ပြန်ပေးခဲ့ပါ...
ပြန်ပေးခဲ့ပါ...
စံပယ် တစ်ပွင့်ရဲ့
ဖြူစင်မှုမျိုးနဲ့
မွှေးမြလန်းဆန်းခဲ့ဖူးတဲ့
ငါ့ နံနက်ခင်းတွေ...
ပြန်ပေးခဲ့ပါ...
ပြန်ပေးခဲ့ပါ....
ဟို အရင်တုန်းကလို
ဟို တချိန်တုန်းကလို
ဘယ်သူ့ကိုမှ
မတွယ်တာတတ်တဲ့
ဘယ်အရာကိုမှ
အလေးနက်မထားတတ်တဲ့
ပေါ့ပေါ့ပါးပါး
ကောင်လေးတစ်ယောက်ရဲ့ဘ၀ကို...
ပြန်ပေးခဲ့ပါ..
ပြန်ပေးခဲ့ပါ..
အချစ်အကြောင်း
ဘာမှ မသိသေးတဲ့
အလွမ်းအကြောင်း
တစ်ခုမှ မသိသေးတဲ့
မနာကြည်းတတ်
မမုန်းတီးတတ်သေးတဲ့
ပျော်ပျော်နေတတ်တဲ့
လူငယ်လေးတစ်ယောက်ရဲ့ ဘ၀ကို...
ပြန်ပေးခဲ့ပါ..
ပြန်ပေးခဲ့ပါ..
.....
......
နောက်ဆုံး ဆုလဒ်အဖြစ်
မင်းရဲ့
အကြည့်ဖြူဖြူလေးကို....
သားထက် (မုံရွာ)
No comments:
Post a Comment