သူရဲကောင်း စစ်စစ်များ
ညီညီမငယ်တို့ရေ
မင်းတို့ရဲ့ ကူကယ်ရာမဲ့ အဖြစ်ကို
မြင်နေရတာ
စကားလုံးရှာမရအောင်
ရင်ထဲမှာ
ကြေကွဲ ဆို့နင့်နေရပါတယ်..
ငါတို့ မထားနိုင်တဲ့ စိတ်ဓာတ်မျိုးတွေ
မင်းတို့
ထားခဲ့ကြတယ်...
ငါတို့ မလုပ်နိုင်တဲ့
အလုပ်မျိုး
မင်းတို့
လုပ်ခဲ့ကြတယ်...
ငါတို့ မစွန့်စားရဲတဲ့
စွန့်စားမှုတွေ
မင်းတို့
စွန့်စားခဲ့ကြတယ်..
ငါတို့
မပေးဆပ်နိုင်တာမျိုးတွေ
မင်းတို့
ပေးဆပ်ခဲ့ကြတယ်...
တတိုင်းပြည်လုံးက
ကျောင်းသားပြည်သူတွေအတွက်
ဘယ်သူမှ မခိုင်းဘဲ
ဘယ်သူမှ အမိန့်မပေးဘဲ
ဘယ်သူမှ မြှောက်မပေးဘဲ
တတိုင်ြး့ပည်လုံး လက်ညှိုးထိုး
ရောင်းစားခံနေရတဲ့
ချွတ်ခြုံကျနေတဲ့
ကမ္ဘာအလည်မှာ မျက်နှာငယ်နေရရှာတဲ့
ငါတို့တိုင်းပြည်လေးအတွက်..
ငါတို့ တတိုင်းပြည်လုံး ကောင်းစားရေးအတွက်..
မြင့်မြတ်တဲ့ စိတ်ဓာတ်တွေနဲ့
မင်းတို့ သွေးတွေ မျက်ရည်တွေကို
စတေး
မင်းတို့သမိုင်းကို
အကောင်းဆုံး
ရေးခဲ့ကြပြီ..
ငါတို့ရဲ့
အသေးစားပရဟိတ အလုပ်ကလေးတွေနဲ့ တိုင်းပြည်အတွက် ပေးဆပ်မှုဆိုတာ
မင်းတို့ပေးဆပ်မှုနဲ့ ယှဉ်ရင်
မင်တို့ ဖိနပ်မှာ ကပ်နေတဲ့ ဖုန်တမှုန့်လောက်တောင် မရှိခဲ့ဘူး..
မင်းတို့ဟာ
ငါတို့အတွက်
တကယ် လေးစားရလောက်တဲ့
တကယ် တန်ဖိုးထားရလောက်တဲ့
ငါတို့ ရင်ထဲက
သူရဲကောင်း စစ်စစ်တွေအဖြစ်
ငါတို့ရင်ထဲကို ထိုးဖောက်
သမိုင်းမှတ်တိုင်သစ် စိုက်ခဲ့ပြီ...
ဘာပဲ ဖြစ်ဖြစ်
အမှန်တရားမှာ မင်းတို့ မရှုံးဘူး..
အကျင့်သိက္ခာတရားမှာ မင်းတို့ မရှုံးဘူး..
သူရဲကောင်း စိတ်ဓာတ်မှာ မင်းတို့ မရှုံးဘူး..
....
......
မင်းတို့
.....
ဘယ်တော့မှ မရှုံး...ဘူး...
မင်းတို့ဟာ
ပြည်သူတွေအတွက်
သူရဲကောင်း စစ်စစ်တွေ ဖြစ်ခဲ့ကြတယ်..
လင်းဝေ
No comments:
Post a Comment