နေတတ်ရင်လှတယ်

#နေတတ်ရင်လှတယ်

လောကဓံတွေကို
လွယ်အိတ်တစ်အိတ်လို
လွယ်ပိုးဖြတ်သန်းရင်း
ဘဝသံသရာတောအလယ်
ငါမဟုတ်တဲ့ ငါဟာ
ရင်နာလာတာလား
ရင့်ကျက်လာတာလား

မယေရာတဲ့
အိပ်မက်တွေကို
မတည်မြဲမှန်းသိလျှက်
အသိခေါက်ခက် အဝင်နက်စွာ
ငါမဟုတ်တဲ့ ငါဟာ
စိတ်လိုလက်ရ စိုက်ပျိုးလို့ကောင်းဆဲ

ဒီလိုနဲ့
သုညတ်တ ဘဝမှာ
ဒဏ်ရာအနာတရတွေကို
စီးကရက်တစ်လိပ်လို
တမက်တမောရှူရှိုက်ရင်း
စကားလုံးတွေ
ပိုပိုသိပ်သည်းလာသလို
ကာရံတွေ ပိုလှလာတယ်
နိမိတ်ပုံတွေသုံးတွေသုံးရတာကလည်း
ပိုပိုပြီး ထိမိလာသလိုပဲ

ဒီလိုပါပဲ
ဘဝဆိုတာ
ဒုက္ခတွေနဲ့ ဖာထေးထားတဲ့
ဆောင်းတွင်း အနွေးထည်လေးမို့
ကံပေးသလောက်ကြည်ဖြူ
တို့ရဲ့ ဖြစ်တည်မှုတွေကို
ရောင့်ရဲခြင်းအတတ်နဲ့
တန်ဖိုးထားရင်း လှကြတာပေါ့
ဘဝဆိုတာ
နေတတ်ရင် လှနေတာပါပဲ
ညီလေးရေ

လင်းဝေ