Monday, April 8, 2013
ကြယ်တစ်စင်းရဲ့ ရင်ခုန်သံ
ကျနော့်ကိုယ် ကျနော်
မြို့ပြတစ်ခုလို
တင်ဆက်ရင်း
ဝင်သက်ထွက်သက်တွေမှာ
ကျနော့် အတ္တတွေ
ရေစုန်မျောနေခဲ့တာ
ကြာပါပြီ....
တခါတခါ
လောကဓံ တရားနဲ့
တခါတခါ
စားဝတ်နေရေးတဲ့
ရှေ့နောက်တောင်မြောက်
မကွဲဘဲ
ဘ၀၀င်္ကပါမှာ
ကျနော်
မျောချင်တိုင်း
မျောနေခဲ့တာလေ...
မေမေ
သားလေ....
ဟိုးကောင်းကင်ကျယ်ကြီးထဲက
လွတ်လပ်တဲ့
ကြယ်ကလေးတစ်စင်း
ဖြစ်ချင်တယ်....။
သူ့မှာ
ကိုယ်ပိုင်အလင်းရှိမယ်
သူ့မှာ
ချစ်ခြင်း မုန်းခြင်း မရှိဘူး...
သူ့မှာ
ကိုယ်ပိုင်လွတ်လပ်မှုရှိမယ်
သူ့မှာ
မနာလို ၀န်တိုခြင်းမရှိဘူး...
သူ့မှာ
ရဲရင့်တဲ့ သတ္တိတွေ ရှိမယ်
သူ့မှာ
အနိုင်ကျင့် ရက်စက်မှုမရှိဘူး...
အဲဒီ ကောင်းကင်ကျယ်ကြီးက
သူ့ကို ချုပ်နှောင်ထားလို့မရဘူး....
သူက
သူ့ကမ္ဘာလေးကို ထွန်းညှိရင်း
သူတပါးကို လမ်းပြပေးတယ်..။
မေမေ
သားလေ....
ဟိုးကောင်းကင်ကျယ်ကြီးထဲက
လွတ်လပ်တဲ့
ကြယ်ကလေးတစ်စင်း
ဖြစ်ချင်တယ်....။
လင်းဝေ (မုံရွာနည်းပညာတက္ကသိုလ်)
Subscribe to:
Post Comments (Atom)
No comments:
Post a Comment