ကပ်ရောဂါဆိုတာ
တံဆိပ်မပါဘူး
ဒါပေမယ့်
လိပ်စာမေးပြီး
ရောက်လာတတ်တဲ့
Brand New
ရောဂါ တစ်မျိုး
အဲဒီ လိပ်စာက
မင်းလည်း ဖြစ်နိုင်တယ်
ငါလည်း ဖြစ်နိုင်တယ်တဲ့
ကပ်ရောဂါဟာ
ပျိုးမကျဲရပါပဲ
ကမ္ဘာကြီးရဲ့
ရင်ဘတ်အနှံ့မှာ
ပွင့်ဝေဖူးသစ်
အဆိပ်ရူးရနံ့တွေနဲ့
ဒီကမ္ဘာကြီးကို
လွှမ်းခြုံပစ်ခဲ့ပေါ့
ဒီကပ်ရောဂါက
မင်းဆီမှာလား
ငါ့ဆီ့မှာလား
သူ့ဆီမှာလား
တခြားလူတွေဆီမှာလား
မသိနိုင်ဘူး
အငတ်ဘေးနဲ့ အသက်ဘေးကြား
သံသယတရားရယ်
အကြောက်တရားရယ်
ခြောက်ခြားစရာညတွေ
ညစဥ်ရက်ဆက်
အသက်တွေ ဖက်နဲ့ထုပ်ထားသလို
တစ်ဦးနှင့်တစ်ဦး
ယုံကြည်မှုတွေကင်းမဲ့
မွန်းကြပ်ဖွယ်
ကောင်းလွန်းတဲ့ရောဂါကြီး
တစ်ဦးနှင့်တစ်ဦး
နီးနီးနေလို့မဖြစ်ဘူး
တစ်ဦးနှင့်တစ်ဦး
လက်ဆွဲနှုတ်ဆက်လို့မရဘူး
တစ်ဦးနှင့်တစ်ဦး
လက္ဖက်ရည်ဆိုင်ထိုင်လို့မရဘူး
တစ်ဦးနှင့်တစ်ဦး
ဘီယာအတူတူသောက်လို့မရဘူး
တစ်ဦးနှင့်တစ်ဦး
စကားတွေဖောင်ဖွဲ့လို့ရဘူး
အိမ်ထဲကအိမ်ပြင်မထွက်ဖို့
မိသားစုအချင်းချင်းစစ်ခင်းပြီး
ချောင်းဆိုးသံကို
ဗုံးသံထက်ကြောက်နေရ
ရိုးရိုးချောင်းဆိုးနှာချာချင်တောင်
အောင့်ထားရတဲ့ဘဝ
တစ်အိမ်နှင့်တစ်အိမ်
လာလည်ဖို့တောင်မလွယ်တဲ့
ကြောက်မက်ဖွယ်ရောဂါကြီး
ပန်းပွင့်တွေ
ဝတ်မှုန်ကူးကြသလိုမျိုး
ကမ္ဘာအနှံ့က
လူသားတွေဆီ
ခါးသက်တဲ့
ကြေကွဲမှုတွေကို ဖြန့်ဝေ
သေခြင်းတရားတွေ
ကမ္ဘာမြေပေါ်
ပြန့်ကျဲနေတာ
မြင်လို့တောင်
မကောင်းဘူးကွယ်
ကပ်ရောဂါဟာ
သိပပွံပညါကို အံတု
နည်းပညါကို အံတု
ကြွယ်ဝမှုကို အံတု
အကြောက်တရားတစ်ခုကို
ငါတို့ဝိညာဥ်တွေဆီကြဲဖြန့်
ကမ္ဘာကြီးရဲ့
နေရာအနှံ့ကို ဖျက်စီး
ဒီကပ်ဆိုးကြီးမှာ
သွေးမျက်ရည်တွေ
ချောင်းစီးစေခဲ့ပေါ့
အချစ်ရယ်
ကံပစ်ချရာ
လောကဓံထဲ
ကြောက်နေလို့အပိုပဲမို့
ကြံဖန်ပျော်ရွှင်ရင်း
မျက်နှာဖုံးတွေကိုယ်စီတပ်
ခတ်ပြုံးပြုံးပဲ
ရှင်သန်ကြတာပေါ့
ဒီကပ်ဆိုးကြီးအလည်
မင်းရယ်ကိုယ်ရယ်
သတိတရားနဲ့
ကာကွယ်ရုံကာလွဲပြီး
ဘာများတတ်နိုင်ဦးမှာလည်းကွယ်
အဲဒီတော့
တို့တွေ
သတိတရားကလေးတစ်ခု
လက်ကိုင်ထားလို့
မျက်နှာဖုံးတွေတပ်ပါ
လက်မှန်မှန်ဆေးပါ
အိပ်ရေးဝဝအိပ်ပါ
အားရှိတာတင်တွေစားပါ
လူစုလူဝေးရှောင်ပါ
အိမ်ထဲမှာနေပါ
မိသားစုကို ဂရုစိုကပြါ
ကျန်းမာရေးညွှန်ကြားချက်တွေ
လိုက်နာရင်း
နာဖျားနေတဲ့ကမ္ဘာကြီးကို
ကပ်ဘေးကအမြန်ကင်းဝေးဖို့
မေတ္တာတေးတွေနဲ့ပဲ
ဆုတောင်းပေးကြရအောင်ကွယ်
မနက်ဖြန်တိုင်းမှာ
နတ်ဆိုးတွေရဲ့ဘေးရန်က
ကင်းဝေးပါစေ
ဒီဘဒ္ဒဆိုတဲ့
အနတ္တကမ္ဘာမှာ
ကံကောင်းပျော်ရွှင်ခြင်းတွေသာ
ပွင့်ဝေကြပါစေလို့
လင်းဝေ
No comments:
Post a Comment