တစ်စက္ကန့်ချင်း
ရွေ့လျားနေတဲ့
နာရီလက်တံတွေနဲ့ အတူ
ငါ မျှော်လင့်မထားတဲ့
နံနက်ခင်းတစ်ခုဟာ
မင်းနဲ့...ငါ...ကြား
ကြိုတင်ချိန်းထားခဲ့ကြသလိုမျိုး
ပိုင်စိုးပိုင်နင်း
ရောက်ရှိခဲ့တာပါ..
်လက်ထဲက
စက္ကူဖြူဖြူပေါ်မှာ
ရေးခြစ်ထားတဲ့
အနီရောင်စကားလုံးတွေသာ
ငါ့ဆီရောက်မလာခဲ့ဘူးဆိုရင်
ငါ...ဟာ...
အလှပဆုံး
စိတ်ကူးတွေနဲ့
ကြည်နူးနေမိဦးမှာပါ...
ခုတော့...
ဘာအချက်ပေးသံမှ
မကြားမိခင်မှာပဲ
ငါ့နှလုံးသား`
ကျကွဲသွားတဲ့အသံကို
ငါ
နားနဲ့ဆတ်ဆတ်
ကြားလိုက်ရတယ်....
သားထက် (မုံရွာ)
No comments:
Post a Comment