါတယ် ကိုဂူဂဲရယ် ဒါပေမယ့် သမီးစိတ်မကောင်းဘူး။”
သူမ မျက်ရည်အ၀ဲသားနဲ့ ပြန်ပြောမိသည်။

“အောင်မယ် ကောင်မလေးတယောက် မူထားတာ ထင်တယ်..။မှန်မှန်ပြောစမ်း ညည်း ဒေါင်းကြီးကို ကြိုက်နေတယ် မဟုတ်လား”
မသဲမွန်ကလည်း ရယ်ရယ်မောမောနဲ့ စလိုက်သည်။

“ဟာ မမ သဲမွန်တို့ကလဲ သမီးက အဲလို မဟုတ်ပါဘူး..”
ဒီလိုဆိုတော့လဲ သူမတကယ်ရှက်မိသည်။

“မိန်းကလေးချင်းပဲအေ ငါတို့လဲ ရိပ်မိပါတယ်..။ မမတို့ကို အမှန်တိုင်း ပြောပြနော်..”

မမဇာခြည်တို့ တကယ်ပဲ ရိပ်မိနေကြပြီလား.။သူမ မျကိနှာလေး ရဲတွတ်နေမိသည်။

“ငါတို့က ညည်းတို့နှစ်ယောက်ကို ကြည့်ရင်း ရင်မောနေကြတာအေ့”

သူမလဲ မြိုသိပ်ထားရတာ မွန်းကြပ်နေပြီ ..။ တယောက်ယောက်ကို ရင်ဖွင့်ချင်ပါသည်။ နောက်ဆုံး မမအိသွယ်တို့ အဖွဲ့ကိုပဲ ရင်ဖွင့်ဖို့ ဆုံးဖြတ်လိုက်သည်။

“မမသဲမွန်တို့ သူ့ကိုတော့ ပြန်မပြောရဘူးနော်”

“အောင်မလေး ဈေးကိုင်လိုက်တာ ဆန်နီရယ် ပြောမယ့်ဟာကို”

“ပြောပါ့မယ် မမတို့ရယ် ..။ တကယ်တော့လေ သမီးသူ့ကို ချစ်ပါတယ်..။သူ့ကို ပေးမယ့် အဖြေကလဲ ရှိပြီးသားပါ။ ဒါပေမယ့် သမီးမှာလဲ အကြောင်းတွေ ရှိသေးတယ်”

အားလုံးက သူမပြေသမျှကို စိတ်ဝင်တစား နားထောင်နေကြပါသည်။

“သမီး မုံရွာကျောင်းကို ပြောင်းလာဖြစ်တဲ့ အကြောင်းက ဒီလိုပါ.....
..........”
သူမအကြောင်းတွေကို သူငယ်ချင်းတဖွဲ့လုံး ကို ရင်ဖွင့်လိုက်မိသည်။

“အင်း... ငါတို့လည်း ထင်တော့ ထင်ပါတယ်။ နင့်ကို ကြည့်ရတာ တမျိုးပဲလို့ပေါ့။
ငါတို့လဲ ဘယ်လို အကြံဥာဏ်တွေ ပေးရမယ်မှန်း မသိတော့ဘူးဟယ်”

အိသွယ်က လဲ စိတ်မကောင်းစွာ ပြောသည်။

“အိသွယ် ပြောတာမှန်တယ် .. ဘ၀ရဲ့ ချမ်းသာမှု မိဘရဲ့ စိတ်ချမ်းသာမှုကို ရွေးမလား၊ ဒါမှမဟုတ် ကိုရဲ့နှလုံးသားအလိုကို လိုက်မလား ဆိုတာ နင်ကိုယ်တိုင် ဆုံးဖြတ်တာ အကောင်းဆုံးပဲ ဆန်နီ”
ဂူဂဲက တွေးဆဆ ပြောသည်။

“ကျော်သူတို့ မိဘတွေကတော့ လူလတ်တန်းစားတွေ။သိပ်အချမ်းသာကြီးတော့ မဟုတ်ကြဘူး။ဘာပဲဖြစ်ဖြစ် ဒေါင်းကြီးလဲ ခေတ်ပညာတတ် တစ်ယောက်ပဲ..။ပြီးတော့ ရိုးသားတယ် ၊ နင့်ကိုလဲ တကယ် ချစ်ရှာပါတယ်”
ကိုလေးဖြူကလဲ သူ့ငယ်ချင်းအတွက် ၀င်ပြောပေးသည်။

“စဉ်းစားပေါ့ဟာ ငါတို့ကတော့ သူငယ်ချင်းဆိုပြီး မျက်နှာမလိုက်ပါဘူး..။ ဆန်နီရဲ့ ဘ၀တစ်ခုလုံးနဲ့ ဆိုင်နေတော့ တို့လဲ ဆုံးဖြတ်မပေးရဲဘူးဟ”

“သမီးလဲ ဘယ်လို ဆုံးဖြတ်ရမှန်းမသိတော့ပါဘူး ကိုကြီးပေါရယ်..ပြီးတော့ ကို.. အဲ ကိုကျော်သူ့ကိုလဲ သနားတယ်”

“ကဲကဲ စဉ်းစားစဉ်းစား စဉ်းစားရုံနဲ့လဲ မပြီးသေးဘူး။စာလဲ ကြည့်ဦး စာမေးပွဲကလဲ နီးနေပြီ..
ငါတို့ ဒေါင်းကြီးကို  ပြန်မပြောပါဘူးဟာ.. နင့်ဘာသာနင် ဆုံးဖြတ်ပါ..”

သူငယ်ချင်းတွေ ဆိုတော့လဲ တခုခုဆို တဦးကိုတဦး ၀ိုင်းဝန်းဖြေရှင်းပေးကြပါသည်။

“ကဲ အားလုံး သွားကြစို့ အတန်းလဲ ပြီးပြီ”
ဝူးဝါး ပြောမှပဲ အားလုံး ကျောင်းကနေ ထပြန်လာခဲ့ကြသည်။

သူမ အဆောင်ပြန်ရောက်တော့ အန်တီလေးတို့ရောက်နေတာ တွေ့လိုက်ရသည်။

“အန်တီလေးတို့ သမီးဆီ အလည်လာကြတာလားဟင်”

“ဟုတ်တယ် သမီးရေ ဒီနေ့ အလုပ်လေး နဲနဲပါးတာနဲ့၊ ပြီးတော့ သမီးမှာ ဟင်းတွေဘာတွေ ကုန်နေလောက်ပြီထင်လို့ ထွက်လာလိုက်တာ”

“အန်တီလေးတို့ ဟိုအရင်ပတ်က ပေးသွားတဲ့ ဟင်းတွေတောင် မကုန်သေးဘူး အန်တီးလေးရဲ့”

“ဟယ် ကြာလှပြီကို သမီးက စားမှပေါ့..။ကြည့်စမ်း စာမေးပွဲနီးလို့ စာတွေ အရမ်းကြိုးစားနေတယ် ထင်တယ်..။ ငါတူမလေးတောင် ပိန်သွားသလိုပဲ..”
အန်တီလေးက စိုးရ်ိမ်စွာ ပြောရှာသည်။

“ကျန်းမာရေး ဂရုစိုက်နော်..။ သမီးရယ် အန်တီလေးနဲ့ အတူနေရင် ပြီးနေတာကို ခုတော့ အန်တီလေး စိတ်ပူနေရတာပေါ့”

“ငါ့တူမလေးက ချစ်စရာလေးဆိုတော့ ကြိုက်တဲ့ လူတွေပေါမှာပဲ အန်တီလေးစိတ်ကို မချဘူး”
အန်တီလေးပုံစံက တကယ် စိတ်ပူနေပုံပါပဲ။

“သမီးရည်းစားမထားပါဘူး အန်တီလေး”
ပြောသာ ပြောလိုက်ရတာ စိတ်ထဲမှာ သိပ်မလုံချင်။

“မနက်ကတောင် သမီးအမေ ဖုန်းဆက်သေးတယ်”

“ဟုတ်လား အန်တီလေး မေမေက ဘာပြောလဲဟင်”

“ထုံးစုံအတိုင်းပေါ့ ညည်းကို သေချာစောင့်ရှောက်ပါတဲ့..အဓိကက ရည်းစားတွေဘာတွေ မထားစေနဲ့တဲ့..သတင်းကြားလို့ကတော့ မလွယ်ဘူးမှတ်တဲ့..”

“သမီးမေမေနဲ့ အန်တီလေးတို့ စကားများရအောင်တော့ မလုပ်ပါနဲ့နော် သမီးလေး”
အန်တီလေးက စိုးရိမ်စွာ ပြောရှာသည်။

“ဟုတ်ကဲ့ပါ အန်တီလေး”
လူကြီး စိတ်ချမ်းသာအောင် ပြောသာပြောလိုက်ရသည် လိမ်မိတဲ့အတွက် စိတ်ထဲမှာ မကောင်း။

“ဟောဒီမှာ ဘာလချောင်ကြော်၊ ဒါက ၀က်အူချောင်းကြော်၊ ဒါကတော့ ဆတ်သားခြောက်ဖုတ်၊ငါးရံ့ခြောက်ဖုတ်နှင့် နှစ်ပြန်ကြော်တွေ။ သရက်သီးသနပ်နဲ့ စာကျက်ရင်းစားဖို့ လက္ဖက်နှပ်၊အချဉ်ထုပ်၊
မုန့်ပုံးနဲ့ အားဆေးတွေ”

“လိုတာရှိရင် ဖုန်းဆက်မှာနော် သမီးလေး”
အန်တီလေးက တကယ့်သမီးလေးအရင်းလို ဂရုစိုက်ရှာသည်။

“အများကြီးပဲ အန်တီလေးရယ် သမီး မကုန်ပါဘူး”

“အောင်မလေး ဒါတောင် ညည်းအဖွားက နဲတယ်ထင်သေးတာတော့”

“သူ့မြေးလေး အစားအသောက်ဆင်းရဲမှာ စိုးလို့တဲ့တော်၊ သမီးသူငယ်ချင်းတွေလည်း ကျွေးရတာပေါ့အေ ဟုတ်ဘူးလား”
အန်တီလေးက စေတနာကောင်းသည်။ ဘယ်သူ့အပေါ်မှ နှမြောတွန့်တို တတ်သူမဟုတ်ပေ။

“ကဲ ရောက်နေတာလဲကြာပြီ ဆိုင်ကလဲပစ်ထားခဲ့ရတာဆိုတော့ ပြန်တော့မယ်နော် သမီး”

“ဟုတ်ကဲ့ပါ အန်တီလေး”

“အေးအေး စာကြိုးစား လိမ်လိမ်မာမာနေ၊ လိုအပ်တာရှိရင် ဖုန်းဆက်ဖို့ မမေ့နဲ့နော် သမီး”

“စိတ်ချပါ အန်တီလေး၊ ဘွားဘွားကိုလည်း ပြောလိုက်ပါဦး သမီးက လွမ်းတယ်လို့ စာမေးပွဲပြီးမှ လာတော့မယ်လို့ ပြောလိုက်ပါဦးနော် တာ့တာနော်တီလေး ”

“အေး အေး သွားပြီနော်သမီး”
အန်တီလေးက နှုတ်ဆက်ကာ ပြန်သွားပါသည်။

အန်တီလေးတို့ ပြန်သွားမှ မမသဲမွန်တို့ အဖွဲ့တွေ အနားရောက်လာကြသည်။

“ဆန်နီရယ် ဆန်နီအရမ်းကံကောင်းတာပဲ ဆန်နီအဒေါ်တွေကလည်း အရမ်းချစ်ကြတယ်နော်”

“သူတို့က အပျိုကြီး အမတို့ရ ဒါကြောင့် သူတို့မှာ သမီးပဲ ချစ်စရာရှိတာလေ”
သူမ ကြည်ကြည်နူးနူးလေး ပြောမိသည်။

“ကဲ စားစရာတွေတော့ ရောက်လာပြီ မမတို့ရော ၀ိုင်းစားရမယ်နော် သမီးတယောက်ထဲ ဒါတွေမကုန်ဘူး”

“စိတ်ချ စားရမှာပေါ့ ဒါမျိုးတော့ စိတ်ချ ဟဟ.. ကဲကဲ စာအရင်ကြည့်ကြစို့ စာမေးပွဲ နီးလာပြီ”

တွက်စာတွေများတဲ့ မေဂျာမို့ စာကြည့်ရတာ ဦးနှောက်ခြောက်လှပါသည်။တချက်တချက် အတွေးထဲရောက်ရောက်လာတတ်တဲ့ နွေးထွေးနူးညံ့တဲ့ ကို့ရဲ့ မျက်ဝန်းတွေကလဲ ကျမနှလုံးသားတွေကို
ဆူဝေစေပါသည်။
“ကျမ ဘယ်လိုဆုံးဖြတ်ရမလဲ”

“ဟိတ် ကောင်မလေး ..စာမတွက်ဘဲ ဘာတွေတွေးနေတာလဲ..ဒေါင်းကြီး အကြောင်းမှ ဟုတ်ရဲ့လား”
သဲမွန်ရဲ့ နောက်ပြောင်မှုကြောင့် သူမ မျက်နှာ လှလှလေးဟာ မလုံမလဲ ရှက်သွေးဖြာသွားရသည်။

“ဟာ မမသဲမွန်ကလဲ..မဟုတ်ပါဘူး..သမီး ဘယ်လိုတွက်လို့ တွက်ရမှန်းမသိလို့ စဉ်းစားနေတာ”
ရှက်ရှက်နှင့် ပြောမိပြောရာ ပြောလိုက်မိသည်။

“ဟဟ ဟုတ်ရဲ့လား..တို့ကတော့ မယုံရေးချ မယုံတော် ကိုကိုကျော်သူကို ဘယ်လို အဖြေပေးရင်ကောင်းမလဲလို့ တွေးနေတယ်ဟုတ်”
“ဟာ မမအိသွယ်က တမျိုး မမတို့ဒါပဲလာစနေတယ် တော်ပီ သမီးမခေါ်တော့ဘူး“

“ဟဟ ကောင်မလေးတယောက် မှန်တာပြောလို့ ရှက်သွားပြီဟေ့”

ဇာတ်သိမ်းပိုင်းမျှော်
လင်းဝေ

ကျောင်းတော်က ရင်ခုန်သံ အပိုင်း (၇)

အပိုင်း (၆) မှ အဆက်

ကျမမိဘများသည် ချမ်းသာကြွယ်ဝသော ဆီစက်၊ဆန်စက်ပိုင်ရှင်များ ဖြစ်ကြသည်။
အလွန်စည်းကမ်းတင်းကြပ်သော၊အစဉ်အလာကြီးသော အသိုင်းအ၀ိုင်းလည်း ဖြစ်သည်။
အိမ်ထောင်ပြုရာတွင်လည်း မိဘများစီစဉ်ပေးသည့်သူကို လက်ထပ်ရသည့် ရှေးရိုးစွဲအစဉ်အလာ
တစ်ခုလည်း ရှိသည်။ယခုလည်း ဆရာဝန်တစ်ယောက်နဲ့ လက်ထပ်ဖို့ စီစဉ်ထားပြီးဖြစ်ပါသည်။

ကျမကတော့ အချစ်မပါသော နှလုံးသားမဲ့ အိမ်ထောင်တစ်ခုမှာ ဘ၀ကိုမနှစ်မြုပ်ချင်ပါ။
သို့သော် အချစ်ဆိုသော အရာကိုလည်း အဲဒီတုန်းက နားမလည်ခဲ့သေးပေ။မေမေ့စကားကို
မလွန်ဆန်နိုင်၍သာ ခေါင်းငြိမ့်ခဲ့ရခြင်း ဖြစ်ပါသည်။အဲဒီအတွက် မေမေကလည်း ကျမရဲ့ တောင်းဆိုချက်တစ်ခုကိုလိုက်လျောပေးခဲ့ပါသည်။အဲဒါကတော့ အိမ်ထောင်မပြုခင် ကျောင်းကို လွတ်လပ်စွာ တက်ခွင့်ပဲ ဖြစ်ပါသည်။

မန္တလေးတက္ကသိုလ်မှာဆို ထိုဆရာဝန်ဆိုသော ပုဂ္ဂုလ်ကိုမမတွေ့ချင်ဘဲ တွေ့နေရသည်။ကျမထိုလူကို ဘယ်လိုမှ ကြည့်လို့မရ၊မေတ္တာလည်း ထားလို့မရပါ။ထို့ကြောင့် သူနဲ့မတွေ့အောင် အမြဲရှောင်နေရသည်။ သို့သော် ထိုလူကလည်း မျက်နှာပြောင်တိုက်ကာ လာမြဲလာနေသည်။ထို့ကြောင့် အဒေါ်များရှိရာ မုံရွာကျောင်းကို ပြောင်းခဲ့ရခြင်းဖြစ်သည်။

ကံဆိုးတာလား ကံကောင်းတာလား ခုတော့ တသက်လုံး မခံစားခဲ့ဖူးသည့် အချစ်ဆိုသော ခံစားချက်သည် ကျမရင်ကို နွေးထွေးလာစေခဲ့ပါသည်။နွေးထွေးမှုနဲ့အတူ ၀မ်းနည်းကြေကွဲရမှုတို့သည် နှလုံးသားကို တပြိုင်နက်ထဲ လောင်ကျွမ်းစေပါသည်။

အချစ်သည် မမျှော်လင့်နိုင်တဲ့ အချိန်တစ်ခုမှာပဲ ကျမမသိအောင် ကျမနှလုံးသားထဲကို ၀င်ရောက်နေခဲ့ပါသည်။ အဲဒီအတွက် ကျမမှားတယ်လို့မယူဆချင်ပါ။မဖြစ်နိုင်ဘူးဆိုတဲ့ အတွေးတစ်ခုဟာ အတွေးတွေကို နှိတ်စက်နေလေသည်။အင်း ငါဘယ်လို ဆုံးဖြတ်ရမလဲ။အဝေးဆီမှ နာရီသံချောင်းခေါက်သံ ၃ ချက်တိတိ ကြားလိုက်ရသည်။တော်တော်တောင် ညနက်နေပြီပဲ။ညသည် ၀မ်းနည်းကြေကွဲစရာ ကောင်းလွန်းနေသည်။

“မဖြစ်သေးဘူး”
မနက်ကျရင် စာသင်ခန်းထဲမှာ အိပ်ငိုက်နေမှာ စိုးရသည်။ဘယ်လ်ိုပဲဖြစ်ဖြစ် ကြိုးစားပြီး အိပ်ပျော်အောင် ကြိုးစားရမည်။ ပြတင်းပေါက်မှ ခန်းစည်းစလေးကို ဆွဲချပြီး အိပ်ယာပေါ်တက်ကာ လှဲအိပ်လိုက်သည်။အတွေးတို့က ဟိုတစ်စ သည်တစ်စ.။ကိုရယ် မဖြစ်နိုင်တဲ့ ဇာတ်လမ်းတစ်ပုဒ်အတွက် ကျမတို့နှစ်ယောက် ခတ်စိမ်းစိမ်းပဲ နေလိုက်ကြတာ ကောင်းမယ်ထင်တယ်။ဒီထက်ပိုပြီး သံယောဇဉ်တွေ ဖြစ်မိရင် ပိုပြီးခံစားရလိမ့်မယ်လေ။

ခွင့်လွှတ်ပါ ကိုရယ် ကျမလေ ကိုမသိအောင်ပဲ တိတ်တိတ်လေး ချစ်သွားပါ့မယ်။
အလူးလူးအလိမ့်လိမ့် သူမ မဆုံးနိုင်တဲ့ အိပ်မက်တွေဆီ ရောက်ရှိသွားလေသည်။

၁၁

ကြယ်တွေ
ရုတ်တရက်
သေဆုံးသွားရတဲ့
ည တညပါ...
ကောင်းကင် ပျောက်ရှသွားမှာ
ကြောက်လို့
တိတ်တဆိတ်
ငိုကြွေးနေတဲ့
လမင်းရဲ့
ရှိုက်သံသဲ့သဲ့ကို
ငါကြားတယ်...
အပြာရောင်
မှိန်ပျပျ လင်းနေတဲ့
ငါ့ရဲ့
အခန်းကျဉ်းလေးက
ငါ့ကို
ထွေးပွေ့ထားတယ်..
ဟောဒီ..အခန်းထဲမှာ...
မင်း စွန့်ပစ်လိုက်လို့
နာကြင်နေတဲ့
ကဗျာတပုဒ်...
မင်းကို..လွမ်းလို့..
တုန်ခါနေတဲ့
သံစဉ်တခု...
ဖတ်လက်စ
စာအုပ်တအုပ်...
စားလက်စ
ထမင်းပန်းကန်တချပ်
ရေးလက်စ
သီချင်း တပိုင်းတစ
ဖရိုဖရဲ
အိပ်မောကျနေတဲ့
ဂစ်တာအိုလေး...
ကျိုးကြေသွားတဲ့
မျှော်လင့်ချက်
အပိုင်းအစတွေနဲ့
လေပြေက
အံထုတ်လိုက်တဲ့
ပန်းတပွင့်ရဲ့
ခတ်အက်အက် ရနံ့....
ပြီးတော့...
အမှတ်တမဲ့များ...
အမှတ်တရများ...
ဒဏ်ရာများ...
မင်းနဲ့ငါကြား
ကမ္ဘာကြီး
ထက်ခြမ်း ကွဲသွားသလိုမျိုး
အရာရာဟာ
ဝေးကွာဖို့
အဆင်သင့်ဖြစ်နေကြရဲ့...
နေမြင့်လေလေ
အရူးရင့်လေလေ
အချစ်ရေ
ငါ့မျက်လုံးတွေ
တဖြည်းဖြည်း
ေ၀၀ါးလာတယ်...
ဒါပေမယ့်
မျက်ဝန်းတွေရဲ့
`အဖွင်´့`အပိတ်´မှာ
မင်း...ပုံရိပ်တွေ....
မင်း...သဏ္ဌာန်တွေ...
မင်း...အပြုံးတွေ....
...ငါ.....
မုန်းရမှာတဲ့ လား....
မေ့ရမှာတဲ့ လား...
မတွေ့ခဲ့ကြရင်
အကောင်းဆုံးတဲ့ လား...
အိပ်ပျော်ဖို့
ကြိုးစားရင်း
မိုးလင်းသွားရဦးမယ့်
နောက် လာမယ့်
ငါ့ရဲ့...အထီးကျန်ညများ...
...ဒါတွေဟာ...
...ဒါတွေဟာ...
ချစ်တတ်သူ
တယောက်အတွက်
ချစ်သူပေးခဲ့သော
ဆုလဒ်များ အဖြစ်
ငါ့နှလုံးသားတွေထဲ
အမြဲထစ်ချုန်းနေမှာပါ..
အချစ်ရယ်....

`ဂူဂဲ ထတော့လေကွာ ကျောင်းသွားရအောင်´
ဂူဂဲက တခေါခေါနဲ့ ကောင်းစွာအိပ်မောကြနေဆဲပါပဲ။

`ဟေ့ကောင် ထတော့ကွ ရှစ်နာရီထိုးတော့မယ်´
သူ့ကိုပေါ်မှာ ခြုံထားတဲ့စောင်ကို အတင်းဆွဲချရသည်။ဒီလိုမှ မလုပ်ရင် ဘယ်လိုမှထမယ့် ကောင်မဟုတ်ပါ။

`ဟာ ဒေါင်းကြီးဘယ်လို လုပ်တာလည်းကွာ ဒီမှာ အတင်း အိပ်လို့ကောင်းနေတာကွ´

`သူများသားသမီးကို တော်တော် စည်းစိမ်ဖျက်ချင်တဲ့ ကောင်ပဲ´

`နေ့တိုင်းအိပ်နေရတာပဲကွာ လူ့ဘ၀ဆိုတာ တိုတိုလေး။ မင်းရဲ့ တန်ဖိုးရှိတဲ့ အချိန်တွေကို အိပ်စက်ခြင်းနဲ့ပဲ ဖြုန်းတီးပစ်မလို့လား ငတုန်းရ´

`စကားကြီးစကားကျယ်တွေကွာ တော်ပါတော့ ပြော မင်းက ဘာတွေအရေးကြီးနေတာလဲ´

`ဒီနေ့ငါ အတန်းမတက်တော့ဘူးကွာ မင်းဘာသာ တစ်ယောက်တည်းပဲ သွားတော့။မနေ့ညက မန်ယူပွဲကလည်း ရှုံးသေး အိပ်ရေးကလည်းပျက်သေး။ငါ့ဒေါသတွေ မင်းအပေါ် စုပုံသွားမယ်နော်´
ဂူဂဲ အိပ်ရေးမ၀ဘဲ ထလိုက်ရလို့ ဘုတောနေသည်။

`လိုက်ခဲ့ပါကွာ ငါတစ်ကောင်တည်း ကျောင်းသွားရမှာ ယောင်ချာချာကြီးမို့ပါ´

`မလိုက်ဘူးဆို မလိုက်ဘူးကွာ´

`ဒီမှာ ဂူဂဲ မင်းကျောင်းသားမဟုတ်ဘူးလား။မိဘက ငွေကုန်ကြေးကျခံပြီး ကျောင်းထားပေးရတာ။
မင်းကျောင်းမှန်မှန်တော့ တက်သင့်ပါတယ်။”

“လောကမှာ ငွေဆိုတာ သုံးဖြုန်းပစ်လိုက်ဖို့သာ လွယ်တာ။
ရှာဖို့က တော်တော်ခက်တယ်ကွ မင်းသိလား´

`ကဲ ထပြီဟေ့ ဘယ့်နှယ်ကွာ နားကိုညီးနေတာပဲ၊ဒီမှာ မင်းထက်သိလွန်းတတ်လွန်းလို့လေ အံကို တိုနေပြီသိလား။´

`ဒီလိုလုပ်စမ်းပါ ဂူဂဲရ´

`မေမေရေ သားမှာလေ ဟောဒီသူငယ်ချင်း အကောင်းစားကြီးနဲ့နေရတာ အိပ်ကောင်းခြင်း မအိပ်ရ စားကောင်းခြင်းမစားပါလားဗျ၊ ဒါနဲ့ ရေခ်ျိုးကန်ထဲမှာ ရေရှိသေးလား´

`အေးရှိသေးတယ် မြန်မြန်ချိုးကွာ အတန်းမမီဘဲ နေဦးမယ်´

`ဟုတ်ကဲ့ အဘ´

“ကို အောင်ဇော်ထွေး ရေကျန်သေးလားဗျ”

“ကျန်ပါ့ဗျာ မင်း နှစ်ခါ တောင် ပြန်ချိုးလို့ရတယ်။ မင်းက ဒီတခါ အစောကြီး နိုးလို့ပါလားကွ”

“ဟိုကောင် ဒေါင်းကြီး နှိပ်စက်လို့ပါဗျာ”

“ဟဟ မင်းတို့နှစ်ယောက်က မတဲ့အတူနေ မမြင်ချောင်းကြည့်”

“ဟာ ကိုဂူဂဲ ရေချိုးတော့မှာလား ကျနော်လဲ အတူချိုးမယ်ဗျို့”

“လာပါ မောင်တောက်ရာ ရေတွင်း ငါပိုင်တာမဟုတ်ဘူး”

“ဟဟ ကိုဂူဂဲကတော့ လုပ်ပြီ”

“ညကျ ဂစ်တာတီး သွားရင် ကျနော့် ခေါ်ဦးနော်”

“စိတ်ချပါကွာ စာတော့ ကြည့်နော် မင်းတို့ စာမေးပွဲကျရင် ငါဖျက်ဆီးတယ်ဖြစ်နေဦးမယ်”

“ဟုတ်ကဲ့ပါဗျ ကိုဂူဂဲတို့လို ဘီတက်ပါအောင် လုပ်မှာပါ”

`ဟေး ချမ်းချမ်းလှပြီ အေး အေးလှပြီ စကားလေးတစ်ခွန်းတော့ မေးလိုက်ချင်သည် ခင့်နာမည်....ဗွမ်း..ဗွမ်း..´

ဂူဂဲက ဒီလိုပဲ ရေချိုးရင်း အသံအာပြဲနဲ့ သီချင်းအော်ဆိုတတ်တဲ့ အကျင့်ရှိပါသည်။

`ဒေါင်းကြီးရေ ငါ့ကို ရေလည်းပုဆိုးလေး မ,စပါဦး ငါမေ့သွားလို့´

`မင်းဘယ်တုန်းကများ သတိရလို့တုန်း၊ရေချိုးတိုင်း ဆပ်ပြာ၊တဘက်၊ရေလဲ ဘာမှမပါဘူး ပြီးရင် သူများဆပ်ပြာ ယူသုံးမယ် ငါ့ကိုလှမ်းအော်မယ် ဒါပဲ၊မင်းကိုငါ အဲဒါတွေ မကြိုက်တာ။စည်းကမ်းရှိရှိနေစမ်းပါကွာ။ အလကားနေရင်း သူများအပြောမခံစမ်းပါနဲ့´

`အေးပါကွာ၊ ဒါနဲ့ မင်း ငါ့ကို မနက်ကတည်းက ထိုင်ဆော်နေပါလားကွဟေ ဘာသဘောလဲ၊ငါလည်း
မင်းရည်းစား ကြာမခိုရပါလားကွ´

`ဘာမှမဟုတ်ဘူး မင်းရဲ့ ကို့ယို့ကားယားအပေါက်တွေကို ကြည့်မရတာ ကြာနေပြီ ၊ခုဟာက ပြောလက်စနဲ့မို့တစ်ခါထဲ လုံးပြောလိုက်တာ”

“ ဒါတွေထားလိုက်ပါကွာ ခုယူနီဖောင်းမြန်မြန်လဲလိုက် ရွှေယမင်းမှာ စမူဆာသုတ် တစ်ပွဲလောက် ၀င်ဆွဲရအောင်´

“ဟေး ဒေါင်းကြီး အသည်းကွဲနေတာဆို ၊ အကိုကြီးတို့လည်း လုံးကွဲကြမယ်ကွာ ဟဟား”

“ကိုကျော်ထင်ကြီးကတော့ နောက်ပြီ”
သူတို့အဆာင်လေးက ပျော်စရာကောင်းသည်။ မေဂျာစုံ နှစ်အစုံ လူစုံသည်။ တယောက်နဲ့တယောက် ညီအကိုတွေလို နေကြသည်။

`အေး ငါလည်းဗိုက်ဆာနေပြီ၊စကားမစပ် မင်းမျက်လုံးတွေ ရဲနေပါလား၊ဘာလည်း ညက မအိပ်ဘူးလား´

`အေးကွာ ငါလည်း ဆန်နီ့အကြောင်းတွေးပြီး ညညအိပ်မရတာတွေ တော်တော်များနေပြီ၊ အရမ်းခံစားရတယ်ကွာ´

`အဲ အဲဒီမှာ စတွေ့တာပဲ´

`တကယ်ပါ သူငါ့ကို ခုထ်ိကို အတွေ့မခံသေးဘူးကွာ၊သဲမွန်တို့အဖွဲ့ ၀ိုင်းပြောပေးတာလည်း မရဘူး..”

“ငါလည်း စိတ်ညစ်ပါတယ်ကွာ၊ မင်းတို့စိတ်မကောင်းဖြစ်မှာစိုးလို့ ငါဘာသာ တစ်ယောက်ထဲ ခံစားနေတာ´

`အေးကွာ အဲဒီကလေးမကလည်း ဒီလောက်ဆို စိတ်ပြေသင့်ပါပြီ၊ တောင်းပန်တဲ့သူကလည်း တောင်းပန်နေတာပဲမဟုတ်လား´

`ထားလိုက်ပါတော့ကွာ´

ပြောရင်းဆိုရင်း လက်ဖက်ရည်ဆိုင်ရှေ့ရောက်မှန်းမသိ ရောက်လာကြသည်။ကြီးပေါတို့အဖွဲ့ကတော့ ရောက်နှင့်နြေဲကသည်။

`ဟိုနှစ်ကောင် မင်းတို့စားကြဦးမှာ မို့လား ငါတို့သွားနှင့်မယ်´ ကြီးပေါက လှမ်းပြောသည်။

`အေးကြီးပေါ ငါတို့နှစ်ကောင် ဆွဲခဲ့လိုက်ဦးမယ်´

`ဂူဂဲ ဒီနေ့ ကျူတိုရီယယ်ရှိတယ် မဟုတ်လား´

`အေးဟုတ်တယ် ပါဝါအီလက်ထရွန်းနစ်လေ နောက်ဆုံးအပတ်ပဲ ဒီတစ်ခါဖြေပြီးရင်ပြီးပြီ´

`အကိုတို့နှစ်ယောက် ဘာစားကြမှာလည်းဗျ´

`စမူဆာသုတ်တစ်ပွဲ၊ထမင်းသုတ် နှစ်ပွဲ၊ကျဆိမ့် နှစ်ခွက် ပြီးတော့ နေခြည်ဆေးပေါ့လိပ် တစ်ပွဲချကွာ´

ဂူဂဲမှာနေတုန်း ကျနော်က ဓာတ်ဘူးထဲမှ ရေနွေးနှစ်ပန်းကန် ငှဲ့ထည့်ပေးလိုက်သည်။

`၀ါး လက်ဖက်ခြောက်နံ့လေးကို သင်းနေတာပဲ ဂူဂဲ သူငယ်ချင်း ရေနွေးအရင်သောက်ကွာ ကောင်းတယ်´

လက်ဖက်ခြောက်ရနံ့လေးသင်းနေသည့် ရေနွေးပူပူ တစ်ပန်းကန်သည် ကျနော့်ဝမ်းခေါင်းထဲသို့ အကာအကွယ်မဲ့ စီးဆင်းသွားသည်။ရင်ထဲ နွေးထွေးလန်းဆန်းသွားသလိုပါပဲ။မြန်မာ့ရိုးရာ ရေနွေးကြမ်းကိုတော့ ကျနော် အရမ်းနှစ်သက်ပါသည်။

`ဘယ့်နှယ်လဲ ဂူဂဲ ရေနွေးကြမ်းက ဒီနေ့တော်တော်ဂွတ်တယ် မဟုတ်လား၊ကိုးကန့်လက်ဖက်ခြောက်တွေ သုံးထားတယ်ကွ ဧကန္တ မင်းယောက္ခမကြီး နှစ်လုံးထီများ ပေါက်ထားသလားမသိဘူး´

`ကြားသွားလို့ ပြေးပေါက်မှားနေပါဦးမယ် ဒေါင်းကြီးရာ´

စားပွဲထိုးလေးလာချသော စမူစာသုတ်နဲ့ ထမင်းသုတ်ပူပူလေးကို နှစ်ယောက်သား အားပါးတရ စားပစ်လိုက်ကြသည်။တမနက်ခင်းလုံး ခုန်ပေါက်နေခဲ့တဲ့ အစာအိမ်လည်း ခုမှပဲ ကျေနပ်စွာ ငြိမ်သက်သွားပါတော့သည်။
ကျဆိမ့်လေးသောက်ရင်း ဆေးပေါ့လိပ်ကိုယ်စီနဲ့ ဇိမ်ယူလိုက်ကြသေးသည်။

`သွားကြမယ်လေ´

`လစ်ကြတာပေါ့၊ ဟာ ဟေ့ကောင် ဒေါင်းကြီး ရှေ့မှာ ဆန်နီမို့လား´

`အင်းဟုတ်တယ်´

`တစ်ယောက်တည်း လမ်းလျှောက်လာတာကွ မင်းတော့ ဂွင်ပဲ´

`ဒီတခါတော့ ကျေနပ်အောင်ကို တောင်းပန်မယ်ကွာ မင်းနောက်က ဖြေးဖြေးလိုက်ခဲ့တော့´

ဂူဂဲကို ထားခဲ့ပြီး သူမဆီ လျှင်မြန်သော ခြေလှမ်းများဖြင့် လိုက်သွားမိသည်။

`ဆန်နီ..ဆန်နီ...နေပါဦး တို့ စကားနည်းနည်းလောက်ပြောချင်လို့´

မကြားတာလည်း မကြားချင်ယောင်ပဲဆောင်နေသလားမသိ သူမကတော့ တချက်လေးမှ ငဲ့မကြည့်ပေ။

`ဆန်နီ တကယ်ခဏလေးပါ အဲဒီလို မလုပ်ပါနဲ့ လူတွေ့ရှေ့ ကြည့်မကောင်းပါဘူး။ဒီတစ်ခါပဲ နောက်ဆုံးအခွင့်အရေးအနေနဲ့ တို့ကို တောင်းပန်ခွင့်ပေးပါ´

သူမ လှပသော ခြေလှမ်းတွေကို တုံ့ခနဲရပ်လိုက်သည်။ထို့နောက် နဖူးပေါ် ၀ဲဖြာကျနေသော ဆန်နွယ်စတွေကို ယမ်းခါရင်း ကျနော့်ကို စူးစူးရဲရဲလေး မော့ကြည့်လိုက်သည်။
ချစ်သူရယ် ခုလ်ိုအနီးကပ် မြင်တွေ့ခွင့်မရတာ ဘယ်နှစ်ရက်ရှိပြီလဲ။

ချစ်စရာ ကောင်းလိုက်တာကွာ။နေမကောင်း၍များလားမသိ မျက်နှာလေးကတော့ နည်းနည်း ငြှိုိးနေသည်။

`ကိုကျော်သူ ဘာပြောမှာလဲ ပြောလေ ကျမ အတန်းတက်ရဦးမှာ´

`ဆောရီး ဘယ်ကစပြောရမလဲလို့ စဉ်းစားနေလို့ ဒီလိုလေ ဟိုတနေ့က ကိစ္စကို တို့တကယ်တောင်းပန်ပါတယ်။နောက်ဘယ်တော့မှ ဒီလို မဖြစ်စေရဘူးလို့ ကို ကတိပေးတယ်။တို့မင်းကို တောင်းပန်ဖို့ အကြိမ်ကြိမ်ကြိုးစားခဲ့ပါတယ်၊ဒါပေမယ့်..´

`ဒီကိစ္စတွေကို ထားလိုက်ပါတော့ ကိုကျော်သူ၊ကျမကလည်း ဘာမှမဖြစ်ခဲ့ဘူးလို့ သဘောထားပြီး မေ့လိုက်ပါပြီ´

`တို့က မှားခဲ့တာဆိုတော့ တောင်းပန်ရမှပေါ့´

`တောင်းပန်စရာမလိုပါဘူး၊ ကျမအားလုံးကို ခွင့်လွှတ်ပြီးသားပါ။ကျမသွားမယ်´

`နေပါဦး ဒါဆို ဟိုလေ တို့ကို အရင်တုန်းကလို ပြန်ခေါ်မှာလား´

`၀မ်းနည်းပါတယ် အဲဒီကိစ္စကတော့ မဖြစ်နိုင်တော့ပါဘူး ကျမဆုံးဖြတ်ပြီးပါပြီ၊ကျမိကိုကျော်သူ့ကို ခင်ပါတယ်၊ဒါပေမယ့် ကျမသွားပါရစေရှင်´

`အဲဒါဆို ဆန်နီ တို့ကို တကယ်စိတ်မပြေသေးလို့ပေါ့´

`ရှင်ထင်ချင်သလို ထင်နိုင်ပါတယ်´

`အဲဒီလောက်တောင်ပဲလားဗျာ ကျနော်တကယ်ဝမ်းနည်းပါတယ်၊ ကျနော့်ကိုမြင်တိုင်ိးတ်ဆင်းရဲမှာပေါ့နော်
ကျနော် ဆန်နီနဲ့ ဝေးရာကို ထွက်သွားနိုင်ဖို့ ကြိုးစားပါ့မယ်။နောက်ဆို ဆန်နီစိတ်ဆင်းရဲရမှာ မဟုတ်ပါဘူး´

`ကျမကလည်း အဲဒီအတွက် ကျေးဇူးတင်ပါတယ်´

သူမသည် ကျနော့်ရှေ့မှာ အရာအားလုံးကို လစ်လျူရှုလျှက် ညင်သာစွာ ထွက်ခွာသည်။ကျနော့်ရင်ထဲမှာတော့ တောင်တွေပြိုနေသလို တအုန်းအုန်းခုန်လှိုက်ကျန်နေခဲ့ပါသည်။ကမ္ဘာကြီး ရုတ်တရက် အေးစက်သွားသလိုပါပဲ။

မုန်တိုင်းတိုက်ခံလိုက်ရတဲ့ သစ်ပင်တစ်ပင်လိုပဲ ကျနော် နှလုံးသားတွေ ယိမ်းထိုးကျန်ခဲ့ပါသည်။

`ဒေါင်းကြီး အဆင်မပြေဘူးလား´

`မင်း မြင်တဲ့အတိုင်းပဲကွာ´

`ပျော့ညံ့တယ်လို့မင်း ပြောလဲခံရမှာပဲ ခုငါ ၀မ်းနည်းပက်လက်ကို ငိုပစ်ချင်စိတ်ပေါက်နေတယ်´

`ငါနားလည်ပါတယ် သူငယ်ချင်းရာ´

အချစ်ဆိုသောခံစားချက်သည် ဤမျှလောက် ပြင်းထန်လိမ့်မည် ဟု ကျနော်တစ်ခါမှ ကြိုတွေးမထားခဲ့မိဘူးပါ။

`ဘယ်တတ်နိုင်မှာလဲ ဂူဂဲ ငါ့အတွက် ထိုက်တန်တဲ့ ဆုလဒ်တစ်ခုပဲ ဖြစ်မှာပါ´

`မင်းတို့ဥစ္စာကလည်း အပြက်အပြက်နဲ့ တကယ် နှခေါင်းသွေးထွက်နေပြီ´

`ဘယ်တတ်နိုင်မလဲကွာ အချစ်ဆိုတာ ဖန်တီးလို့ရတဲ့ အရာတစ်ခုမှ မဟုတ်တာပဲ၊
ငါ ကျောင်းဆက်မတက်ချင်တော့ဘူး ဂူဂဲရာ´

ဆက်ရန်
လင်းဝေ

ကျနော်နဲ့ဗင်းဆင့်ဗန်ဂိုး.....

တိတ်ဆိတ် ငြိမ်သက်နေတဲ့
လေပြေရဲ့ ရင်ခုန်မှု
`ကြယ်´မစုံ `လ´မစုံ
ကြေကွဲနေတဲ့ `ည´
ငါ့ရှေ့မှာ
အခါခါ အိပ်မောကျနေတဲ့
`ပင်လယ်´
ကမ်းစပ်ကို
ကျီစယ်ဖို့
ခဏခဏ
ရိ်ုက်ခတ်နေတဲ့
`လှိုင်း´တွေ
`ဗင်းဆင့်´ရေ..
ခင်ဗျား ပန်းချီကားထဲက
`ကြယ်ပွင့်´တွေ
ပင်လယ်ထဲ
ခုန်ချနေတာ
ကျနော်
မြင်ရတယ်...
ပြီးတော့
ခင်ဗျား ရေးခြစ်ထားတဲ့
လရောင်ပျပျကလည်း
ကျနော့်
နှလုံးသားပေါ်
လွမ်းလွမ်းဆွတ်ဆွတ်
ထိုးကျလို့
ပြီးတော့..
အာလူးစားကြသူတွေ..
နေကြာပန်းတွေ..
ဂျုံခင်းတွေ...
မုန်တိုင်းတွေ...
အလျှံညီးညီး တောက်လောင်နေတဲ့
နေရောင်တွေ...
လယ်ကွင်းထဲက
ဖွာလန်ကြဲနေတဲ့
ထွန်ရေးကြောင်း
ကျောက်မီးသွေးတွင်း
အလုပ်သမားတွေရဲ့
ုစုတ်ပြတ်သတ်နေတဲ့ဘ၀တွေ..
.....
.......
..........
ခံစားတတ်သော
ကိုယ်ချင်းစာတတ်သော
သနားတတ်သော
အနုပညာအပေါ်
ရူးသွပ်ပြီး
အနှိုင်းမဲ့ဖန်တီးချင်သော
ဟန်ဆောင်ခြင်းကင်းမဲ့သော
ခင်ဗျားရဲ့
နှလုံးသားဟာ
ရဲရဲရင့်ရင့်
တုန်ခါနေခဲ့တယ်..
အဲဒီ...
လှုပ်ခတ်သံဟာ
ခု...ကျနော့်
နှလုံးသားမှာ
ပဲ့တင်ထပ်နေပါတယ်
.....
ကျနော့်ကို ဆီးကြိုနှုတ်ဆက်
ပွေ့ဖက်ကာ
လက်ကမ်းကြသူ
ကျနော်က ဆီးကြိုနှုတ်ဆက်
ပွေ့ဖက်ကာ
လက်ကမ်းရမယ့်သူ
ကျနော့်ကို
နှုတ်ဆက်ထွက်ခွာ
လက်ယမ်းကာ
ထားသွားကြသူ
ကျနော်က
နှုတ်ဆက်ထွက်ခွာ
လက်ယမ်းကာ
ထားခဲ့ရမယ့်သူ.....
....
အရာရာဟာ
နွေဦးရဲ့
တိမ်ပြေးတွေလို
......
ကမ္ဘာကြီးပေါ်ရှင်သန်
နေထိုင်ခြင်းအတွက်
ကျနော်
ဟောဒီ
ကမ္ဘာကြီးကို
ဘာများပေးနိုင်မလဲ......

သားထက် (မုံရွာ)

လင်းလက်ဖို့ မှောင်နေတဲ့ `ည´

နေထိုင်ကြီးပြင်းဖို့
ဘ၀အတွက်
ပေးဆပ်ရတဲ့
အရင်းအနှီးတွေက
မများလွန်းဘူးလား...
ကမ္ဘာကြီးနဲ့ အတူ
လည်ပတ်ဖို့
အသက်ရှူတတ်ရုံနဲ့
မလုံလောက်ဘူး ဆိုတာကို
ငါ့ဦးနှောက်
ပိစိကွေးလေးက
လေးလေးလံလံ
သိနေရဲ့...
ကြာတော့လည်း
မနက်ဖြန်တွေအကြောင်း
တွေးရတာ
ရင်နာစရာ
ကောင်းလွန်းသလိုလို..
အဲဒီထက် ရင်နာစရာတွေဟာ...
ဟောဒီ ကမ္ဘာကြီးရဲ့
အိတ်ကပ်ထဲ
ဘောင်ဘင်တွေ ခတ်လို့...
မနက်ဖြန်အတွက် စစ်ပွဲတွေ...
မနက်ဖြန်အတွက် ရောဂါတွေ...
မနက်ဖြန်အတွက် မုန်တိုင်းတွေ....
မနက်ဖြန်အတွက် ငတ်မွတ်ခြင်းတွေ...
မနက်ဖြန်အတွက် ငိုကြွေးခြင်းတွေ..
မနက်ဖြန်အတွက် တံလျှပ်တွေ...
မရဏတေးသံတွေဟာ
ဝံပုလွေတွေနဲ့အတူ
ရောက်လာကြလိမ့်မယ်...
လယ်သမားက
စပါးစိုက်ဖို့ ငွေမရှိဘူး
အလုပ်သမားက
အလုပ်သွားဖို့ ငွေမရှိဘူး
ဝေဒနာသည်က
ဆေးခန်းပြဖို့ ငွေမရှိဘူး
မီးဖွားစရိတ်မရှိတဲ့ မိခင်တွေ..
အစွန့်ပစ်ခံထားရတဲ့ မိဘမဲ့ကလေးတွေ..
ကိုယ့်ကိုယ်ကို အသုဘမချနိုင်ပဲ သေဆုံးသွားကြသူတွေ...
.......
.................ဒါတွေဟာ
အတ္တကြီးကြီး လူတချို့က
ရက်ရက်စက်စက်
ပေးအပ်ခဲ့တဲ့
အဆိုးရွားဆုံး ဆုလဒ်တွေပါပဲ....
ဆင်းရဲသားက
ဆာလောင်နေပြီး
ကဗျာဆရာက
ငိုကြွေးနေပါတယ်..။
သေဖို့
တစ်ရက်နီးလာရုံက လွဲလို့
ဘာမှ
ရေရာ
ပီပြင်မလာနိုင်တာ
သေချာနေပြီတဲ့လား...
ဒါပာာ
အာရုံမတက်ခင်
မှောင်မိုက်ခြင်းမျိုးပဲ
ဖြစ်ရမှာပါ
သူငယ်ချင်းရာ..
ငါကတော့
စံပယ်ရနံ့တွေနဲ့
ထစ်ချုန်းလာမယ့်
နေ့သစ်တစ်ခုကို
တောင့်တစွာ
စောင့်မျှော်ရင်ခုန်နေဆဲပဲ...။

သားထက် (မုံရွာ)

ခါးသက်သွားသောဆုလဒ်များ

ကြယ်တွေ
ရုတ်တရက်
သေဆုံးသွားရတဲ့
ည တညပါ...
ကောင်းကင် ပျောက်ရှသွားမှာ
ကြောက်လို့
တိတ်တဆိတ်
ငိုကြွေးနေတဲ့
လမင်းရဲ့
ရှိုက်သံသဲ့သဲ့ကို
ငါကြားတယ်...
အပြာရောင်
မှိန်ပျပျ လင်းနေတဲ့
ငါ့ရဲ့
အခန်းကျဉ်းလေးက
ငါ့ကို
ထွေးပွေ့ထားတယ်..
ဟောဒီ..အခန်းထဲမှာ...
မင်း စွန့်ပစ်လိုက်လို့
နာကြင်နေတဲ့
ကဗျာတပုဒ်...
မင်းကို..လွမ်းလို့..
တုန်ခါနေတဲ့
သံစဉ်တခု...
ဖတ်လက်စ
စာအုပ်တအုပ်...
စားလက်စ
ထမင်းပန်းကန်တချပ်
ရေးလက်စ
သီချင်းတပိုင်းတစ
ဖရိုဖရဲ
အိပ်မောကျနေတဲ့
ဂစ်တာအိုလေး...
ကျိုးကြေသွားတဲ့
မျှော်လင့်ချက်
အပိုင်းအစတွေနဲ့
လေပြေက
အံထုတ်လိုက်တဲ့
ပန်းတပွင့်ရဲ့
ခတ်အက်အက် ရနံ့....
ပြီးတော့...
အမှတ်တမဲ့များ...
အမှတ်တရများ...
ဒဏ်ရာများ...
မင်းနဲ့ငါကြား
ကမ္ဘာကြီး
ထက်ခြမ်း ကွဲသွားသလိုမျိုး
အရာရာဟာ
ဝေးကွာဖို့
အဆင်သင့်ဖြစ်နေကြရဲ့...
နေမြင့်လေလေ
အရူးရင့်လေလေ
အချစ်ရေ
ငါ့မျက်လုံးတွေ
တဖြည်းဖြည်း
ေ၀၀ါးလာတယ်...
ဒါပေမယ့်
မျက်ဝန်းတွေရဲ့
`အဖွင်´့`အပိတ်´မှာ
မင်း...ပုံရိပ်တွေ....
မင်း...သဏ္ဌာန်တွေ...
မင်း...အပြုံးတွေ....
...ငါ.....
မုန်းရမှာတဲ့ လား....
မေ့ရမှာတဲ့ လား...
မတွေ့ခဲ့ကြရင်
အကောင်းဆုံးတဲ့ လား...
အိပ်ပျော်ဖို့
ကြိုးစားရင်း
မိုးလင်းသွားရဦးမယ့်
နောက် လာမယ့်
ငါ့ရဲ့...အထီးကျန်ညများ...
...ဒါတွေဟာ...
...ဒါတွေဟာ...
ချစ်တတ်သူ
တယောက်အတွက်
ချစ်သူပေးခဲ့သော
ဆုလဒ်များ အဖြစ်
ငါ့နှလုံးသားတွေထဲ
အမြဲထစ်ချုန်းနေမှာပါ..
အချစ်ရယ်....

သားထက် (မုံရွာ)

ခါးသက်သွားသောဆုလဒ်များ

နေထိုင်မှုအသစ်

ငါနဲ့အတူ
အမြဲရှိနေတဲ့
သေခြင်းတရားရယ်..
ငါ့ဆီခဏခဏ
အလည်လာတတ်တဲ့
`ဒုက္ခ´ဆိုတဲ့ ဧည့်သည်ကြီးရယ်..
ငါဟာ..
သူတို့နဲ့အတူ
ဘ၀အတုတွေ ငှဲ့သောက်ရင်း...
အိပ်မက်အတုတွေ စားသုံးရင်း...
တဖြည်းဖြည်း ကြီးပြင်းလာတဲ့
`အတ္တ´ကို
မွေးမြူရင်းပေါ့လေ...
လူတချို့က
ကိုယ့်ရှင်သန်မှုအတွက်
သူတပါးရဲ့
အသွေးအသားကို
စားသုံးကြတယ်..
လူတချို့က
သူတပါးရှင်သန်မှုအတွက်
ကိုယ့်အသွေးအသားကို
ပေးဆပ်တယ်...
မြင့်မြတ်ခြင်းဟာ
ကိုယ်ချင်းစာတတ်သော
လူသားဆန်သော
လူသား၏ နူးညံ့တဲ့ နှလုံးသားမှ
ညင်သာစွာလှုပ်ခတ်လိုက်သော
ရင်ခုန်သံဖြစ်တယ်..။
အမှန်တရားဟာ
လင်းလက်ခဲတယ်...
မှေးမှိန်ခဲတယ်..
ငါကတော့
အမှန်တရားတွေကို
မြတ်နိုးတတ်ဖို့
ကြိုးစားတယ်...
ဘယ်လိုပဲ
မမြင်ကွယ်ယောင်ဆောင်ပေမယ့်
ငါ သယ်ဆောင်ရမယ့်
အတိတ်ဟာ
ငါ့နောက်မှာ
အရိပ်တွေလို
လိုက်နေခဲ့တာပါ....
ခဏလောက်
ငြိမ်ပေးစမ်းပါ
အမှန်တရားတွေကို
ကြိတ်မှိတ်မြိုသိပ်ထားရတဲ့
နှလုံးသားတွေရဲ့
တုန်ခါလှိုက်မောနေတဲ့
ရင်ခုန်သံတွေ
ငါ ကြားနေရတယ်
တခါတခါမှာ
ပျော့ညံ့တတ်တဲ့ ငါဟာ...
အမှားတွေကို
အမှားတွေကို
အမှားနဲ့တုန့်ပြန်တတ်ဆဲပဲ
`ကျား´ဆိုတာ မြက်မစားရဘူး...တဲ့
ငါ..ရဲရင့်ဖို့ကိုလည်း..
ကြိုးစားနေပါတယ်...
ဟော..
နေလုံးကြီးတောင်
တဖြည်းဖြည်း
မြင့်လာနေပြီ
ငါ့ရှေ့မှာ
ပျက်စီးနေတဲ့
ဥယျာဉ်ကြီးရှိတယ်
ဥယ်ာဥ္ဆိုတာ
သစ်ပင်ပန်းမံတွေရဲ့
ဆွတ်ပျံ့သင်းမြတဲ့
ရနံ့တွေနဲ့ပဲ
လှပနေဖို့ကောင်းတာ..
ခုတော့..
မြက်ပင်တွေနဲ့
စိန်းလန်းချင်ယောင်ဆောင်ထားတဲ့
အဲဒီ ဥယ်ာဥ္အပ်က္ထဲ
နွားငတ်တွေ
ပွဲကျနေတယ်လေ..

သားထက် (မုံရွာနည်းပညာတက္ကသိုလ်)

လရောင်နဲ့ရေးတဲ့...တေးသွား...

ညတညရဲ့နိဂုံးဟာ
အာရုဏ်ဦးနေရောင်တွေနဲ့
ရွှန်းသစ်လက်တောက်လာတတ်သလိုမျိုး
အမြဲ..မှောင်မိုက်တိတ်ဆိတ်နေတတ်တဲ့
ငါ့ဘ၀မှာ...မျှော်လင့်ခြင်းတွေဟာ...
အပြာရောင်အိပ်မက်တွေနဲ့အတူ
နေရောင်လရောင်တွေလို
ယှက်ဖြာလှိုက်စိုနေပါတယ်...
ဆာလောင်လွန်းလို့
ရှိုက်ကြီးတငင် မှောက်ငိုနေတဲ့
ကလေးငယ်လေးရဲ့
ငတ်မွတ်တောင့်ခြင်းမျိုးနဲ့
ငါဟာ..တစုံတယောက်ဆီက
မေတ္တာအကြင်နာတွေကို
လိုချင်မြတ်နိုးခဲ့ပါရဲ့..
ရယ်စရာပဲ...
`အချစ်´ဆိုတာ
ပေးတိုင်းပြန်ပြီးရရပါစေမယ်လို့
ဘယ်သူက အာမခံမထားခဲ့သလို
`ဘ၀´ဆိုတာလည်း
တောင့်တတိုင်း ပြည့်စုံစေမယ်လို့
ဘယ်သူ့ကမှ အာမခံမထားဘူး
ငါကိုယ်ကရူးတာပါ
ဒီထက်နည်းနည်း သက်သာအောင်
ဖြည့်တွေးလိုက်တယ်
လူတွေအားလုံးနီးပါးဟာ
အရူးအမိုက်တွေချည်းပါပဲ.။
ပြိုမလိုညိုနေတဲ့ တိမ်တိုက်တွေက
မိုးစက်တွေ တဖွဲဖွဲခြွေချ
ငိုမလိုပြိုနေတဲ့ နှလုံးသားတစ်ခုကို ထွေးပိုက်
ငါကတော့ စရိုက်ဆန်ဆန်ပဲ
အဲဒီ မိုးရေစက်တွေထဲ
အသည်းကွဲခြင်းအထိမ်းအမှတ်နဲ့
လှလှပပလမ်းလျှောက်လိုက်တယ်
ဓာတ်ရှင်ထဲမှာဆိုရင်တော့
ဒါဟာ အကောင်းဆုံးအခန်းကို
ရောက်တာပဲပေါ့..
ဒီလိုနဲ့ မင်းနဲ့...ငါ....
အလွမ်းတွေ တစ်ခုပြီး..တစ်ခုခြားရင်း..ဝေးခဲ့တယ်..
ဒါပေမယ့်ကွယ်...
ဘာအကြောင်းနဲ့ပဲဖြစ်ဖြစ်
မင်းငါ့ကို ၁ စက္ကန့်လောက်လေး
သတိရပေးရင်
ငါ..ကျေနပ်ပါတယ်...ချစ်ရယ်..
အချစ်အတွက်...ရေးတယ်...
အလွမ်းအတွက်....ရေးတယ်....
ဘ၀အတွက်...ရေးတယ်....
ဒဿနအတွက်...ရေးတယ်....
အိုမယ်...နာမယ်...သေမယ်....
သစ္စာတရားတစ်ခုဟာ
ငါ့နှလုံးသားမှာ ရှင်သန်နေပါတယ်..။
လရောင်ရေးရေးနဲ့
ဆွေးဆွေးလျလျညတွေဆို
အလှပဆုံးကဗျာတွေ ငါခံစားချက်အတွက်
ငါရေးတယ်...
ပစ္စုပ္ပန်ဟာ
`အတိတ်´တစ်ခုလို
ဟန်ဆောင်ပြီး
ငါ့ရှေ့ကနေ
ရုတ်တရက် ထွက်ခွာသွားချိန်
အနာဂတ်ဟာ
ကမူးရှူးထိုးနဲ့
ငါရဲ့
နံနက်ခင်းတွေဆီ
`ဘ၀´အယောင်ဆောင်ပြီး
ရောက်လာခဲ့တယ်...
ငါကတော့
တညတခါဆီက
သာခဲ့ဖူးတဲ့
လရောင်အေးအေးလေးကို
လွမ်းနေမိတယ်....

သားထက် (မုံရွာနည်းပညာတက္ကသိုလ်)

ယုန်ပုံပြင်

ယုန်ပုံပြင်

တခါတုန်းက တောအုပ်လေးတခုမှာ ယုန် အသိုင်းအ၀ိုင်းလေး တခုရှိတယ်။ သူတို့တတွေက
အေးအေးချမ်းချမ်းလေး နေပြီး တောအုပ်ထဲက တခြားတောကောင်တွေနဲ့လဲ မရောပဲ
သီးခြားလေးနေလေ့ရှိတယ်။ ဒါပေမယ့် တောအုပ်ထဲမှာ ဖြစ်ပျက်နေတာတွေကို လုံးဝ
မျက်ချေပြတ်နေတာတော့ မဟုတ်ဘူး။ ဟိုးနား၊ ဒီနားတောလည်သွားရင်း ကြားလာရတဲ့
သတင်းတွေကို ယုန်လေးတွေ အချင်းချင်း ပြန်မျှဝေတတ်ကြတယ်။ ယုန်လေးတွေ
ပြောနေတာကို နားထောင်ပြီး၊ ယုန် ဖိုးဖိုး၊ ဖွားဖွားကြီးတွေက အကဲဖြတ်
သုံးသပ်ချက်တွေ ပေးတတ်ကြတယ်။ ယုန်လေးတွေကလဲ ပညာရှိ ဖိုးဖိုး၊
ဖွားဖွားကြီးတွေရဲ့ စကားလုံးတွေကို တလေးတစားနဲ့ နားထောင်တတ်ကြတယ်။ ဒါပေမယ့်
ယုန်လေးတကောင်ကတော့ ဒီလို မဟုတ်ဘူး။ ဖိုးဖိုးတို့ တွေးတာတွေက
တကယ့်လက်တွေ့နဲ့ ကိုက်မှာ မဟုတ်ဘူးလို့ အမြဲသံသယ ရှိနေတတ်တယ်။ ပညာရှိများ
တွေးကြည့်ရင်၊ ပြေးကြည့်တာထက် မှန်တယ် ဆိုတာကို ယုန်လေးက လုံးဝ လက်မခံဘူး။
ပြေးကြည့်မှ တကယ်သိမှာပေါ့လို့ အမြဲတွေးနေတတ်တယ်။



ဒီလိုနဲ့ တနေ့တော့ ယုန်အသိုင်းအ၀ိုင်းလေးကို စွန့်ခွာပြီး တောနက်ကြီးထဲကို ယုန်ကလေး
ထွက်လာခဲ့တယ်။ တောနက်ထဲ ရောက်ပြီး မကြာခင်မှာပဲ တနေရာမှာ တောကောင်တွေ
စုဝေးနေတာတွေ့လို့ အပြေးအလွှားသွားကြည့်လိုက်တယ်။ တောကောင်လေးတွေက
ကြမ်းပိုးလေး တကောင်ကို လိပ်ပါဆိုပြီး တကောင်က အဆိုတင်သွင်းလိုက်၊ တကောင်က
ထောက်ခံလိုက်နဲ့ လုပ်နေကြတယ်။ ဒါနဲ့ ယုန်ကလေးလဲ မနေနိုင်ပဲ
သူတို့ထင်နေကြတဲ့ လိပ်ကလေးဟာ ကြမ်းပိုးလေး ဖြစ်ကြောင်း ပြောလိုက်မိတယ်။
မကြာပါဘူး။ သူတို့ကို ၀င်နှောင့်ယှက်တယ်ဆိုပြီး တောကောင်တွေက သွားဖြီးပြီး
ဝိုင်းလိုက်ကြလို့ ယုန်ကလေးခမျာ သုတ်ချေတင်ရပါလေရော။



ပြေးရင်းလွှားရင်းနဲ့ သစ်ပင်တပင်ကို တွေ့တာနဲ့ အမောပြေဆိုပြီး သစ်ပင်ကြီးရဲ့ အရိပ်မှာ
ဝင်ခိုလိုက်ရတယ်။ မကြာပါဘူး။ သစ်ပင်ပေါ်က တောကြောတကောင်က ခုန်ဆင်းလာပါလေရော။
ဒီသစ်ပင်က သူပိုင်တဲ့ သစ်ပင်မို့ သစ်ပင်နားကို မကပ်နဲ့လို့ ယုန်ကလေးကို
ပြောတယ်။ ယုန်ကလေးက မောလွန်းလို့ ခဏနားပါရစေဆိုတော့ သူ့ကို ရွှေကျားကြီးလို့
ခေါ်ရင် နေခွင့်ပေးမယ် ဆိုပဲ။ တောကြောင်ကြီးကို မြင်ရက်နဲ့ ရွှေကျားကြီးလို့
ခေါ်ဖို့ ဆိုတာကလဲ မလွယ်တာမို့ ယုန်ကလေးလဲ စိတ်ပျက်လက်ပျက်နဲ့ သစ်ပင်အောက်က
ထွက်လာခဲ့တော့တယ်။



ဒီလိုနဲ့ မလှမ်းမကမ်းရောက်တော့ တီကောင်လေးတကောင်ကို တွေ့ပြန်ရော။ တီကောင်ကလေးက မြွေအဖွဲ့ဖွဲ့ဖို့ နှိုးဆော်နေတယ်ဆိုပဲ။

ယုန်ကလေးကိုလဲ မြွေအဖွဲ့ရဲ့ အတိုင်ပင်ခံ ယုန်ပညာရှိလေး လုပ်ဖို့ တီကောင်လေးက
ကမ်းလှမ်းတယ်။ ယုန်ကလေးလဲ စိတ်ဝင်စားသွားပြီး တီကောင်လေး ခေါ်သွားတဲ့
မြွေအဖွဲ့ဝင်လောင်းတွေဆီကို လိုက်သွားမိတာပေါ့။ ဒါပေမယ့် မကြာပါဘူး။
ယုန်ကလေး စိတ်ပျက်လက်ပျက်နဲ့ ပြန်ထွက်လာခဲ့ရတယ်။ မြွေအဖွဲ့ဖွဲ့ချင်နေတာတွေက
မြွေတွေ မဟုတ်ပဲ တီကောင်တွေပဲ ဖြစ်နေတာကိုး။

တီကောင်တွေဆီက ပြန်လာရင်း ယုန်ကလေး စိတ်ညစ်နေရတယ်။ ဘယ်လိုတောကြီးမှန်းလဲ မသိ။
တောကြောင်ကလဲ ရွှေကျားဖြစ်ချင်လိုဖြစ်၊ တီကောင်တွေကလဲ မြွေအဖွဲ့ ဖွဲ့ချင်တယ်
ဆိုပါလား။



စိတ်ညစ်ညစ်နဲ့ တောနက်ထဲကနေ ထွက်လာလိုက်တာ စားကျက်မြေနား ရောက်သွားပြန်တယ်။ အဲဒီမှာ သိုးလေးတွေကို
တွေ့လိုက်ရတာကြောင့် ယုန်ကလေး ပျော်သွားတယ်။ သိုးလေးတွေက
ပျော်ပျော်ရွှင်ရွှင်နဲ့ ခေါင်းဆောင်တင်မြှောက်ပွဲ ကျင်းပနေကြတယ်။
သိုးလေးတွေရဲ့ ခေါင်းဆောင်ကို ယုန်ကလေးက သေချာလိုက်ကြည့်နေမိတယ်။
ကြည့်နေရင်းနဲ့ လန့်သွားပြီး ထခုန်မိပါလေရော။ ခေါင်းဆောင်ဆိုတာက
သိုးရေခြုံထားတဲ့ ၀ံပုလွေကြီးပါလား။ ဒါဆို သိပ်မကြာခင်မှာ ၀ံပုလွေကြီးက
သိုးလေးတွေကို စားပစ်တော့မှာပဲ။ သိုးလေးတွေအတွက် စိုးရိမ်ပြီး ယုန်ကလေးက
ခုန်ဆွဆွနဲ့ သတိပေးစကားတွေ လှမ်းပြောတယ်။ ဒါပေမယ့် ယုန်ကလေးစကားကို
ဘယ်သိုးလေးကမှ နားမထောင်ကြဘူးလေ။ ဒါနဲ့ပဲ စိတ်ပျက်လက်ပျက်နဲ့ တောထဲ
ပြန်ဝင်ခဲ့တော့တယ်။



မကြာပါဘူး။ ရေချောင်းလေး တခုနားကို ယုန်ကလေး ရောက်သွားပြန်ရော။ ရေချောင်းလေးမှာ ရွှေသမင်လေးတကောင်က
ရေသောက်ဆင်းနေလေရဲ့။ ရွှေသမင်လေးက သိပ်လှတာကြောင့် ယုန်ကလေးလဲ
ငေးနေမိတာပေါ့။ အဲဒီအချိန်မှာ ရွှေသမင်လေးနားကို မုဆိုးကြီးတယောက်
ရောက်လာတယ်။ မြားကြီးနဲ့လဲ ချိန်ထားလိုက်သေးတယ်။ ယုန်ကလေး လန့်သွားပြီး၊
ရွှေသမင်လေးကို အော်ဟစ်သတိပေးမိတယ်။ မုဆိုးကြီးလာနေပြီလို့။ ရွှေသမင်လေးက
ဂရုမစိုက်ဖူး။ ငါ့ရဲ့ အဂါင်္အဆင်းကြောင့် မုဆိုးကြီးက တကယ် သတ်မှာ
မဟုတ်ပါဘူး။ ကျီစားတာ နေမှာပါတဲ့။ ကိုယ့်ကိုကိုယ် အဟုတ်ကြီးထင်ပြီး၊
မြားနဲ့ချိန်ထားတဲ့ မုဆိုးကြီးကို အထင်သေးနေတဲ့ ရွှေသမင်လေးကို ကြည့်ရင်း
ယုန်ကလေးက သနားနေမိတယ်။ မကြာခင်မှာ မြားတန်းလန်းနဲ့ အသက်ထွက်ရတော့မှာပါလား။
မကြည့်ရက်တာနဲ့ ယုန်ကလေး ပြေးထွက်လာခဲ့တယ်။



ခြေဦးတည့်ရာကို ပြေးထွက်လာတဲ့ ယုန်ကလေးဟာ တောနက်ထဲမှာ တရှူးရှူးတရှားရှား လုပ်နေတဲ့
တောဝက်ကြီးတကောင်နဲ့ သွားတိုးပါလေရော။ တောဝက်ကြီးက ဒေါသတွေ အရမ်းထွက်နေတယ်။
သူ့တောဝက် မိသားစုလေးကို ဖြိုခွဲသွားတဲ့ မုဆိုးကြီးကို လက်စားချေမလိုတဲ့။
ဒေါသနဲ့ တိုက်ပွဲဝင်ရင် ရှုံးတတ်တာကြောင့် ဒေါသတွေကိုလျှော့လို့ ယုန်ကလေးက
ဖြောင့်ဖြရတာပေါ့။ ဒါပေမယ့် တောဝက်ကြီးက ယုန်ကလေးပြောတာကို နားမလည်ဘူး။
သူ့ဘက်က လိုက်ပြောတာကိုလဲ ပြောတယ်လို့ မတွေးတတ်ဘူး။ မုဆိုးဘက်ကို
ဘက်လိုက်တယ်ဆိုပြီး ယုန်ကလေးကို ပြဿနာရှာပါလေရော။ ဒါနဲ့ ယုန်ကလေးလဲ
တောဝက်ကြီးနားက ပြေးထွက်ခဲ့ရပြန်တယ်။



မကြာပါဘူး။ တောကောင်တွေ စုဝေးနေကြတာ တွေ့တော့ မနေနိုင်၊ မထိုင်နိုင်နဲ့
အနားကပ်သွားမိပြန်တယ်။ တောကောင်တွေ စုပြီး တောဘုရင် ရွေးပွဲ
လုပ်နေကြတာပါကလား။ လည်ဆံဖွားဖွားနဲ့ ခြသေ့င်္ကြီးက ဟန်ရေးပြနေတယ်။
သူ့ပါးစပ်မှာလဲ တောကောင်တွေကို ကိုက်ဖြတ်ထားတဲ့ သွေးစတွေနဲ့။
တောကောင်လေးတွေလဲ ကြောက်ကြောက်လန့်လန့်နဲ့ သူ့ကိုပဲ တောဘုရင်
တင်မြှောက်လိုက်ကြရတယ်။ အဲဒီအချိန်ထိလဲ ခြသေ့င်္ကြီးက ဟိန်းဟောက်နေတုန်းပဲ။
ခြသေ့င်္ကြီးကို ယုန်ကလေးက အရမ်းမုန်းသွားတယ်။ တောကောင်လေးတွေကိုလဲ
သနားမိတယ်။ တောကောင်လေးတွေ ခြသေ့င်္ကြီးလက်က လွတ်ဖို့ ခြသေ့င်္ကြီးထက်
အကောင်ကြီးတဲ့ ဆင်ကြီးကို သွားခေါ်မှ ဖြစ်မယ်လို့ တွေးလိုက်မိတယ်။



ဒါနဲ့ ဆင်ကြီးကို ရှာဖို့ ယုန်ကလေး ထွက်လာခဲ့တယ်။ ဆင်ကြီးကို တောအနှံ့လိုက်ရှာတာ
မတွေ့ဘူး။ လယ်ကွင်းတွေဘက် ထွက်သွားတယ် ဆိုတာနဲ့ အပြေးအလွှား လိုက်ရပါလေရော။
ဒါပေမယ့် ဆင်ကြီးကို လယ်ပြင်မှာ တွေ့ရတော့ ဆင်ကြီးနားကို ယုန်ကလေး
မကပ်ရဲတော့ဘူး။ လယ်ပြင်မှာက ဆင်ကြီးတကောင်ထဲမှ မဟုတ်တာပဲ။ ကျားကြီးလဲ
ရှိသေးတယ်။ ဆင်ကြီးနဲ့ ကျားကြီးက လယ်ပြင်မှာ တွေ့ပြီး တကောင်နဲ့ တကောင်
တိုက်ခိုက်နေကြတယ်။ ဘာလို့ တိုက်နေကြတာလဲလို့ အနီးအနားက တောကောင်လေးတွေကို
ယုန်လေးက လိုက်မေးကြည့်တာပေါ့။ ဒါပေမယ့် အဖြေကိုကြားရတော့ ယုန်ကလေး
ပက်လက်လန် လဲကျသွားတယ်။ ကျားနဲ့ဆင် လယ်ပြင်မှာ တွေ့နေရတဲ့ အကြောင်းက
တောဘုရင်ရွေးပွဲမှာ ခြသေ့င်္ကို ဘယ်သူတိုက်ခိုက်မှာလဲဆိုတာကို ငြင်းခုန်ရင်း
တိုက်နေကြတာတဲ့။



တောဘုရင်ရွေးပွဲကတော့ ပြီးသွားပြီ။ ခြသေ့င်္ကြီးကလဲ တောဘုရင် ဖြစ်နေပြီ။ ကျားနဲ့ဆင်က တိုက်လို့ ကောင်းနေကြတုန်း။

ပက်လက်လှန်ပြီး ယုန်ကလေး ငိုကြွေးနေမိတယ်။ တောဘုရင် ရွေးပွဲက ပြီးသွားပြီလို့ တတွတ်တွတ်
ရွတ်ရင်းနဲ့ပေါ့။ ဒါပေမယ့် ယုန်ကလေးကို ဘယ်သူကမှလဲ ဂရုမစိုက်ကြပါဘူး။
အနီးအနားက တောကောင်တွေက ကျားကြီးနဲ့ ဆင်ကြီးကို ကြည့်ပြီး
ဘယ်သူနိုင်မလဲလို့ ဟောကိန်း ထုတ်နေကြတုန်းပဲ။



ခင်မမမျိုး (၃၀၊ ၁၀၊ ၂၀၁၀)
မေးထဲရောက်လာတာလေး ဂွတ်လို့

ဒါလားဟဲ့လူ့ဘ၀

ဒီစာလေးဟာ
18.5.2010 နေ့ လည် ( ၃ ) နာရီခန့် တွင် ကွယ်လွန်သွားသောကိုဇေမျိုးလတ် (
၂၇ ) နှစ်မကွယ်လွန်မှီမှာ ရေးသားခဲ့သောစာလေးပါ ဘဝသရုပ်တွေ
အများကြီးရှိနေပါတယ် ဖတ်သင့်တယ်ထင်လို့ မျှဝေပေးလိုက် တာပါ

ဒီနေ့ ကျွန်တော်တို့မှာ အိမ်ကြီးကြီးတွေ ရှိကြတယ်။ ဒါပေမယ့်
မိသားစုဝင်နည်းနည်းနဲ့။
အဆင်ပြေမှုတွေ ပိုများလာတယ်၊ ဒါပေမယ့် အချိန်တွေ နည်းကုန်ကြတယ်။
ကျွန်တော်တို့မှာ ဘွဲ့လက်မှတ်တွေများများ ပိုင်ဆိုင်လာတယ်၊ ဒါပေမယ့်
ယေဘုယျအသိတွေ နည်းလာတယ်။


ဗဟုသုတတွေ များလာတယ်၊ ဒါပေမယ့် ဝေဖန်ပိုင်းခြားမှုတွေ နည်းလာတယ်။
ကျွန်တော်တို့မှာ တတ်ကျွမ်းသူတွေ များများရှိတယ်။ ဒါပေမယ့် ပြဿနာတွေ
ပိုများလာတယ်။
ဆေးတွေ များများစားစား ရှိတယ်။ ဒါပေမယ့် ကျန်းမာရေးကောင်းတဲ့သူတွေ နည်းလာတယ်။


ကျွန်တော်တို့ အမှုမဲ့အမှတ်မဲ့ သုံးဖြုန်းနေကြတယ်။
ရယ်တာတော့ အတော်နည်းသွားပြီ။
ကားမောင်းတာ အတော်မြန်လာကြတယ်။
ဒေါသဖြစ်ဖို့ အတော်လေးမြန်လာပြီ။
အိပ်ယာဝင်တာ နောက်ကျလွန်းတယ်။
စာဖတ်တာ အတော်လေးနည်းတယ်။
ရုပ်မြင်သံကြားတော့ အတော်ကြည့်ကြသား။* ဘုရားရှိခိုးတာ အတော်နည်းလာပြီ။*


ကျွန်တော်တို့ရဲ့ ပိုင်ဆိုင်မှုတွေကို တိုးပွားဖို့လုပ်ခဲ့ကြတယ်။ ဒါပေမယ့်
ကျွန်တော်တို့ရဲ့ တန်ဖိုးတွေတော့ လျော့လာကြတယ်။
ကျွန်တော်တို့ စကားကို ရွှန်းရွှန်းဝေအောင် ပြောကြတယ်။ မေတ္တာတွေနည်းလာပြီ။
လိမ်တာညာတာတော့ မကြာခဏပဲ။
ကျွန်တော်တို့ နေထိုင်ဖို့အတွက် သင်ယူခဲ့ကြတယ်။ ဒါပေမယ့် ဘ၀အတွက်မဟုတ်ဘူး။


ကျွန်တော်တို့ သက္ကရာဇ်မှာ ဘ၀ကို မြှုပ်နှံနေကြတယ်။ ဘ၀အတွက် သက္ကရာဇ်တွေကို
အသုံးမချနိုင်ဘူး။
ကျွန်တော်တို့မှာ ကြီးမားတဲ့အဆောက်အဦးတွေ ရှိတယ်။ ဒါပေမယ့်
စိတ်ရှည်သည်းခံနိုင်မှုဟာ အတော်သေးကွေးလာတယ်။
ကျယ်ပြန့်တဲ့ လမ်းမကြီးတွေ ရှိတယ်။ ဒါပေမယ့် အမြင်တွေ ရှုထောင့်တွေ
သေးသိမ်လာတယ်။


ကျွန်တော်တို့ များများသုံးလာတယ်။ ဒါပေမယ့် နည်းနည်းပဲ ရတယ်။
ကျွန်တော်တို့ များများစားစား ၀ယ်လာတယ်။ ဒါပေမယ့် ကျေနပ်မှုကတော့ အတော်နည်းတယ်။
ကျွန်တော်တို့ လဆီကို သွားဖို့၊ ပြန်ဖို့ နည်းလမ်းတွေရှိတယ်။
ဒါပေမယ့် လမ်းကူးပြီး အိမ်နီးနားချင်းဆီသွားဖို့ အတော်ခက်နေတယ်။


ကျွန်တော်တို့ အပြင်အာကာသကို ကြီးစိုးနိုင်တယ်။ ဒါပေမယ့် အတွင်းအဇ္ဈတ္တကို
မပိုင်နိုင်ဘူး။
ကျွန်တော်တို့ အက်တမ်ကို ခွဲခြမ်းနိုင်ခဲ့တယ်။ ဒါပေမယ့် ကျွန်တော်တို့ရဲ့ အာဂါတ
တရားကို မဟုတ်ဘူး။
ကျွန်တော်တို့ များများရေးတယ်။ ဒါပေမယ့် လေ့လာမှုတွေနည်းလာတယ်။
စီမံကိန်းတွေများတယ်။ ပြီးမြောက်တာ နည်းတယ်။


*ကျွန်တော်တို့ ခပ်သုတ်သုတ်လုပ်ဖို့ သင်ယူကြတယ်။ ဒါပေမယ့် စောင့်စားတတ်ဖို့
မပါဘူး။
ကျွန်တော်တို့ မြင့်မားတဲ့ဝင်ငွေတွေ ရှိလာတယ်။ ဒါပေမယ့် သေးသိမ်တဲ့
စိတ်ဓါတ်တွေနဲ့။*
ကျွန်တော်တို့ သတင်းအချက်အလက်များသိမ်းဖို့ ကော်ပီများများပွားဖို့
ကွန်ပြူတာတွေထွင်ခဲ့ကြတယ်။


ဒါပေမယ့် အဆက်အသွယ်တော့ နည်းလာကြတယ်။
ကျွန်တော်တို့ အရည်အတွက်များများ ထုတ်နိုင်ကြတယ်။ ဒါပေမယ့် အရည်အသွေး
နည်းနည်းနဲ့။
အသင့်စားအစားအစာတွေ ခေတ်စားနေတယ်။ အစာချေဖျက်နိုင်မှုက အတော်နှေးလာတယ်။
လူ ခပ်မြင့်မြင့်တွေ ဖြစ်ပေမယ့် စရိုက်တွေက ခပ်သိမ်သိမ်ပဲ။


အားလပ်ချိန် ပိုလာပေမယ့် ပျော်ရွင်မှုတွေ နည်းလာတယ်။
အစားအစာအမျိုးအစားများလာပေမယ့် အဟာရတွေနည်းလာတယ်။
နှစ်ယောက်စာ ၀င်ငွေတွေဖြစ်လာပေမယ့် လင်မယားကွာရှင်းမှုတွေများလာတယ်။
လှပတဲ့ အိမ်ယာတွေမှာ ကျိုးပျက်နေတဲ့ အိမ်ထောင်တွေနဲ့။

လူမိုက်တစ်ယောက်ရဲ့ ရင်ခုန်သံ....

ဘ၀ဆိုတာ
တိုက်ဆိုင်မှုတစ်ခုပဲလား....
ကောင်မလေးရေ...
မင်းနဲ့ငါ
တွေ့ခဲ့ကြတာဟာလည်း
တိုက်ဆိုင်မှုတစ်ခုပဲဖြစ်မယ်ထင်ရဲ့....
ငါကတော့
အဲဒီတိုက်ဆိုင်မှုလေးကို
အမြဲလွမ်းနေမှာပါ...
ခိုင်ခိုင်မာမာ
ပြောနိုင်တာတစ်ခုကတော့
ငါ..မင်းကို..
မြတ်မြတ်နိုးနိုးချစ်မိသွားတာဟာ
တိုက်ဆိုင်မှုတစ်ခု
မဟုတ်ခဲ့ပါဘူး..အချစ်ရယ်...
အရာရာကို
ဆုတ်ကိုင်ထားချင်တဲ့
ကလေးဆန်ဆန်စိတ်ကူးတွေနဲ့
ငါဟာ
ခတ်ဆိုးဆိုး ခတ်မိုက်မိုက်
ကောင်လေးပါ...
ငါ့လို....
လူမိုက်တစ်ယောက်ရဲ့
ရင်ခုန်သံဟာ
မင်းအတွက်တော့
သစ်ရွက်ခြောက်တစ်ရွက်
ကြွေကျသွားတာလောက်တောင်
ရင်ခုန်ဖွယ်ကောင်းမယ်မဟုတ်ပေဘူး....
ဘ၀ရဲ့ရိုက်ချက်တွေနဲ့
ငါ့နှလုံးသားဟာ
ဖွာလန်ကြဲအောင်
တိုက်စားပွန်းပဲ့နေပါတယ်...
အချစ်ရယ်
င့ါရင်ထဲမှာ
မုန်တိုင်းတွေ..မုန်တိုင်းတွေလေ..
ရင်တစ်ခုလုံး...ပွင့်ထွက်....လောင်မြိုက်သွားမတတ်ပါပဲ....
မုန်းတီးရက်စက်စွာ
မင်းပေးခဲ့တဲ့
မျက်စောင်းလှလှလေးတွေလေ
ငါ..ရင်အကွဲခံပြီး
သိမ်းဆည်းထားပါတယ်....
အရာရာကို
ထိရှခံစားလွယ်လွန်းတဲ့
ငါ့အသည်းနှလုံးတွေ
ခမ်းခြောက်သွားကြစမ်းပါကွာ
အရက်တွေ
တစ်ခွက်ပြီး..တစ်ခွက်...
ငါ...
မိုက်မိုက်မဲမဲ
သောက်နေမိတယ်
အချစ်ရယ်..
ဖြစ်နိုင်မယ်ဆိုရင်
မူးမှောက်ပြီး
ရူးသွပ်ခဲ့မှုတွေအားလုံး
မေ့ပျောက်ကုန်ဆုံးသွားအောင်
သောက်လိုက်ပါရစေ....
ကောင်မလေးရယ်
မင်းက
ငါချစ်တဲ့အတိုင်း ပြန်မချစ်နိုင်ပေမယ့်
ဟောဒီ....အရက်တွေကတော့
ငါသောက်တဲ့အတိုင်း
အမှန်အကန်ကို
မူးစေမှာပါပဲလေ........

သားထက် (မုံရွာ)

ကျနော်ဖန်ဆင်းသော.....

နူးညံ့တဲ့ ပန်းတစ်ပွင့်ဟာ
ကြမ်းတမ်းတဲ့ လက်တစ်စုံထဲ
အစွမ်းကုန် လှပနေခဲ့ပါတယ်.....
ငါ ယုယသမျှ
တကုတက
ပွင့်ရှာတဲ့ ပန်းကလေးတစ်ပွင့်ဟာ
`အချစ်´ပါပဲ
အိပ်မက်တွေ ဆွဲလှန်ပြီး
နိုးထလာသလိုမျိုး
`အချစ်´ဟာ
ငါ့အတွက်
ရှင်းသန့်ဖြူစင်လွန်းပါတယ်..
တူရွင်းနဲ့တူတဲ့
ငါ့လက်တွေနဲ့
ငါ့နှလုံးသားကိုထွန်ယက်
ငါကိုယ်တိုင်
ငါ့အသွေးတွေနဲ့ သွန်းလောင်း
ငါ့ရဲ့...
ဘယ်တော့မှ မဟောင်းနိုင်တဲ့
အကြင်နာလေပြေတွေအောက်မှာ
ညင်သာစွာ
ဖူးပွင့်နေပါ
`အချစ်´ ရယ်...
နူးညံ့တဲ့ ပန်းတစ်ပွင့်ဟာ
ကြမ်းတမ်းတဲ့ လက်တစ်စုံထဲ
အစွမ်းကုန် လှပနေခဲ့ပါတယ်.....

သားထက် (မုံရွာ)

သတင်းအတုတွေနဲ့ `လူ´......

ပါးစပ်က အသံထွက်တော့
နားက ကြားတယ်...
ပုံရိပ်က လင်းလက်တော့
မျက်လုံးက မြင်တယ်...
ဦးနှောက်က စဉ်းစားတော့
နှလုံးသားက ခံစားတယ်...
စားဖို့...၀တ်ဖို့...နေဖို့...
လူတွေ လုပ်ကြံဖန်တီးနေတဲ့
ဇာတ်လမ်း အတုတွေပါ...
ဘတ်စ်ကားတစ်စင်း
စီးနင်းဖြတ်သန်းသွားရာ နောက်က
ဖုန်တွေ အမှိုတ်တွေလိုပဲ
ကျနော်...အာရုံတွေနောက်
လိုက်နေ...မိုက်နေဆဲ...
နံနက်ခင်းတစ်ခုဟာ
အကုသိုလ်အမှုတွေနဲ့
လန်းဆန်းနေဖို့မကောင်းဘူး..
ဖောင်းပွနေတဲ့
နာတာရှည် ယဉ်ကျေးမှုတွေနဲ့
သမုဒယ အခန်းကျဉ်းလေးထဲမှာ
ကျနော့် အယူအဆတွေဟာလည်း
တဖြည်းဖြည်း..
ဟောင်းနွမ်းဆွေးမြေ့လာခဲ့ပါပြီ..
ခတ်ကြမ်းကြမ်းတီးခတ်နေတဲ့
မြို့ပြရဲ့ `ပွဲတော်ည´က
ပျိုမျစ်တဲ့ အသွေးအသားကိုမှ
ငတ်မွတ်တောင့်တနေပါသတဲ့..
ပြာလောင်ခတ်နေတဲ့ ကမ္ဘာကြီးထဲ
အမှန်တရားဆိုတာတွေဟာ
နင်းပြားခံထားရတဲ့ ဗူးခွံတွေလို
ပုံပျက်ပန်းပျက် လှပနေရဲ့လေ...
ဥပဒေအောက်က ပြည့်နက်နေတဲ့
ဆိတ်ကွယ်ရတွေဟာ
၂၁ရာစုကို ဖန်တီးပြစ်မယ့်
လက်နက်အသစ်တွေတဲ့လား...
ကောင်းရောင်းကောင်းဝယ် လာဘ်စားမှုနဲ့
ကောင်းရောင်းကောင်းဝယ် လာဘ်ထိုးမှုကြား
ဆင်းရဲသားဟာ ဖျားနာနေပါတယ်..
တချို့က ပြူတင်းတံခါးဖွင့်ပြီး
စုတ်တသတ်သတ်...
တချို့က လမ်းမပေါ်က ငေးမောပြီး
ခေါင်းတခါခါ...
ကောင်းတာတွေရောင်း ကောင်းတာတွေဝယ်..
စုတ်သတ်ခေါင်းခါ သနားပြတတ်တာ
အဆင့်မြင့်ယဉ်ကျေးမှုထင်ရဲ့...
ကမ္ဘာကြီးရဲ့ ဆာလောင်မှုအတွက်
ဘ၀တွေဘယ်နှစ်ခုများ ထိုးကျွေးရဦးမလဲ
ဆေးဆိုးထားတဲ့ အပြုံးတွေဟာ
ပြာနှမ်းပုတ်အက်နေလိုက်တာများ
လေတိုက်တိုင်းနံတယ်...
ကျနော့်ရင်ထဲက...ထွန်းကားနေတဲ့
ယဉ်ကျေးမှုကရော ဘာလဲ....
ကျနော်ဟာ..
အောက်ဆီဂျင်တွေ
ရှူရှိုက်ဖို့သက်သက်...
ကမ္ဘာကြီးပေါ်
မိုက်မိုက်မဲမဲ ရောက်ရှိခဲ့တဲ့
မည်ကာမတ္တ လူသားတစ်ယောက်ပါ
တစ်ရက်တစ်ရက်
မှန်ထဲမှာပြန်ပြန်မြင်နေရတဲ့
ကိုယ့်အရိပ်ကို မကြည်ညိုနိုင်သေးတဲ့
မျောက်သာသာ လူတစ်ယောက်ပါလေ...
ဟောဒီ....ဘာမှမခမ်းနားတဲ့လူမှာ
အကောင်းစား အိပ်မက်တွေတော့ရှိတယ်..
စိန်းလန်းတဲ့ တောအုပ်တွေ ဖြတ်သန်း
စမ်းချောင်းတွေရဲ့တေးသံ နားဆင်ဖို့...
လှပတဲ့ ဥယျာဉ်တွေ စိုက်ပျိုး
ပန်းတွေရဲ့ ရနံ့ကို ဆွတ်ပျံ့စေဖို့...
မြင့်မားတဲ့ တောင်တန်းတွေ ကျော်ဖြတ်
လေပြေတွေရဲ့ အေးမြခြင်းကို ယူဆောင်ဖို့...
ကောင်းကင်ကြီးကို ထမ်းပိုးပြီး
လမင်းဆီအရောက် လမ်းလျှောက်ထွက်မယ့်
အကောင်းစားအိပ်မက်တွေနဲ့ပေါ့....
ခုတော့...
တက်မက်,ကပ်ညိ,တွေဝေတတ်တဲ့..
လူတစ်ယောက်ဟာ
ဆင်းရဲခြင်းဆိုတဲ့ လမ်းအိုကြီးထက်
ပျော်ရွှင်ရယ်မောနေတတ်တုန်းပဲ.....

သားထက် (မုံရွာ)

ချစ်သူမသိသော..

တိတ်ဆိတ်တဲ့
နေ့ရက်တွေဟာ
ငါ့ရဲ့
အရိပ်တွေပါပဲ...
အတိတ်ဆိုတာ
မေ့ပစ်ဖို့
ဖြတ်သန်းခဲ့ရတဲ့
ရှင်သန်မှုတစ်ခု ဖြစ်ခဲ့ရင်
ကောင်းမှာပဲ...
ငါ...
မတောင်းဆိုပါဘူး...
ငါ့ရင်ထဲက
အမြဲနုပျိုနေမယ့်
အမြုတေတစ်ခုဟာ
မင်းရှိရာရပ်ဝန်းတွေဆီမှာ
အမြဲဆွတ်ပြန်.နေမှာပါပဲ...
ရပ်တန့်လို့မရတဲ့
စီးဆင်းမှုတွေနဲ့
ငါဟာ
သူလိုငါလို
မြစ်တစ်စင်းပါ
အချစ်ရယ်..
ခရီးကြမ်းအရှည်ကြီးကို
ဖြတ်သန်းရဦးမယ့်
ငါ့ဘ၀အတွက်
မင်းဟာ..
ငါ ခဏတာခိုလှုံခဲ့ဖူးတဲ့
တောအုပ်လေးအဖြစ်
ငါအမြဲတမ်းတနေမိမှာပါ..
မင်းမသိဘဲ
လွမ်းရတဲ့နေ့ရက်တွေကို
မင်းပေးတဲ့
ဆုလဒ်တွေအဖြစ်
ငါ
ယုယစွာ
မြတ်နိုးနေပါ့မယ်
..
ငါအတွက်တော့
တစ်နေ့နေ့ဆိုတာ
ပြန်လည်ဖူးပွင့်မလာနိုင်တော့တဲ့
ပန်းတစ်ပွင့်
ဖြစ်နေသလား...
ငါကတော့
အားရှိပါးရှိ
ချစ်နေပါတယ်
အချစ်ရယ်....

သားထက် (မုံရွာ)

ဆုတောင်းမယ်

လွမ်းတယ်ဆိုတာ ဘာလဲ...
ကျနော်..အဓိပ္ပာယ် မဖွင့်ရက်ဘူး...
ကျနော့် ရင်ဘတ်ထဲက အလွမ်းတွေ...
ကြေပျက်ကြွေနွမ်းသွားမှာ..စိုးလို့...
မိုးရေစက်တွေနဲ့အတူ
ကျနော် သူမကို သိပ်သိပ်သည်သည်း
သတိရနေမိပါတယ်...
မြတ်နိုးဖွယ်..
သူမအကြည့်ဖြူဖြူလေးက
နွေးထွေးမှုတွေ
ညညတွေဆို...ကျနော့်ဆီ
ယူလာဆဲပါ..
တကူးတက လွမ်းလာတဲ့အခါ
ထုတ်ထုတ်ကြည့်ဖို့
သူမအပြုံးလေးတွေ
ကျနော်နှစ်ပေါင်းများစွာကတည်းက
သိမ်းဆည်းထားခဲ့တာပါ...
အဲဒါကို..
သူငယ်ချင်းတွေက
ရူးတယ်တဲ့
ချစ်သူရေ ...
ဒီ...အရူးက
နင်တစ်ယောက်ထဲကိုပဲ
အရူးအမူးချစ်ရင်း
ရူးခဲ့တာပါလို့
ငါသူတို့ကို
တယုတယပြောခဲ့ဖူးတယ်..
ခုနေချိန်များ
တန်ခိုးရှင်တစ်ပါးရောက်လာပြီး
မောင်အူဝဲ...မင်းလိုရာဆုတောင်းစမ်းပါဆိုရင်
ချစ်သူရေ...
ငါတောင်းမိမှာက
မင်းရဲ့
မြူကင်းစင်တဲ့...
အပြုံးလှလှလေးကိုပါပဲ...
သားထက် (မုံရွာနည်းပညာတက္ကသိုလ်)

ဒိုင်ယာရီ

၁
ရိုးရိုးကျင့် မြင့်မြင့်ကြံ
မှန်ကန်တဲ့ ဝေါဟာရတွေနဲ့
ဘယ်တုန်းကမှ
အထာမကျခဲ့ဖူးတဲ့...လူပါ...
ဆိုးဆိုးဆစ်ဆစ်
ရင်ဘတ်ထဲမှာ
ကိုက်ခဲလာတဲ့အခါ
ကျနော်ကဗျာရေးတယ်...
ညီ, ညီမတွေက
အားကိုးရတဲ့..အကိုကြီး..
မေမေကတော့
လိမ္မာလိုက်တဲ့...သားကြီး..
ချစ်သူတွေကတော့
သစ္စာမရှိတဲ့ အယုတ်တမာကောင်တဲ့...
ပတ်ဝန်းကျင်..
အင်း..ပတ်ဝန်းကျင်ကတော့..
နားနဲ့မဆန့်ဘူး..
ကျနော်....
အားလုံးကို.....
သိမ်းဆည်းမထားတတ်ပါဘူး...
ဘိန်းစားချင်းအတူတူ
တစ်မူး ပိုရှူချင်ကြတာ..
သဘာဝပဲလား..
ပျားသကာလိုချိုတဲ့
မုသားလှလှတွေ
ဈေးကောင်းရနေကြတဲ့ ခေတ်ဆိုတော့..
ကျနော် သူတို့အကြောင်းကို
ခတ်ပေါ့ပေါ့လေးပဲ
တွေးလိုက်တယ်..
ကျနော်ပေးသမျှကိုပဲ
လောကကြီးဆီက
ပြန်ရမှာပဲလေ....
အရေးမကြီးတာနဲ့
အရေးကြီးတာ ရောထွေးနေကြတဲ့
ကမ္ဘာကြီးမှာ စစ်ပွဲတွေဖြစ်တာ
မထူးဆန်းလှပါဘူး..
တစ်ယောက်ခွက်တစ်ယောက် ဖြည့်ရင်း
တစ်ယောက်ကိုတစ်ယောက် ချစ်ကြပါ...တဲ့
ကိုယ့်ကိုယ်ကို တအားချစ်နေတဲ့
လူတွေအတွက်...
ဒီအရေးအသားတွေဟာ..
ကျွဲပါးစောင်းတီးစကားတွေပဲ ဖြစ်မယ်ထင်ရဲ့..
ကျနော်ကတော့
ငါးတွေကို
မျှားလို့ကောင်းနေတုန်းပဲ
ငါးလေးတွေကို
ကျနော်သနားပါတယ်...
ဒါပေမယ့် ငါးမျှားတဲ့
အရသာကိုတော့
ကျနော်နှစ်သက်တတ်ခဲ့တယ်..
ဒါဟာလည်း
ကျနော့်ရဲ့
အမြင်ကတ်စရာ
ယဉ်ကျေးမှုတစ်ခု ဖြစ်မယ်ထင်ရဲ့...။
၂
အနုပညာတစ်ခုအနေနဲ့
လက်ရာမမြောက်ခဲ့ဘူး ဆိုရင်တောင်
မှောင်မိုက်နေရှာတဲ့
ကျနော့်နှလုံးသား
တစ်ထောင့်....တစ်နေရာလေးမှာတော့
ကျနော့်ကိုယ်...ကျနော်...ထွန်းညှိဖို့
ကျနော့် ကဗျာလေးတွေက
တောက်ပ...တည်ရှိနေကြဦးမှာပဲလေ....
ပျောက်ဆုံးသွားတဲ့..တစ်စုံတစ်ရာအတွက်..
ကျနော်ကိုက...အရာရာကို..
မသိသလို နေတတ်ခဲ့ဖို့ကောင်းတာ..
တကယ်တော့...
မနေ့တစ်နေ့က...အကြောင်းတွေပါပဲ..
တွေးတွေးနေမိသမျှ
သတိတရ နေ့ရက်တွေက
မေ့ဖို့မလွယ်ဘူး..
အလွမ်းနဲ့ဖာထေးထားတဲ့...ဒဏ်ရာတွေက
ပြက္ခဒိန်ဟောင်းကို
ပြန်လှည့်ကြည့်မိတိုင်း...
နှလုံးသားကို
ထိခိုက်နာကြင်စေတုန်းပဲ...
ကျနော်ကတော့...ရူးသွပ်စွာ..
ခံစားခဲ့တာပါ..ချစ်သူ...
ကိုယ့်အတတ်နဲ့ကိုယ်
စူးခဲ့သလား..
ကျနော့် အချစ်တွေဟာ
စစ်မရောက်ခင် မြားကုန်ခဲ့ရတယ်..
သူမပြစ်သွားခဲ့တာတော့ မဟုတ်ဘူးပေါ့..
ကျနော်ကိုက..
သူမခြေလှမ်းတွေကို.
မှီအောင်မလိုက်တတ်ခဲ့တာပါ..
ခုတော့...
လျှောက်ရင်း...နင်းနေရတဲ့
ဟောဒီ..လမ်းမကြီးက
အထီးကျန်ဆန်ခြင်းကိုပဲ
အဓိပ္ပာယ်ဖွင့်ဟနေသလိုလို..
မာနတွေနဲ့ လက်စိုနေတဲ့
သူမနှုတ်ခမ်းလှလှတွေထက်
ကျနော့်အချစ်တွေ
ပုန်းခိုလို့ကောင်းနေကြတုန်းပဲ..
သူမမရှိတဲ့
လမ်းမကြီးထက်
ကျနော့်အသက်ရှူသံတွေ
ခြောက်ကပ်အက်ရှနေပါတယ်..
တကယ်တော့
ကျနော်ဟာ..
ကျနော့်အတွက် မထိုက်တန်တဲ့
ပန်းတစ်ပွင့်ကိုမှ..
နမ်းရှိုက်ခွင့် ရချင်ခဲ့တာလေ..
ပန်ဆင်ခွင့်မရှိတဲ့
အိပ်မက်လှလှတွေနဲ့အတူ
ကျနော်သူမကို
တစ်သက်လုံး
သတိရနေမိမှာပါ..
လေလွင့်နှလုံးသားတစ်ခုကို
ထိန်းကျောင်းရင်း
အလွမ်းကဗျာ...ခတ်ရင့်ရင့်တွေ...
ဟောဒီ..လေထုထဲကနေ..
ကျနော် ပစ်လွှင့်လိုက်ပါတယ်...
အခိုက်အတန့်လေးပဲဖြစ်ဖြစ်
..နားစွင့်ပေးပါလား...
...ချစ်သူ....

the end

သားထက် (မုံရွာနည်းပညာတက္ကသိုလ်)

စာရေးဆရာ့သတ္တိ

စာရေးဆရာဆိုသော သတ္တ၀ါကို လူတစ်ချို့က အတင်သေးသည်။မြန်မာပြည်သာမဟုတ်၊အခြားတိုင်းပြည်များတွင်လည်း အထင်သေးသောလူစုရှိသည်။အထင်ကြီးသော အစိတ်အပိုင်းကလည်း မသေးငယ်လှချေ။
အထင်သေးသော အစိတ်အပိုင်းမှ ကဲ့ရဲ့သင်္ဂြိုမှုပြုသည့် အကြောင်းမှာ မထူးဆန်းလှ။မျှော်လင့်ရပေမည်သာ။သို့ရာတွင် အထင်ကြီးသော အစိတ်အပိုင်းကလည်း အန္တရာယ်လာပေးသေးသည်။အထင်ကြီးရာ၌ အထင်ကြီးလွန်းသည့် သဘောသက်ဝင်သည်က ပိုများသည်။အထင်သေးသော အစိတ်အပိုင်းက စာရေးဆရာတွေဟာ လူရှုပ်တွေ၊လူပွေတွေ၊လူ့ဘရုတ်တွေဟု ထင်ကြသည်။အထင်ကြီးသည့် အစိတ်အပိုင်းကလည်း စာရေးဆရာများကို လူတော်များ၊သူတော်ကောင်းများ လေးစားအပ် ကြည်ညိုအပ်သော ပုဂ္ဂိုလ်များဟူ၍ အမျိုးမျိုး ထင်ကြသည်။
ယင်းသို့ အထင်ကြီးလွန်းရာမှ စာရေးဆရာက လူသာမန် ပုဂ္ဂိုလ်တို့ လုပ်သော အလုပ်အကိုင်ကို လုပ်လျှင် ချက်ချင်းအထင်သေးသွားကြသည်။တဖန်လူသာမန်တို့က မလုပ်စကောင်းမပြောစကောင်းဟု မှတ်ယူထားသောအရာကို လုပ်လိုက်ပြောလိုက်လျှင် ချက်ချင်းပင် အထင်အသေးကြီးသေးသွား ကြကုန်၏။
စားရေးဆရာသည် အထင်သေးခြင်းကိုလည်း မမှု အထင်ကြီးခြင်းကိုလည်း ဂရုမပြု၊မှန်သည့်စကားကို ဆို၏။အမှန်တရားကို ဖော်ပြကြ၏။ယင်းသို့ ပြုရာတွင် သတ္တိရှိ၏။ကဲ့ရဲ့လိုသူတို့ အားရအောင်ကဲ့ရဲ့နိုင်သည်။ချီးမွမ်းလိုသူတို့လည်း ချီးမွမ်းကြပါစေလေ။ သူ၌၀တ္တရားကို ကျေပွန်အောင်ဆောင်ရွက်၍ စာပေသစ္စာကို စောင့်၏။စာရေးဆရာ၏ ၀တ္တရားများတွင် အရုပ်ဆိုးသော်လည်း မှန်သောစကားကို ရဲဝံ့စွာဆိုခြင်းသည် အလွန်အရေးကြီးလှပေသည်။ `အရုပ်ဆိုးသော သစ္စာစကား´ သည် အပေါ်ယံရွှေမှုံကြဲသော ညာတာဝါဒ စကားထက် များစွာ ပို၍ အဖိုးတန်ပေရာ ထိုစကားကို ဆိုရဲနိုင်ဘို့သာ လိုအပ်သည်။စာရေးဆရာသည် ထိုလိုအပ်မှုကို ဖြည့်ဆည်းကာ လောကအကျိုးကို ဆောင်ရွက်ရန် ၀တ္တရားကျေပွန်ရပေမည်။
လောကကြီးတစ်ခုလုံး၌ ပိတ်ဖုံးလွှမ်းခြုံလျက်ရှိသည်က အခြားမဟုတ် ညာတာဝါဒပင် ဖြစ်သည်။လူအပေါင်းတို့သည် ညာနေကြသည်၊ညာမှန်းသိလျက်နှင့်ညာနေကြ၏။ညာမှန်းမသိဘဲနှင့်လည်း ညာနေကြ၏။သူတပါးကို ညာကြသည်။ မိမိကိုယ်ကိုလည်း ညာကြသည်။ညာသည့်အချက် ညာသည့်အကြောင်းတို့ကိုပင် ဟုတ်လှမှန်လှပြီဟု ထင်ကြကုန်၏။ ညာမှန်းသိလာသည့်တိုင်အောင်ညာသည်ဟု ဖွင့်မပြောရဲ၊ချောလဲရောထိုင်လိုကြသည်သာတည်း။
အင်ဒါဆင် ပုံပြင်တစ်ပုဒ်တွင် လူညာနှစ်ယောက်က ပလာကို နတ်ဝတ်ပုဆိုးဟုဆိုကာ ဘုရင်အားဆက်ကြ၏။ဘုရင်ကလည်း ပလာသက်သက်မှန်း သိသော်လည်း ဆက်၍ညာ၏။မှူးမတ်တို့က လည်း ၀ိုင်း၍ညာ၏။မိမိတို့စိတ်တွင်း၌ ညာမှန်းသိသော်လည်း ဖွင့်ဟနိုင်စွမ်းသော သတ္တိမရှိကြချေ။တိုင်းသူပြည်သားတို့ကလည်း ဆရာ့ဆရာ သခင့်သခင်တို့ကို လွန်ဆန်၍ မဖွင့်ဟရဲသည့်အလျောက် ဘုရင်ကြီး၏ ပလာပုဆိုးကို လျှာဦးတည့်ရာ ချီးမွှမ်းကြကုန်၏။
ဤသည်တွင် လူတို့၏ မိုက်မဲမှု မူမမှန်မှုတို့ဖြင့် ငြိစွန်းခြင်း ကင်းလျှက်ရှိသော လူမမယ်ကလေး တစ်ယောက်က....´ဘုရင်ကြီး ကိုယ်တုံးလုံး´ဟု ဟစ်အော်ကျေညာလိုက်လေသည်။ထိုအရုပ်ဆိုးသော အမှန်စကား၏ဒဏ်ကို မခံနိုင်ကြသော လူထုကြီးသည် အုတ်အုတ်ကျက်ကျက်ဖြစ်ကာ လူမမယ်၏ စကားအတိုင်း လိုက်နာကြွေးကျော်ကြလေ၏။အရုပ်ဆိုးသော အမှန်စကားသည် ရွှေမှုန်ကြဲသော အညာစကားတွေကို အောင်နိုင်လိုက်လေသည်။
စာရေးဆရာသည်ကား အရုပ်ဆိုးသော အမှန်စကားကို ဟစ်အော်ကြွေးကြော်ရဲသော လူမမယ်ကလေးငယ် ဖြစ်ရပေမည်။
အင်ဒါဆင်ပုံပြင်မှာကဲ့သို့ အရုပ်ဆိုးသော အမှန်စကားက ရုတ်တရက် အောင်နိုင်သည်ဟု မဆိုသာ `ဘုရင်ကြီးကိုယ်တုံးလုံး´ဟု ဟစ်အော်လိုက်သော လူမမယ်ကလေးကို မိဘတို့က ရိုက်နှက်ကောင်းရိုက်နှက်ကြမည်။လူထုက ရဲရဲနှိတ်စက်ကောင်း နှိတ်စက်ကြမည်။အမှန်တရားသည် ရုတ်တရက် အောင်နိုင်ခဲလှသည်။မူမမှန်သော အင်အားစုသည် လောက၌ပို၍ကြီးမား လေရကား ယင်း၏ အနှိတ်အစက်အတိုက်အဖျက်ကို လှိမ့်၍ခံရမည်မှာ မုချပင်။နောက်ဆုံး၌သာ အမှန်တရား၏ အောင်နိုင်ခြင်းသည် ပေါ်ထွန်းလာပေမည်။ထိုနောက်ဆုံးအချိန်အခါတွင် အမှန်တရား၏ စစ်သည်တော် (စာရေးဆရာ) မှာ အသက်နဲ့ကိုယ် တွဲဖက်တည်မြဲနေဦးမည်ဟု မဆိုသာ။
စာရေးဆရာဖြစ်ချင်သူများအား သတိပေးလိုက်ပါသည်။စာရေးဆရာသည် ဘ၀အခြေအနေအားဖြင့် သာမန်ပုဂ္ဂိုလ်မျှသာ ဖြစ်သည်။ ဆိုခဲ့သည့်အတိုင်း အချို့သောသူတို့က အထင်သေးကြသည်၊အထင်ကြီးသူတို့ကလည်း ယင်းအထင်ကြီးမှုဖြင့် စာရေးဆရာကို တနည်းအားဖြင့် ချုတ်ချယ်ထားကြကုန်၏။
စာရေးဆရာဖြစ်ချင်သူသည် စာရေးတတ်ရုံနှင့် ကိစ္စမပြီးမြောက်၊၀တ္ထုကဗျာပေါင်းများစွာ ရေးနိုင်ရုံနှင့်လည်း မပြီးသေး။ လူကြိုက်များနေရုံနှင့်လည်း အောင်မြင်သည် မဆိုသာ။စာရေးဆရာသည် ပျော်တော်ဆက်လည်း မဟုတ်၊ရှေ့ဆောင်လမ်းပြဟု လည်း မဆိုသာ။စာရေးဆရာသည် ညာတာဝါဒကြီးစိုးနေသော လူ့လောက၌ အမှန်တရားကို ရှာဖွေ၍ အမှန်တရားဖက်မှနေလျက် တော်လှန်ပုန်ကန်နေသော စစ်သည်တော်တဦးမျှသာ ဖြစ်သည်။
စာရေးဆရာကို အထင်သေးစရာလည်း မလို၊အထင်ကြီးစရာလည်းမလို။
လူသည် လူဖြစ်၏။နတ်မဟုတ်၊နွားမဟုတ်။လူသည် နတ်သို့ကျင့်၍မဖြစ် နွားသို့ကျင့်၍လည်း မတော်။လူသည် ပုထုဇဉ်ဖြစ်သည်။ လူ၌ရက်စက်မှုရှိသည်နှင့်အမျှ ကြင်နာမှုလည်း ရှိသည်။တကိုယ်ကောင်းစိတ်နဲ့ မျှတသည့်စိတ်သည် တွဲဖက်လျှက် ရှိ၏။ ဥာဏ်အလင်းရောင်နှင့် အမိုက်အမှောင်ယှဉ်လျက်ရှိလေသည်။ပုထုဇဉ်ဖြစ်ပါလျက် အရိယာသိုပြုမူခြင်းသည် ဟန်ဆောင်ခြင်း မျှသာဖြစ်၏။ပုထုဇဉ်သည် မည်သို့ပင် ဟန်ဆောင်စေကာမူ ပုထုဇဉ်၏ နကိုရုပ်ကို ဖျောက်ဖျက်၍မရနိုင်။ဟန်ဆောင်ရုံမျှနှင့် သူတော်စင် မဖြစ်နိုင်ကား ဧကန်ပင်။
စာရေးဆရာသည် လူ့သဘာဝ ကို လေ့လာကျင့်သုံးနေသောပုဂ္ဂိုလ် ဖြစ်သည်။ထို့ကြောင့်လူလိုနေဘို့ အမြဲကြိုးစား၏။လူလိုလိမ္မာ ဘို့ ကြိုးပမ်းသည်။ဟန်ဆောင်မှုကို ရွံရှာသည့်အလျောက် ဟန်ဆောင်သည့်အလုပ် ဟန်ဆောင်သည့် အပြုအမူအပြောအဆ်ိုတို့ကို ရှောင်ရှားသည်။အမှန်ကို အရင်းအတိုင်း ပြောပြတတ်၏။ယင်းသို့ပြောရာ၌ ဟန်ဆောင်သမားတို့၏ အငြိုအငြင်ကို ခံယူရန်အသင့် ရှိသည်။
စာရေးဆရာကို လူထူးလူဆန်းဟု ထင်နေကြသည်။စင်စစ်သော်ကား စာရေးဆရာသည် လူ့သဘာဝနဲ့ ကိုက်ညီအောင် နေသောကြောင့် ရိုးသားသော သူမျှသာ ဖြစ်သည်။သဘာဝကို ဖုံးအုပ်၍ ဟန်ဆောင်မှုမျက်နှာပန်းနှင့် ပြုအမူနေထိုင်သော များလှစွာသော လူယဉ်ကျေး တို့သာလျှင် လူထူးလူဆန်းများ ဖြစ်ကြချေသည်။
ယခုခေတ်၌ ယဉ်ကျေးမှု ဟုခေါ်နေသောအရာတွင် ဟန်ဆောင်မှု မြောက်များစွာ ပါနေသည်ကို သတိပြုမိစေလိုပါသည်။
အမှန်ကို အမှန်အတိုင်း မပြောဝံ့ အမှန်အတိုင်းမလုပ်ဝံ့ဘဲ ညာ၍လှိုင်း၍ နှုတ်ချိုချိုလက်သာသာဖြင့် ပြောဆိုပြုမူနေကြသည်ကိုပင် ယဉ်ကျေးသိမ်မွေ့သည်ဟု ခေါ်ဆိုချီးကျူးကြကုန်၏။
ယဉ်ကျေးမှုအစစ်သည်ကား မေတ္တ၊ကရုဏာ၊မုဒိတာ၊ဥပက္ခာ ဗြဟ္မစိုရ်တရားလေးပါး၌သာ တည်နေကြောင်း စာရေးဆရာသည် သိသည့်အလျောက် စိတ်၌မစ္ဆေရတရားပွားများရင်း နှုတ်ချိုစကားပြောကြားနေသော ဟန်ဆောင်သမား လူယဉ်ကျေးကို မုန်းတီးရွံရှာ၏။အကုသိုလ်တရား၌ ဆိတ်ကွယ်ရာ ဟူ၍ မရှိသည့် အမှန်တရားကို သိသည့်အလျောက် လူတောထဲတွင် သူတော်ကောင်းစကားပြောပြီး ကွယ်ရာ၌ သောင်းကျန်းနေသော လူကြီးလူကောင်းတို့ကို အနူထက်ပင်ရွံရှာပေသည်။လက်တွင် ပုတီးကိုင်၍ နှုတ်က မေတ္တာသုတ်ရွတ်ဆိုလျက် မှတ်၊ခြင်၊ယင်ကလေးကို ပင် မတော်တဆသတ်လိုက်မိရမှာကို ရင်တမမဖြစ်နေသော ပုဂ္ဂိုလ်သည် အမြတ်ကြီးစားကာ ဆင်းရဲသားတို့ကို အမှတ်မထင်သတ်နေချေသည်။ထိုလူယဉ်ကျေး သူတော်စင်ကို စာရေးဆရာ ရယ်သွမ်းသွေး၏။ကိုယ်တွင်း၌ ရာဂစိတ်ပြည်လျံနေသော်လည်း မိမိကိုယ်ကို ရဟန္တာထင်၍ သူတပါးအားလည်း ထင်စေသောပုဂ္ဂိုလ်မျိုးကို စာရေးဆရာက ပြုံး၍ မျက်စောင်းထိုး၏။ ကလောင်နှုင့် အလှည့်ကြုံတိုင်း ကလိသည်။
စာရေးဆရာသည် ပုထုဇဉ်အဖြစ်ကို မရှက်မကြောက်ခံယူသည။ပုထုဇဉ်တို့၏ မိုက်မဲမှုကို ရဲဝံ့စွာ တင်ပြသည်။ပုထုဇဉ်သဘာဝကို မထိမ်မချန် ဖော်ပြသည်။ယင်းသို့ပြုသောကောင်းမှုကြောင့် သူ့အားလူအများက စည်းမဲ့ကမ်းမဲ့သည်ဟု ဆို၏။ဖောက်ပြန်သည်ဟု ကဲ့ရဲ့ကြ၏။
အမှန်တရားကို ထုတ်ဖော်ပြောပြသောကြောင့် ဒဏ်ခတ်ခံရပေါင်း များလှချေပြီ။လူ့သမိုင်းစဉ်တွင် အမှန်တရားကို မထိမ်မချန် မထောက်မညှာ ထုတ်ဖော်ပြောပြရက်သောကြောင့် အမှန်တရားဆေးခါးကြီးကို မမျိုလိုသောလူအများစုက ၀ိုင်းဝန်း၍ ဒဏ်ခတ်ကြလေ၏။
ရှေးဟောင်းခေတ်က ဂရိပညာရှိကြီး ဆိုကရေးတီးသည် အမှန်တရားကို ပြောရဲဆိုရဲ၊ပြောရက်ဆိုရက်သဖြင့် အဆိပ်ကျွေး၍ သတ်ခံရသည်။ခရစ်တော်ကို သေဒဏ်ပေးသော ရောမတရားသူကြီးပိုင်းလိတ်က `အမှန်တရားဆိုတာ ဘာလဲ´ဟု ပြက်ရယ်ပြု မေးလိုက်လေသည်။
ဘ၀၏အခြင်းအရာကို ရဲဝံ့စွာ တင်ပြကာ မိမိ၏ရိုးသားတော်မှန်သော ထင်မြင်ချက်တို့ကို ထုတ်ဖော်ပြောဆိုရဲသော စာရေးဆရာသည်ပရိတ်သတ်အကြိုက် မလိုက်ပေ။ယင်းသို့မှ ပရိတ်သတ်က သူ့အကြိုက်လိုကက်၍ဖတ်လာကြလျှင် ၀မ်းမြောက်သည်။မကြိုက်ဘဲသူ့ကို ရှုတ်ချအပြစ်တင်ကြလျင်လည်း သူက တွန့်ဆုတ်ခြင်းမရှိ။အရုပ်ဆိုးသော အမှန်တရားကို
တင်ပြမြဲ တင်ပြလျှက် ရှိပေ၏။သူသေပြီးနောက် အတန်ကြာမှ ပရိတ်သတတ်က လက်ခံလာကြသည့် ဥဒါဟရုဏ်များလည်း ကမ္ဘာစာပေသမိုင်းတွင် ကြုံတွေ့ရတတ်ပါသည်။
လူအများဟုတ်လှပြီထင်သော သမားရိုးကျ အလေ့အထအတွေးအခေါ်တို့ကို တော်လှန်သည့် အမှန်တရားဘက်တော်သား စာရေးဆရာများပေါများလာရေးသည် အရေးကြီးလှပေသည်။ထိုလူများသည် ပရိတ်သတ်၏ကဲ့ရဲ့ရှုတ်ချမှုကို အလူးအလဲခံကြရမည်မှာ မုချပင်။သို့ရာတွင် စာရေးဆရာ့သတ္တိနှင့် အမှန်တရားကို အမိုက်ခံ၍ ဖော်ပြနိုင်ကြဖို့လိုသည်။

ဆရာကြီးတက်တိုးရဲ့ ၁၉၆၅ခုနှစ်ကထုတ်တဲ့ ရွှေစင်နှင်းဆီစာအုပ်ထဲက ဆောင်းပါးလေးကို မျှဝေလိုက်ပါတယ်
အမှန်တရားတွေကို မြတ်နိုးတတ်ပါစေ လက်ခံရဲပါစေ...
သမိုင်းကို ဖုံးကွယ်ထားရင် အနာဂတ်ကို သစ္စာဖောက်ရာရောက်တယ်...(ဆရာအောင်သင်း)
အမှန်တရားကို ဖုံးကွယ်ထားရင် ပညာကိုသစ္စာဖောက်တာပဲ.. (ဆရာအော်ပီကျယ်)

သားထက် (မုံရွာနည်းပညာတက္ကသိုလ်)

ငပေ..ငတေ..မောင်တေလေ....

ကောင်မစုတ်လေးရေ...
ငါက
ခတ်ပေပေ နေတတ်ခဲ့တဲ့
အညတရ တေလေတစ်ယောက်ပါ...
ဟောဒီ..ညစ်စုတ်စုတ် ကောင်က..
အသစ်တွေကိုမှ
ခဏခဏ ခုံမင်တတ်သေးသတဲ့..
ကျေးဇူးပြုပြီး
ငါ့ကို မယုံပါနဲ့..
ငါက လူဆိုးလေးတစ်ယောက်ပါကွယ့်...
အဲဒါကြောင့်ပဲ
အချစ်ဆိုတဲ့ စိတ္တဇပစ္စည်းကို
မှတ်မှတ်ရရ
ချောင်ထိုးထားတယ်..
ဆောရီးပဲကောင်မစုတ်မလေးရေ
ငါ..မင်းကို...
ယောင်ယမ်းပြီးချစ်မ်ိလိုက်တာလား...။
ထားလိုက်ပါလေ
အချစ်ဆိုတာ
တခါတခါကျတော့
ဟောင်းနွမ်းဆွေးမြေ့လွယ်တတ်သလားပဲ..
ငါကတော့
အရာရာတိုင်းအတွက်
ရေကုန်ရေခမ်း
ကြိုးပမ်းခဲ့တာပါ...
ဒါပေမယ့်
တချို့လူတွေက
ဆန်ကုန်မြေလေးလို့
လက်ညှိုးတွေထိုးနေကြတုန်းပဲ..
အရှုံးတွေနဲ့
လေ့ကျင့်ခဲ့ရတဲ့
သင်ခန်းစာတွေအတွက်
ငါ..သူတို့ကို..
ရိုးရိုးလေးပဲ ပြုံးပြလိုက်တယ်..
ဘာပဲပြောပြော
ပိုက်ဆံတွေက
သုံးလို့ ကောင်းနေကြတုန်းပဲလေ..
အဲင်္ဒီတော့..ငါလည်း...
ရှာဆဲ...ရုန်းဆဲပေါ့..
ငါ့ဘ၀နဲ့...ငါ..
ငါ့ဒဿနနဲ့..ငါ..
ငါ့အထာနဲ့..ငါ..ပါ..
ပြုံးပြတော့ (၇)ရက်
ရယ်ပြကြတော့လည်း (၇)ရက်ပါပဲ..
ခတ်တုံးတုံး အိပ်မက်တွေ
ဆုံးရှုံးသွားလို့
ချုံးပွဲချ ငိုကြွေးနေတဲ့
အရည်မရ အဖတ်မရ လူတချို့ကိုတော့
ငါ..မသိချင်ယောင်ဆောင်ထားတယ်...
မှောင်တော့မယ်...
...မှောင်တော့မယ်လေ.....
ခုတောင်..
နေ့တစ်ဝက်ကျိုးလုပေါ့...
သမုဒယတွေနဲ့
မူးယစ်ဆွံ့အနေတဲ့ တေလေတစ်ကောင်လေ..
တကယ်တော့ ..ငါဟာ...
ဟုတ်ချင်ယောင်ဆောင်နေတဲ့
အပုတ်ကောင်တစ်ကောင်ပါပဲ..
ဆုတွေလည်း..မတောင်းချင်တော့ပါဘူး..
နောက်ဆုံးတော့
ငါ့ ပဲ့တင်သံတွေကိုပဲ
ငါ ပြန်ကြားရမယ်ဆိုတာ
သိနေခဲ့ပြီပဲလေ...
ဒါပေမယ့်...
ဒါပေမယ့်ပေါ့..
ကောင်မစုတ်လေးရေ...
တယုတယ...
စိုက်ပျိုးခဲ့သမျှအတွက်..
ညအခါ လင်းလက်လာမယ့်..
ကြယ်ရောင်လရောင်လေးတွေကိုတော့..
ငါ....
မသိဆိုးရွားစွာ..
တမ်းတနေတတ်တုန်းပဲလေ....

သားထက် (မုံရွာ နည်းပညာတက္ကသိုလ်)

သင်ခန်းစာ `ထ´

ထိပ်ထားရေ..
ဆိတ်ဆိတ်လေးနေခဲ့ပေမယ့်
မြိုသိပ်မှုတွေ ရင်နဲ့မဆန့်ဘူး
ထွက်ပေါက်မဲ့နှလုံးသားက
ထိန်းသိမ်းဖို့ခက်ခဲလွန်းရဲ့...
ကျနော်ကိုယ်တိုင် ထုဆစ်ခဲ့တဲ့
အချစ်ဆိုတဲ့ ပန်းပုရုပ်ကလေးက
သူထားရာမှာနေ သူစေရာသွားဖို့
အဆင်သင့်ပါပဲ...
ထူးဆန်းတယ် အချစ်မှာမျက်စိမရှိဘူးတဲ့
ထူးဆန်းတယ် အချစ်မှာဦးနှောက်လဲမရှိဘူးတဲ့
ထွင်းဖောက်မြင်နေခဲ့ပါရက်နဲ့
ရင်ထဲကအချစ်တွေ သူလစ်လျူရှုရက်တယ်
ချစ်သူရေ...
အရှုံးပေးခဲ့သူမို့ စစ်ကူမလိုပါဘူး...
ကျနော့်နှလုံးသားက ထူးခတ်ပြီးသားပ
နှုတ်မဆက်ခဲ့ပါဘူး တိတ်ဆိတ်စွာပဲ
သူမရှိရာရပ်ဝန်းကနေ ကျနော်ထွက်ခွာခဲ့တယ်
ထုံထိုင်းနေတဲ့ညနေတွေ ထမ်းပိုးရင်း
ထီမထင်တဲ့အပြုံးကို မျက်နှာမှာချိတ်ဆွဲ
ထွန်းလင်းခွင့်မရှိတဲ့ညတွေဆီက
ကျနော်ပြန်ခဲ့ပါပြီ...
ဒါပေမယ့်လည်း..
ရင်ဘတ်ထဲထိုးသိပ်ထည့်ထားတဲ့ အလွမ်းတွေနဲ့
နင့်ကိုငါ တမ်းတမ်းတတ သတိရနေဆဲပါ
ထွက်ခွာခဲ့တာတော့ အဝေးဆုံးကိုပါ
အလိုက်မသိတဲ့ နှလုံးသားတွေက
နင့်ရဲ့မျက်ဝန်းကွန်ယက်တွေဆီက ရုန်းမထွက်နိုင်ခဲ့ဘူးလေ
ထူးထူးခြားခြား သတိရမိတဲ့ အခါတွေဆို ကဗျာတွေကိုပဲရေးတယ်
ထီးသုံးနန်းသုံးစကားနဲ့ ဆရာတာရာမင်းဝေလို ရေးရရင်
နင့်ကိုချစ်ခဲ့တဲ့ အချစ်တွေကို
ရွှေပေလွှာစာစီကုံး နန်းသုံးပေပုရပိုဒ်မှာ
ရာဇ၀င်တွင်ရစ်အောင် ပေထက်အက္ခရာတင်ချင်စမ်းရဲ့....
သြော်..ထိပ်ထားရေ....ဒီဘ၀တော့ဒီမျှပဲထင်ပါတယ်
လောကကြီးထဲ အချစ်မပါပဲ ရှင်သန်နေရတာဖြင့်
မောပန်းလွန်းပါရဲ့ကွယ်...
အဲဒီလိုနဲ့ ဘ၀နွေခေါင်ခေါင်မှာ
ထီးမဆောင်းပဲ လျှောက်ခဲ့ရတဲ့ကောင်လေ
မိုးဗြဲဒယ်လို လောကပြဲပြဲကြီးထဲ
လောကဓံယောင်းမကြီးတွေနဲ့ ထိုးနှက်ခံရဖန်များလို့
ဘ၀ကလည်း စေးကပ်ကပ်နိုင်ခဲ့ပါပြီ
ခဏခဏထစ်ချုန်းနေတဲ့ မိုးကြိုးမုန်တိုင်းတွေကြား
ဘ၀က ဘယ်တုန်းကမှ အထာမကျခဲ့ဘူး
ထိန်းထိန်းသိမ်းသိမ်းနေတတ်ဖို့ လေ့ကျင့်ခဲ့ပါရက်နဲ့
ဘ၀ကခုထိ ဖရိုဖရဲပါပဲ
ထူးထူးခြားခြားမရှိလှတဲ့ နိစ္စဓူဝနေ့တွေ ဖြတ်သန်းရင်း
ထိတ်လန့်တတ် တဲ့ ငယ်ဘ၀တွေကျော်ခဲ့တာကြာပေါ့
လူတွေကတော့ ကိုယ့်ထမင်းကိုယ်စားပြီး
သူများအတင်းတွေပြောလို့ကောင်းကြတုန်း
အပြုံးတွေထပ်တူကျမဲ့နေ့ကို စောင့်ရင်း
ကမ္ဘာကြီးကလည်း တဖြေးဖြေးရင့်ရော်ယိုရွဲလို့
မနက်ဖြန်ပေါင်းများစွာအတွက် မသေချာမယေရာတဲ့ ထီကိုထိုးရင်း
အဖိုးအဖွားတွေဖြစ်မှန်းမသိ ဖြစ်ခဲ့ကြပြီ....
ထစ်ချုန်းနေတဲ့မိုးကြိုးတွေကြား မိုက်လို့ကောင်းကြတုန်းပ
ထိုက်တန်တဲ့ ဆုလဒ်တွေဟာ
ထိုက်ထိုက်တန်တန်ကြိုးစားသူတွေ အတွက်ပဲဖြစ်လိမ့်မယ်
လိုက်လေလွဲလေ လောဘတရားတွေက အထိုက်အလျှောက်ပဲကောင်းပါတယ်
တောင်းတိုင်းပေးရင် ကန်းတက်လွန်းတဲ့ လူတွေကြောင့်
လောကကြီးကလည်းတောင်းတိုင်းမပေးတော့ဘူးတဲ့
ပြောင်းလဲတတ်လွန်းတဲ့ စကြာဝဠာကြီးထဲ
အရာရာဟာဟောင်းနွမ်းဆွေးမြေ့နေလေရဲ့
ထောင်းထောင်းထအောင် ဘ၀ကိုရှိုက်ဖွာရင်း
အလွမ်းနဲ့ဖွဲ့တည်ထားတဲ့ ညနေခင်းတွေမှာ
တိမ်တိုက်နီနီတွေကိုငေးကြည့်
မထီတရီပဲ ကောင်းကင်ကြီးကိုပြုံးပြမိပါရဲ့
ဒါတွေအားလုံးဟာ ထန်းသီးကြွေခိုက်ကျီင်္းနင်းခိုက်တဲ့လား
စမ်းတ၀ါးဝါးလျှောက်နေရတဲ့ဘ၀ ဘာကိုမှမတွေးဆချင်တော့ဘူး
ဘယ်သူတွေက ပိုပြီးထက်မြက်သလဲ
ကိုယ့်ဓားကိုယ်သွေးခဲ့ကြတာပဲလေ.....
ဦးနှောက်တွေထက်မြက်လာသလောက်
အသိတရားတွေ ဒီဂရီလွန်အောင်ထုံထိုင်းနေတဲ့ခေတ်
ဘာပဲဖြစ်ဖြစ် ကိုယ့်ထမင်းပွဲလေးစိုပြေဖို့အတွက်
သူတပါးရဲ့ထမင်းပွဲလေးတွေကိုတော့ မဖျက်ဆီးသင့်ဘူးပေါ့
လူတွေက ကိုယ့်တံတွေးခွက်မှာကိုယ်
ပက်လက်မျောရမှာတောင် မရှက်ကြတော့ဘူးတဲ့လား
ထုံးလိုကြေရေလိုနှောက်
ထက်ထက်မြက်မြက်သင်ထားတဲ့အတတ်ပညာတွေနဲ့
ခေတ်ဆန်ဆန် ရိုင်းပြနေလိုက်ကြပုံများ
တိရစ္ဆာန်တွေတောင် ငိုချင်းချလောက်ရဲ့
အနှစ်မရှိပါဘူး
ပြိုင်ဆိုင်ခြင်းတွေ တက်မက်ခြင်းတွေပဲအပြည့်အနက်
တိုးတက်လွန်းတဲ့အိုင်တီခေတ်ကြီးထဲ လူဖြစ်ရတာထက်
ဝန်ကြီးပဒေသရာဇာရဲ့ ကဗျာထဲက
ထန်းတက်သမားလေးဘ၀က ပိုအေးချမ်းမယ်ထင်ရဲ့
ရက်စက်မှုတွေရဲ့ အဝေး.....လိမ်ညာမှုတွေရဲ့အဝေး.....
တကိုယ်ကောင်းဆန်မှုတွေရဲ့ အဝေး......
...................
.................................
ရိုးသားခြင်းကို နှလုံးသားမှာ ထွင်းခတ်
ကျနော် ပြတ်သားစွာ ထွက်ခွာသွားချင်ပါရဲ့....
ရိုးသားတဲ့ဒေသမှာ ရိုးသားတဲ့လူသားတစ်ယောက်အဖြစ်
ရိုးသားစွာရှင်သန်ချင်ပါသေးရဲ့...
မနက်ဖြန်
ထီပေါက်ခဲ့ရင် အိမ်ဝယ်မယ်........
ထီပေါက်ခဲ့ရင် ကားဝယ်မယ်.....
ထီပေါက်ခဲ့ရင် အိမ်ထောင်ပြုမယ်....
ထီပေါက်ခဲ့ရင် အလှူပေးမယ်...
.......................
.................................
လူတွေကတော့ ထီတွေထိုးကြတုန်း..
စိတ်ကူးတွေယာဉ်ကြတုန်း....
ကမ္ဘာကြီးက လည်နေတုန်း.....
သံသရာကြီးက လည်နေတုန်း.....
ထီးထီးမားမားကြီး သူတို့ရှေ့ရပ်နေခဲ့တဲ့ သေမင်းကို
သူတို့မမြင်နိုင်ခဲ့ကြဘူးလေ........

သားထက် (မုံရွာနည်းပညာတက္ကသိုလ်)

သင်ခန်းစာ `တ´

တိမ်တွေကြား
လှပစွာ လင်းပနေတဲ့ လမင်းရယ်..
တွယ်တာတတ်တဲ့ သံယောဇဉ်နဲ့
နှလုံးသားကို အထပ်ထပ် ရစ်ပတ်နှောင်ဖွဲ့
သူမဟာ ကျနော်တိုးတိတ်စွာ ချစ်ခဲ့ရသူပါ....
တမ်းတလိုက်တိုင်း....
ရင်ထဲအမြဲလန်းလာတတ်တဲ့ ပန်းကလေးတစ်ပွင့်ပါပဲ..
တေးသွားတွေ တစ်ပုဒ်ပြီးတစ်ပုဒ်..
သူမအတွက် ကျနော်ရေးခြစ်ခဲ့
နောက်ဆုံးဒီလိုနဲ့ပဲ ....ဝေးရမယ်ထင်ရဲ့
မထိုက်တန်ပါဘူး ချစ်သူ...
သိမ်ငယ်စိတ်နဲ့....ကျနော်....
နေ့ပေါင်းများစွာ မြိုသိပ်ခဲ့တယ်..
ဘ၀ရဲ့လမ်းကလည်း တောင်တန်းတွေ အထပ်ထပ်
တာအထွက်မှာ ခဏခဏ မှောက်လျက်လဲကျခဲ့တဲ့
အပြေးသမား တစ်ယောက်လို..
ဘ၀က ဒဏ်ရာဗရပွနဲ့ပါ....
တောအုပ်တွေ တစ်ခုပြီးတစ်ခု ဖြတ်ခဲ့ပေမယ့်
ကျနော်ကတော့ မြို့ပြတွေနဲ့ ဝေးနေဆဲ..
အညာက တမာတန်းလေးကိုလွမ်းတယ်..
မေမေ့ကို လွမ်းတယ်...
တောရွာသေးသေးကလေးဆီက မိသားစုလေးကိုလွမ်းတယ်..
လူတွေကမလွယ်ပါဘူးကွာ.....တဲ့
တွေးတွေးဆဆ ပြောခဲ့ဖူးတဲ့
ငယ်သူငယ်ချင်းတစ်ယောက်ကိုလည်းလွမ်းတယ်.....
တိုးတက်ချင်လွန်းလို့ဆိုပြီး..ရင်နာစွာနဲ့
ကျေးလက်ကို ကျောခိုင်းခဲ့တဲ့..မေမေ့သား ကျနော်ပါ
တံတိုင်းတွေ အထပ်ထပ်ကာထားတဲ့ မြို့တော်ဆီ လာခဲ့တယ်
မာယာတွေနဲ့ စည်ကားနေတဲ့ မြို့တော်ဆီကိုလေ...
တောသားတစ်ယောက်အတွက် မတူမတန်ပါဘူးတဲ့..
တီးတိုးသံတွေ ကြားနေပေမယ့်..
ကျနော်က...အဲဒီတောင်တန်းကြီးတွေထက်...
မြင့်မားအောင် ပျံသန်းချင်ခဲ့တယ်..
တောင့်တတိုင်း ပြည့်စုံရအောင်ကလည်း
ကမ္ဘာကြီးဟာ မီးခွက်စောင့်တဲ့ နတ်ဘီလူးတစ်ကောင်မဟုတ်ခဲ့..
ဘာကြောင့် တစ်ယောက်ကို တစ်ယောက် တုတ်နှောင်ချင်ခဲ့ကြတာလဲ..
ကျနော် မစဉ်းစားချင်တော့ဘူး..
တကယ်တော့...
ဘယ်သူ့ `အတင်း´ ကိုမှ မပြောချင်သလို
ကိုယ့် `အတင်း´ကိုလည်း မပြောချင်ဘူး..
တိုက်တိုက်ဆိုင်ဆိုင် မိုက်မဲခဲ့သမျှအတွက်..
ထိုက်ထိုက်တန်တန် အရိုက်ခံလိုက်ပါမယ်..
ဘယ်သူတွေဘာပြောပြော ကျနော်ကတော့ လှော်ခတ်နေဆဲပါ..
တစ်ဖက်တည်းနဲ့ လှော်လို့မရောက်ရင်..
လက်နှစ်ဖက်နဲ့ လှော်မယ်..အဲဒါမှ မရောက်သေးဘူးဆိုလည်း
ခြေရောလက်ရော လှော်မယ်...
တေလေတစ်ယောက်လိုပဲ ကျနော် ရိုးသားစွာ စီးဆင်းခဲ့တယ်..
ကံ၊ဥာဏ်၊၀ိရိယတဲ့...တူရွင်းသုံးလက်နဲ့
တတ်သလောက်မှတ်သလောက် ဘ၀ကို တူးဆွနေဆဲပါ..
အလည်လွန်နေတဲ့ ရတနာတွေလေ
ထိတ်ထိတ်လန့်လန့် မျှော်လင့်နေရှာတဲ့
ကျနော်အိတ်ကလေးထဲ ခုထိေ၇ာက်မလာကြသေးပါ...
အသားမာတွေတက်နေတဲ့ ကျနော့်လက်ဖ၀ါးတွေကလည်း
ဘယ်သူ့အတွက်မှ ရင်ခုန်ချင်စရာ မကောင်းခဲ့ဘူး..
ဒီလိုနဲ့....သူမနဲ့ ကျနော့်ကြား
ချောက်ကမ်းပါးတွေ အထပ်ထပ်ခြားခဲ့တယ်..
တံတားတွေ တစ်စင်းပြီးတစ်စင်းခင်းပြီးမှ
တကူးတက ဖြတ်သန်းရမယ့်လမ်းမို့...
ချစ်သူကို လက်မကမ်းရက်တော့ပါဘူး..
တောက်တီးတောက်တဲ့ ကျနော့်ဘ၀လေးထဲကို
မခိုလှုံချင်ပါနဲ့ဦးကွယ်.....
တနွေလုံး ငိုကြွေးခဲ့တဲ့ နှလုံးသားကမျက်ရည်တွေနဲ့ရင်းပြီး
ချစ်သူအတွက် ပန်းတစ်ခင်း ကျနော်ပျိုးထားပါတယ်..
တစ်ဘ၀စာအတွက် ချစ်သက်လက်ဆောင်ပါပဲ ချစ်သူရယ်...
ကျနော်ပေးခဲ့ဖူးတဲ့ လက်ဆောင်တွေက
တန်ဖိုးနည်းခဲ့တယ်ဆိုပေမယ့်
ချစ်သူသာ တန်ဖိုးထားတတ်ရင် အဖိုးဖြတ်လို့မရပါဘူးကွယ်...
သူမရဲ့အလှမှာ
တောက်တဲ့တစ်ကောင်လို တွယ်ကပ်နေခဲ့တဲ့ စွဲလန်းခြင်းတွေနဲ့
ကျနော်သက္ကရာဇ်များစွာ အိပ်မောကျခဲ့ပါတယ်..
ခုတော့လည်း အချစ်ဆိုတဲ့
တံဇဉ်ကလေးတစ်လက်နဲ့ပဲ....
သူမဆီထားခဲ့တဲ့ မျှော်လင့်ချက်အားလုံးကို
ရိပ်သိမ်းနိုင်လိုက်ပါပြီ..
တောင်ကျချောင်းကလေး စီးဆင်းရာ...
တောပန်းလေးတွေ ပျော်ပါးရာ...
တောင်တန်းပြာလေးတွေ ကျက်စားရာ...
ငြိမ်းချမ်းလှပတဲ့ ဒေသလေးမှာပဲ
အတွယ်တာမဲ့လူသားတစ်ယောက်အဖြစ်
ငါတမ်းတမိပါရဲ့

သားထက် (မုံရွာ နည်းပညာတက္ကသိုလ်)

သင်ခန်းစာ `ည´

ည´က
ညာသံမပေးပါဘူး...
သို့သော် ကျနော်ရင်ဘတ်ဆီ
ငြိမ့်ငြောင်းစွာပင် စီးဆင်းခဲ့တယ်...
ညောင်းညာကိုက်ခဲနေတဲ့ နှလုံးသားလေ
ညနဲ့အတူ အတိတ်တွေဆီ လွင့်ဝေသွားရဲ့
ညိုလွင်တောက်ပတဲ့ ညနေခင်းတွေမှာ
ညာတာပါတေးချစ်သူလေးနဲ့
အညောင်းပြေအညာပြေတဲ့..
တေးတွေဆိုရင်း လျှောက်ခဲ့ဖူးရဲ့...
ညံ့သက်နွေးထွေးတဲ့ အကြင်နာတွေဟာ..
တစ်သက်စာလုံးအတွက်ဆိုပြီး..
မျှော်လင့်ချက်တွေနဲ့ အချစ်ညီမျှချင်းအချစ်ဆိုပြီး
ကြီးကြီးကျယ်ကျယ်ရူးသွပ်ခဲ့ဖူးရဲ့...
ညီညာတဲ့ သွားစွယ်ဖွေးဖွေးလေးတွေလေးတွေနဲ့
ငါ့နှလုံးသားကို ခဏခဏကိုက်ဆွဲတတ်တဲ့ ညီမလေးရေ..
ညွှတ်ပြောင်းနူးညံ့လွန်းတဲ့ ရင်ထဲကချစ်ခြင်းတွေဟာ..
ခင်ဗျားလေးတစ်ယောက်ထဲအတွက်ဆိုပြီး
အသည်းကြားကလာတဲ့အသံနဲ့...နှလုံးသားကိုပဲ့တင်ထပ်ခဲ့
ဒါပေမယ့်....အားလုံး ညာစားခံခဲ့ရတယ်..
ငါညံ့ခဲ့တယ်ပေါ့.....ဂွတ်ဘိုင်ဟန်နီ..
ခဏခဏထိုးနှက်ခံရဖန်များလို့ အညိုအမဲတွေစွဲနေတဲ့
နှလုံးသားကို အမှတ်တရ သိမ်းဆည်းထားရင်း
ဘ၀ဆိုတဲ့ အိပ်မက်ထဲကို ကျနော်ခုန်ဆင်းခဲ့တယ်..
ညင်းသိုးသိုးဆံပင်ရှည်တွေနဲ့ ဘ၀ကို ဖားလျားချ ပစ်ခဲ့ဖူးရဲ့..
ကဗျာဆရာတစ်ယောက်ရဲ့ လွတ်လပ်မှုဟာ
ကမ္ဘာကြီးကို ညစ်ညမ်းစေသတဲ့လားဗျာ
အဲဒါဆိုရင်လည်း ကမ္ဘာမှာရှိသမျှကဗျာဆရာတွေရဲ့ကိုယ်စား
လောကကြီးကို ဆောရီးပါ..
တောမှာကြီးပြင်းခဲ့ရတဲ့ ပန်းပွင့်တွေ တော်ဝင်နန်းမထိုက်ခဲ့တာ မဆန်းပါဘူး
ကျနော်နမ်းမိခဲ့သမျှပန်းပွင့်တွေနဲ့ပဲ ကျနော်အဆိပ်သင့်ခဲ့ရတာပါ..
ညစ်တီးညစ်ပတ်လောကကြီးကိုတော့
ကျနော်တခါတခါ ညစ်ကျယ်ကျယ်ပဲ တုန့်ပြန်ပါသည်...
ညောင်ပင်တစ္ဆေဝေလေလေ....
တေလေငှက်တစ်ကောင်လို ကြုံရာကိုင်းမှာ နားခဲ့ဖူးရဲ့..
ဘ၀က ခါးတယ်လို့တော့ မငြီးငြူချင်တော့ဘူး..
အဆင်မပြေတိုင်းသာ ငြီးတွားရမယ်ဆိုရင်
ကမ္ဘာကြီး နားကွဲသွားလောက်ရဲ့..
ညမွှေးပန်းတွေက ညမှာမွှေးကြတယ်တဲ့
ကျနော့်ကဗျာတွေကလည်း လူတွေအိပ်မောကျချိုန်မှ
ရှင်သန်နိုးထခွင့်ရကြတယ်..
မဆင်မခြင် ကျနော် ခဏခဏမှားတတ်တုန်းပါပဲ..
အဲဒီဥာဉ်ဆိုးလေးကလည်း ကြာလာတော့
ကျနော့်ရဲ့အမှတ်အသားတစ်ခု ဖြစ်ခဲ့ပေါ့..
ငယ်ငယ်ကလို ညအခါလသာသာဆိုပြီး
လသာတိုင်း တေးတကြော်ကြော်မအော်တော့ပါဘူး..
ဒါပေမယ့် လရောင်ရေးရေးအောက်မှာ
ကျနော်ခဏခဏဆွေးတတ်ခဲ့ပြီလေ..
ထားလိုက်ပါတော့ကွာ..ညီညွတ်ခြင်းသည် အင်အားတဲ့
သူငယ်ချင်း မင်းနဲ့ငါရန်မဖြစ်ချင်တော့ဘူး..
ခန်းခြောက်နေတဲ့ ညောင်ရေအိုးလေးကို ရေဖြည့်ကြမယ်..
ပြီးတော့ ပန်းတွေကို ညင်သာစွာစိုက်ပျိုးကြမယ်..
ရိုးသားခြင်းကို အဆိတ်ခတ်ခဲ့တဲ့ သက္ကရာဇ်တွေကို ငါတို့ ဖြိုပစ်ကြပါစို့..
ထားခဲ့လိုက်ပါတော့ သူငယ်ချင်းရယ်..
အဲဒီညနက်နက်တွေထဲမှာ ဘာတက်မက်စရာမှ မရှိပါဘူး..
ငြိမ့်ငြောင်းသာယာတဲ့ ဂီတသံတွေရှိရာ တို့သွားကြမယ်
ကျနော်တို့မေ့လျှော့နေခဲ့တဲ့ ပျော်ရွှင်မှုဟာ
ခုပဲကျနော်တို့ဆီကို `လ´ရထားကိုစီးပြီးလာနေခဲ့ပြီ..
အားတင်းထားလိုက်စမ်းပါ ဒုက္ခဟာရောဂါသည်တစ်ယောက်လို
ညောင်နာနာထွက်သွားတာကို တို့မြင်ရတော့မယ်လေ..
ညံဖျင်းမှုဆိုတာ ၀ိရိယမရှိသူတွေနဲ့ မစဉ်းစားမဆင်ခြင်သူတွေရဲ့`
စုတ်ချာနေတဲ့ နံနက်စာဖြစ်သတဲ့..
ကျနော်တို့ကိုညံ့တယ်လို့ ၀ိုင်းထိုးနေတဲ့ လက်ညှိုးတွေအောက်မှာပဲ
မင်းနဲ့ငါ မညံ့ဘူးဆိုတာကို ယုံကြည်လိုက်ကြရအောင်..
ကိုယ်ပိုင်အလင်းနဲ့တောက်ပခွင့်တွေနည်းခဲ့တာ ၀န်ခံပါတယ်..
ဒါပေမယ့်  `လ´တစ်စင်းလို နေမင်းဆီက ညှိယူပြီးလင်းလက်သလိုမျိုး
တို့မှာ မျှဝေလင်းလက်ဖ်ို့ အားတွေရှိတယ်..
ဒါဟာမှီခို ပျော့ညံ့မှုမဟုတ်ဘူးလေ..
ကိုယ်သမိုင်းကိုရေးပြီး ကိုယ့်ဝန်းကျင်ကိုယ်လင်းလက်ကြပါစို့
တတိယကမ္ဘာကြီးရဲ့ အကြီးကျယ်ဆုံးလက်နက်က ပညာဆိုပဲ..
ထင်၇ာစိုင်းနေတဲ့ တို့စိတ်တွေ အိပ်မွေ့ချကြမယ်..
ူ့လှပတဲ့ အနာဂတ်ဟာ ဆည်းလည်းသံတွေနဲ့အတူ
ကျနော်တို့ဆီလာနေခဲ့ပြီ

သားထက် (မုံရွာနည်းပညာတက္ကသိုလ်)