သံသရာ..
မနက်ဖြန်ပေါင်းများစွာ
နိုးထရဦးမယ့်
အိပ်မက်ရှည်တစ်ခုပါပဲ..
အငှားရထားတဲ့
ခန္ဓာ ငါးခုနဲ့
ကိုယ့်သမိုင်းကိုယ်
ပြုစုရင်း...
အဲဒီ
ကမ်းမမြင် လမ်းမမြင်
ပင်လယ်ပြင်ထဲ
မသိခြင်းတွေနဲ့
စီးဆင်းကြရင်း...
တယောက်ကို တယောက်
မသိချင်ယောင် ဆောင်ကြရင်း...
ပြုံးပြ နှုတ်ဆက်ကြရင်း..
မမြင်ချင်ယောင် ဆောင်ကြရင်း...
လူချင်း မှားကြရင်း...
အတိတ်တွေ လွမ်းဆွတ်ကြရင်း...
အနာဂတ်တွေ မျှော်လင့်ကြရင်း...
ပစ္စုပ္ပန်တွေ ပျောက်ဆုံးကြရင်း...
မင်းနဲ့ငါ ကင်ပွန်းတွေ တတ်ကြရင်း...
အလင်းနဲ့ ဝေးမှန်းမသိ ဝေးကြရင်း...
အဖန်တလဲလဲ ဖြစ်ပျက်မှုတွေကြား...
အနှစ်နဲ့ အကာ
ဘယ်ချိန်ထိ
လွဲနေကြဦးမလဲ....
ငါဟာ
ငါမဟုတ်တဲ့အကြောင်း
ငါမသိသေးသမျှ
ဘဝတွေ ဘယ်လောက်
ခုံမင်တွယ်တာနေမိဦးမယ်လေ....
လင်းဝေ
No comments:
Post a Comment