မှတ်သားမိတဲ့ တရားတပုဒ်...
(၁)အသေးစိတ် သိရှိခြင်းဟာ ပညာပါ...
ပညာတတ်တစ်ယောက်ဖြစ်ဖို့၊ ထူးချွန်ထက်မြက်တဲ့သူ တစ်ယောက်ဖြစ်ဖို့ မိမိလေ့လာနေတဲ့အရာကို အသေးစိတ် သိရှိနားလည်အောင် ကြိုးစားရမယ်...
အသက်မွေးပညာတစ်ခုခုကို ကျွမ်းကျင်စွာ တတ်မြောက်သွားတဲ့ လူတစ်ယောက်ဟာ ဘယ်လိုသုံးသုံး သုံးမကုန်တဲ့ ရွှေအိုးတစ်လုံးကို ရထားသလိုပါပဲ...
ဘယ်နေရာရောက်ရောက် ထမင်းမငတ်နိုင်တော့ပါဘူး...
ဒါကြောင့် ပညာတတ်အောင် ပညာရှင်ဖြစ်အောင် ကံ၊ ဉာဏ်၊ ဝိရိယ ၃ ပါးလုံးနဲ့ ဇွဲရှိရှိ ကြိုးစားကြရမည် ဖြစ်သည်။
(၂) "ဆရာ" ဆိုတာ အေးမြတဲ့အရိပ်ကို ပေးစွမ်းသူလို့ အဓိပ္ပာယ် ရပါတယ်...
ဆရာတစ်ယောက်ဟာ တပည့်တွေကို အေးမြတဲ့အရိပ် ပေးစွမ်းနိုင်သူဖြစ်အောင် စေတနာ၊ ဝါသနာ၊ အနစ်နာ နာ ၃ နာနဲ့ စောင့်ရှောက်ရမယ်...
လူဆိုတာ ဆရာကောင်းကိုလည်း ရှာတတ်ရမယ်...
ဆရာကောင်းနဲ့ တွေ့တဲ့အခါမှာလည်း နှိမ့်ချပြီး နာခံမှတ်သား သင်ယူတတ်ရတယ်...
သူတပါးရဲ့ ကျေးဇူးတရားကို ဘယ်သောအခါမျှ မမေ့အပ်ပေ...
(၃) မနုဿလူသားဆိုတာ စိတ်ထားမြင့်မြတ်သူလို့ အဓိပ္ပာယ်ရတယ်...
လူတိုင်းဟာ လူပီသအောင် နေထိုင်တတ်ဖို့ လိုတယ်...
ငါတို့ ဘာကြောင့် လူဖြစ်ရသလဲ?
လူတစ်ယောက်ဟာ ရှင်သန်နေထိုင်စဉ်အတွင်းမှာ
၁-လောကကို အကျိုးပြုဖို့ကြိုးစားရမယ်...
၂- ဆွေမျိုး၊ ရပ်ရွာ၊ တိုင်းပြည်ကို အကျိုးပြုဖို့ ကြိုးစားရမယ်...
၃-မိမိကိုယ်ကိုလည်း အကျိုးပြုဖို့ ကြိုးစားရမယ်...
(၄) လူတိုင်းကို မေတ္တာတရားဖြင့် ဆက်ဆံနိုင်အောင် ကြိုးစားဖို့ လိုသလို...
လူတိုင်းကို သည်းခံခြင်းတရားနဲ့ ခွင့်လွှတ်တတ်အောင်လည်း ကြိုးစားရမယ်...
အားလုံး ကောင်းကျိုးတစ်စုံတရာ ရကြပါစေ...
လင်းဝေ
No comments:
Post a Comment