ခရီးသည်တွေ

လူးလာခေါက်ပြန်
ရေဆန်မှန်းမသိ
ရေစုန်မှန်းမသိ
တစ်ဘူတာ တက်လိုက်
တစ်ဘူတာ ဆင်းလိုက်
ဒီ ရာဇဝင်လူမိုက်တွေဟာ
သံသာရာရဲ့
ဝင်္ကပါ ပတ်လမ်းမှာ
အကန်းတွေလို
စီးဆင်းနေကြရဲ့ ...။

ငှက်တွေကမှ
နေဝင်ရင် ကိုယ့်အသိုက်ကိုပြန်ကြဖို့ သေချာပေမယ့်
ပွေ့ဖက်လိုက်ကြ
နှုတ်ဆက်လိုက်ကြ
ငါတို့ မနက်ဖြန်တွေက
ဘယ်မှာ နေထွက်လို့
ဘယ်မှာ နေဝင်မယ်ဆိုတာ
မသေချာခဲ့ဘူး....။

မီးစတစ်ဖက် ရေမှုတ်တစ်ဖက်
သေမင်းနဲ့ စစ်ခင်းနေတဲ့
တိုက်ပွဲအသစ်တွေမှာ
မင်းလည်း အနိစ္စ
ငါလည်း အနိစ္စ
တနေ့နေ့မှာ
တိတ်တိတ်ကလေး
အရှုံးပေးရမယ်ဆိုတာဟာလည်း
သေချာပြီးရင်း
သေချာနေခဲ့ ...။

လက်မှတ်ဝယ်ထားပါ။
အထုပ်ပြင်ထားပါ။

ကုန်းကြောင်းလား?
ရေကြောင်းလား?
လေကြောင်းလား?

ဘယ်က လာတာလဲ?
ဘယ်ကို သွားမှာလဲ?
ဘယ်မှာ ဆုံးမလဲ?

စီးဆင်းနေတဲ့အရှိန်ကို
မရပ်နိုင်သမျှ
အတ္တတွေကိုပွေ့ဖက်
မှတ်တိုင်တွေ
ဘယ်၍ဘယ်မျှမသိ
ငါတို့
ခရီးဆက်ကြရဦးမယ်လေ ...။

ဒီမှာမိတ်ဆွေ
ခရီးသည်အချင်းချင်းတွေမို့
လမ်းမှာတွေ့ရင်
အကြွေးမတောင်းရ
တရင်းတနှီးနဲ့
အရင်မှတ်မိသူက
နှုတ်ဆက်ကြေးပေါ့ကွယ်...။

လင်းဝေ

နေသားတကျပါပဲ

နေသားတကျပါပဲ

အသပြာတွေနောက်
အမောတကောပြေးလိုက်ရင်း
ဝေးနေတဲ့ ကဗျာလေးတွေ
ပြန်ကောက်ကြည့်တော့
အရာရာဟာ နေသားတကျပါပဲလေ။

ပိန်လိုက်ဖောင်းလိုက်နဲ့
အမောဖောက်နေတဲ့
အိပ်ကဒ်တွေရဲ့ အသက်ငင်သံတွေကို
ချွေးစက်ကလေးတွေလောက်ပဲ
နားလည်ကြမယ်ထင်ရဲ့ . . .

ဒီလိုနဲ့
လောကဓံနေရောင်အောက်က
ခရီးသွားတွေဟာ
နေ့မြင်လိုက် ညပျောက်လိုက်
အိုဇုန်းလွှာပေါက်နေတဲ့ ကမ္ဘာကြီးကတော့ နေသားတကျပါပဲ . . .

ဘီယာဆိုင်တွေထဲမှာ
ကေတီဗီတွေထဲမှာ
လက္ဖက်ရည်ဆိုင်တွေထဲမှာ
အကြော်ဆိုင်တွေထဲမှာ
ငွေတွေကတော့
သူတို့ပျော်ရာမှာ နေသားတကျပါပဲ . . .

တချို့က မနက်ဖြန်အောင်မြင်ဖို့ ကြိုးစားနေချိန်
တချို့က မနက်ဖြန်အသက်ရှင်ခွင့်ရဖို့ ကြိုးစားနေရ
တချို့က ညနေ ရှော့ပင်ထွက်နေချိန်
တချို့က ညစာပြင်ဆင်ဖို့ ဆန်ရှာနေရ
လူတန်းစားကွာခြားမှုတွေဆိုတာလည်း
နေသားတကျပါပဲ . . .

တနေ့ လုပ်ခ ၄၅၀၀ ရတဲ့
အလုပ်ကြမ်းသမားတချို့ရဲ့ ငွေတွေဟာ
ဘုံဆိုင်ထဲမှာ အငွေ့ပျံလို့
တနေ့သိန်းချီဝင်နေတဲ့
လူချမ်းသာတချို့ရဲ့ ငွေတွေဟာ
ကေတီဗီတွေမှာ ဖျော်ဖြေနေကြရဲ့
လူတွေဟာ မွန်းကြပ်မှုတွေအတွက်
လက်လှမ်းမီရာ ထွက်ပေါက်တွေရှာလို့
ဆင်းရဲချမ်းသာ လူသားတွေဟာလည်း သူ့အထွာနဲ့သူ နေသားတကျပါပဲ . . .

တခါတလေ နေ့လည် နေသာလို့
တခါတလေ ညနေ လေပြင်းတွေကျ
တခါတလေကျ ညမှ မိုးတွေသည်းတယ်
ရာသီဥတုဆိုတဲ့ သဘာဝတရားတွေဟာလဲ
နေသားတကျပါပဲ

အိုမယ် နာမယ် သေမယ်
လောကဓံတွေနဲ့ ပျော်စံနေကြ
မွေးတုန်းကလည်း ဘာမှပါမလာကြ
သေသွားတော့လည်း ဘာမှယူသွားလို့မရ
လာတုန်းကလည်း တယောက်တည်း
ပြန်ရတော့လည်း တစ်ယောက်တည်း
တခဏတာ ဘဝတွေအားလုံးရဲ့
အဆုံးသပ်တွေဟာလဲ
နေသားတကျပါပဲ

တကယ်တော့
့ဖြစ်သင့်လို့ဖြစ်နေကြတဲ့
ဖြစ်စဉ်တွေထဲမှာ
မင်းလည်း နေသားတကျ
ငါလည်း နေသားတကျ
သူတို့လည်း နေသားတကျ

သူဌေးကြီးလည်း နေသားတကျ
ဆင်းရဲသားလည်း နေသားတကျ
ပညာတတ်ကြီး နေသားတကျ
တေလေဂျပိုးလည်း နေသားတကျ
လက်လုပ်လက်စားလည်း နေသားတကျ
သူတောင်းစားလည်း နေသားတကျ
မော်ဒယ်မင်းသမီးလေးလည်း နေသားတကျ
ညဥ့်ငှက်မလေးလည်း နေသားတကျ

ဘာကိုမှ မင်းအပြစ်မတင်နဲ့
အဲဒီလို
ဖရိုဖရဲ ဖြစ်နေကြတာကိုက
တကယ်တော့ နေသားတကျ

အရာရာအားလုံးဟာ

နေသားတကျပါပဲ
နေသားတကျပါပဲ
.
.
.
နေ
သား
တ
ကျ
ပါ
ပဲ
လေ
။

လင်းဝေ