ဘ၀ဆိုတဲ့
ကျောပြင်မှာ
အရှိုးရာတွေ အပြည့်
လောကဓံတရားက
ကျောသား ရင်သား
အခွဲခြားဘူး ဆိုပဲ...။
ရိုးရိုးသားသား
လုပ်စားသူတွေနဲ့
မရိုးမသား
လုပ်စားသူတွေ...
ရန်သူလား
မိတ်ဆွေလား
ကမ်းလာတဲ့လက်မှာ
အဆိပ်တွေနဲ့
နှုတ်ခမ်းပါးပါးမှာ
ဓားသွားတွေနဲ့
ပြုံးထားတဲ့ မျက်လုံးမှာ
အမုန်းခိုးတွေ ဝေနေတယ်....။
ရန်သူလည်း
မဟုတ်ဘူး..
မိတ်ဆွေလည်း
မဟုတ်ဘူး..
ငါတို့ဟာ
တစ်လမ်းထဲလျှောက်ကြရမယ့်
ခရီးသွားများပ....
တချို့က
တဘ၀စာလုံးရင်းပြီး
သူတပါးအတွက်
လမ်းတွေခင်းလို့..
တချို့က
သူတို့ တစ်ဘ၀စာအတွက်
သူတပါးတွေကို
လမ်းလိုနင်းလို့....
ကိုယ့်သမိုင်းကို တွေးရင်း...
ကိုယ့်သမိုင်းကို ရေးရင်းပေါ့...
တာဝန်သိဖို့တော့ လိုတယ်
မတောင်းဘဲ
ပေးအပ်ပြီးသား တာဝန်...
မပေးဘဲ
ယူတတ်ရမယ့် တာဝန်...
မပြောဘဲ
သိတတ်ရမယ့် တာဝန်...
တိုးတက်ဖို့..
အောင်မြင်ဖို့...
မြင့်မြတ်ဖို့...
အေးချမ်းဖို့...
နိုင်ငံအတွက်...
လူမျိုးအတွက်..
ဘာသာအတွက်..
လောကအတွက်...
ငါတို့ အားလုံးမှာ
တာဝန်တွေ ရှိတယ်...။
တခြားသူတွေရဲ့ ဒုက္ခကို
လက်ပိုက်ကြည့်နေတဲ့
မင်းဆီ..
အဲဒီဒုက္ခတွေ
အနှေးနဲ့ အမြန်ရောက်လာမယ်ဆိုတာ
မင်း မမေ့ပါနဲ့...
မင်းသိရဲ့လား
ငါတို့မှာ
တာဝန်တွေ ရှိတယ်.......
သားထက် (မုံရွာ)
No comments:
Post a Comment